MATHIU 5:16 - SHEEYU BAIBEL (BSI)

¹⁶ Süzhaibüa neletao vei ava sü maikhemai nghojühi vangao peikhaio, sübü louzü neletao vei vahvei taosü puletao nou ngaoloua rakibu neletao Puoye paosholai.

MATHIU 5:16 Iomraidhean Croise

TAPALOUYU 34:35

Israel mainou Moses pah hai varua buyu ngaokhaie, puhnou puh pah sü pahosah nou hodakhai loua baiwe, alia puhnou Ratho kipao hi veloumo koute hapa-a moe.

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

ISAIAH 58:8

“Sükulouzü Enou neletaoye teithe payu büa panou vapha loulai, ae neletaoye thasho-a nou souvei peilai. Neletaoye sü Enou teisa nou koa salai peilai ae vupa peilai.

ISAIAH 61:3

Zion hinou dopfü buyu maitao hi vounai thaosü pouparaizhao peire donou, levea-a buyu na thaosü savayu pove peire donou, dopfüa buyu thaosü paoshoyu pove peire donou Mapao nou Eye doloua seitawe. Puletao hai Mapao nou shokhai touyu süübe ali bülai, puletao nou acheche nasü soulai, alia Mapao nou soukhai touyu vahtao donou puhye sü paosholai.

MATHIU 23:5

Puletao nou puletao vah taohai maiye panou ngaoloure donou soubaiwe. Puletao puhi ea baohi lichopfübvü khiyupfüa tayu zhukhaio, alia süloukhaio, sütaohai daizhozhou dusa! Alia puletao vei sahzha taohai daizhozhou shosa, süloukhaio.

MATHIU 23:9

Alia deiphao hinou maitaliye nou neletao ‘Puo’ tea kuso, daiolouzü neletao Puo hai rakihi buyu puh likhei baie.

MATHIU 5:45

sübüa neletao nou rakibu neletao Puo vei nahpoutumaitao souloulai. Daiolouzü puhnou puh teinghi sü maishimai ea maiveimai pei hi panou kheihao-a vapeiwe, alia teirü sü avei souyutao ea ashi souyutao hi seivepeiwe.

MATHIU 6:16

“Alia neletao nou lühyu kisü aveikho soumai büa veayu zhu pongaoso. Daiolouzü puletao nou lühyu hai maiye panou ngaoloure donou puletao zhu sü shira-a laiwe. Enou chekhao-a neletao hi paowe, puletao nou puletao buusü ngaoche loure.

MATHIU 6:9

Südonou haibüa veachi paolo: ‘Rakibu Eh Puo: Ne zhih soushee peio;

MATHIU 9:8

Maisounou süsü ngaoloukhaie khupaloure ea emai hi sübüyu khouko peiyu vanou Ramaiye paosho loure.

LUK NOU RÜYU KO AVEIBVÜ 11:2

Jisu nou puletao hi paoe, “Neletao nou veachi paoyu kisü haibüa paolo: ‘Eletao Puo: Nezhih soushee peio; Ne Vedei vepeio.

JOHAN 15:8

Neletao nou rashi alaosou shiloua Arozümaitaoe touyu zhopaoh souyu sünanou Apuoye soudusho peiwe.

SEI-ATAMAI VAHTAO 9:36

Alia Jopa hisü Tabitha tea kuyu rozümai pfü ali bue (puh zhih hai Greekmai la hinou Dorka toue), naotu hainapai sü teisanou vah avei soua ea toure hamaiye soukha-a hrüe.

1 KORINTHMAI 14:25

puhvei kheitsü nasü popa ngaopeiwulai, alia sübüa puhnou puhpei pfüna kouloua Ramaiye tholai ea chechenou Ramai hai neletao hrohi bue tea shapalai.

2 KORINTHMAI 9:13

Neletao vei kuvah hainavei zhopaoh vanou, neletao nou füa laiyu Khrista vei Ko Aveinaye sü neletao nou züa buyu donou, alia puletao ea kukhemai hrülaiye koa neletao nou ledua zha ngaozhoyu vanou, mai alaonou Ramaiye paosholai.

GALATIAMAI 1:24

Alia sübüa puletao nou Avanou Ramaiye paosho loure.

EPHESAMAI 2:10

Daiolouzü Eletao hai Khrista hinou vah avei panou soua bure donou soupeikhai touyu puhvei vahmaitao baie süolouzü Eletaoye panou vah aveitao soua buloure raia Ramai nou Eletaoye donou soudachere.

EPHESAMAI 5:8

daiolouzü teile lihisü neletao hai teizhi hinou bue, ana chuwo neletao nou Mapao vei maitao soulouyu donou, neletaosü teiva hinou buloure; südonou teivahi nahmaitao büa talo,

1 THESSALONIMAI 2:12

Alia Ehnou neleye le soudu, souva peiwe ea neleye lah puhvei vedei ea khouko ava nasü zha ngaozho loure donou ku-a buyu Ramai puhye sousa loure hrü nasü hrüloure donou Ehnou neleye tobai soumoa süpeiwe.

1 TIMOTHI 2:10

ana vah veinou tuloulai, daiolouzü rahrüzhai tayu naotumaitaoe tea pao-a laiyu puletaoye donou süsü züshoe.

1 TIMOTHI 5:10

alia puh hai vahvei souyu hinou zhih tayu maipfüli soulai; süolouzü puh nahmaiye soutaosoua ki-ko peiyu, shevai-shesüye shetou peiyu, sheeyumai phidzü khüpeiyu, vea-laimaiye soukha peiyu, alia vahvei teitei hinou lenou shoyu maipfüli soulai.

1 TIMOTHI 5:25

Sübüa vahvei taohai dua ngaolou baiwe, alia dua ngaomoyu tao-a kukhai louhoe.

1 TIMOTHI 6:18

Puletaoye nou vahvei souloure, vahvei souyu nou hani loure, maiye pakhaimoa peiyu ea kukhe maiye koa zhitou loure donou le roloure chikha peikhaio.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

TITA 2:7

Hateitei hinou zhaido avei taloure zhai nasü lah nenou soungaokhaio. Nenou doupeiyu hisü le sheetoua ea le loushoa doupeio.

TITA 3:14

Alia Ehmai taonou moshilaiyu talihi soukha peiloure donou puletao vei teile hai vahvei soua bulouresü panou doulou vuzükhaio; puletao nou hakoyu hrü hrüa buwu laimoe.

TITA 3:4

Ana Eletaoye khailu-apeio Ramai vei zhuvea ea leshi hai pongao peiwuyu kisü,

EBRIAMAI 10:24

alia Eletao nou alinou liye panou leshi loure ea alinou lihi vah avei soupei-a panou alinou liye soukha peiloure kakua süthou peilaisa touyu vanou tsücho laikhe.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

1 PITAR 3:1

Sübütoua chapfü maitao neletao-a neletao chaamai khehi hrülo, sübüa puletao hronou maitalinou Ramai chipaosü louche molouzü, neletao vei zhaihrü nou puletaoye panou louche loure koloulai. Neletaoye donou chilia paoyu matsü hae,

1 PITAR 3:16

anou süsü natai-a ea khuhao-a souloukhaio. Khrista thaifümai alisoua neletao nou tayu zhai avei naye sü paoshiyu süolouzü neletaoye chi ashinou ngheihyuki puletaoye panou ahrao ngaoloure donou neletao peikhao leikei-a bulo.

1 PITAR 4:11

Maita linou ko paodou louzü süsü Ramai chipaonou paodoulai, maita linou kuvah soulouzü süsü Ramai nou puh hi peikhai touyu khoukonou poa kuvah soulai, sükua Jisu Khrista vanou Ramaiye ha pfüphou hinou paosho loure soulai. Kathe ea adusho sü Jisu Khrista veie teisanou. Amen.

1 PITAR 4:14

Neletaoye Khrista zhih donou sou ahrao peilouzü rakoveie, daiolouzü khouko avavei ea Ramai vei Rakonou neletao pei hisü bue.