MATHIU 5:15 - SHEEYU BAIBEL (BSI)

¹⁵ Maita linoua meibvü taokhaitoua sülai khehi pothou bengi-a khaitamoe, ana meibvü khaiyu buh hi khaibaiwe, alia sünanou kikhahi buyu mai hrülaiye vapeie.

MATHIU 5:15 Iomraidhean Croise

TAPALOUYU 25:37

Meivabvü khaibuh hisü meivabvü anai southou khailo, sübüa panou pahlo meiva koulo.

ZEKHARIAH 4:2

“Ne dai ngaoe?” Enou chila peie, “Sana nou soukhai touyu meivabvü khaiyu buh ali ngaoe, alia sünavei pe hinou meidzü bvü ali bue; sühisü meivabvü anai bue, alia meivabvü ali hinou meitaoyu mü anai bue.

MAIPEI PHOUYU 8:2

“Aaron hi paopeio, süolouzü puhnou meivabvü anaitao hai taoloua meivabvü khaibu hi khaiyu phaki, panou nghoujülo vapoa koure donou khailo.”

MARK 4:21

Alia Jisu nou puletao hi paoe, “Maitalinou meibvü hai taoloua süsü sülai moa züh khehi pothou khaiwu? Puhnou süsü meibvü dzükhaiyu buh hi khailai mowu?

LUK NOU RÜYU KO AVEIBVÜ 11:33

“Maitalinou-a meibvü taoloua khei-a moa sülai khehi poku khaimoe, ana ava nasü kihi tave louyu mai hrülaiye panou ngaoloure donou sünasü meibvü dzükhaiyu buh hi pokhaiwu baiwe.

LUK NOU RÜYU KO AVEIBVÜ 11:36

Südonou nevei pfüphao teitei sü maiyubuh lia ha-a avanou phoutsüpoa bulouzü, meibvü avanou nehi phukhaiyu büa, sünasü teitei nou varulai.”

LUK NOU RÜYU KO AVEIBVÜ 8:16

“Maitalia meibvü hai taowu-a sünasü sülai khehi hongikhaiwu tamoe, moa sünasü züh phihi pokhaiwu tamoe, ana tave louyu maitaoye panou ava nasü ngaoloure donou sünasü meibvü dzükhaiyu buh hi khaibaiwe.

PHILIPPIMAI 2:15

sübüa neletaosü ashi ea paoyu zübayu maikha hrohinou mah hayu ea sheeyu Ramai vei licheyu nahmaitao büa buloulai. Neletao hai puletao hrohinou ratei hi teivuhtao büa vapei-a buvu zülai,

EBRIAMAI 9:2

Daiolouzü sühisü sahpao ali soushupa khaitoue, kijülo kide nasü Mashi Buh tea kuwe. Sühisü meibvü dzükhaiyu buhli, alia arübuhli ea süphao hisü Ramaiye posheelayu raokhao-a bue.

PONGAOPEIYU 2:5

Südonou ne daizhozhou kaadoua dekouresa touyu sü lichokhaio! Nemah hinou le dalouwo ea nenou raiki souyu vahtaosü souloukhaio. Nenou nemah hinou le daluomo louzü, Enou ne hi taveloua nevei meibvü dzükhaiyu buh nasü süna buh hinou potalou bailai.