MATHIU 5:11 - SHEEYU BAIBEL (BSI)

¹¹ “Neletao nou Athaifümai souyu donou mainou neletaoye sou ahraopei, souvea-souhopei ea mada-a chishi tyalinou paopeiyu kisü rakoveie.

MATHIU 5:11 Iomraidhean Croise

LOUTAO 35:11

Mai ashi maitao nou Eye da-a nou shaki soupeie, ae Enou sükhai toumoyu mahmo khesü apei hi paoduka khaipeie.

LOUTAO 44:22

Ana Etaoye zhaotu dathayu büa southa peikoute-a buyu haikhe teitei sü nenou süwe.

ISAIAH 25:8

Puhnou athai nasü teisa polaiwulai, ae Mapao nou mai hrülai nghithou hisü nghidzü southe peilai, alia deiphao hinou hrüa buyu puhvei maitao nou veaho-a chaa pfüa buyu nasü polai peilai, daiolouzü Mapao nou haibüa paoe.

ISAIAH 51:7

“Acheche süyu maitao, Enou paoyu keilo, neletao vei tsüle hi avei chikha pothou khaitoua buyu maitao, mainou neletaoye paoshi-a züyu sü ngaopiso, ae puletao nou cha-a züpeiyu vanou neletao chathai taso.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

JEREMIAH 37:14

Enou chila peie, “Sükumoe, E Babilon mai hinou tuta moe.” Ana Irijah nou achi sü keipei moa Eye nüloua peikho maitao hi savere.

MATHIU 10:18

Alia Avanou neletaoye puletao ea Tahrüh kukhemai nghojünou zhopaoh soure donou teidei khomai ea Vemaitao nghojühi savelai.

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

MATHIU 10:25

Südonou doumai alihai puhvei dou-apeio bülouzü khabaie, alia kilai alihai puhvei paopu bülouzü khabaie. Ki paopuye puletao nou Beelzebul tea kulouzü, daizhozhou koua puletao nou puh kikha maitaoye shishoyu zhihnou kulaisa!

MATHIU 10:39

Lah hrümai khailu paloure te-a buyu maitali nou süsü ha-kabailai, ana Eye donou puh hrümai ha-kayu puhnou süsü ngaoloulai.

MATHIU 19:29

Alia Eye donou ki-lu moa tu-poumaitao moa pfüpuomai moa nahmaitao moa teidei thaoyu mai hrülainou zha kaihli kou-a ngaolai, alia teisa ahri ngaoloulai.

MATHIU 24:9

“Süthaisü puletao nou neletaoye souvea souhore donou thoupeilai, alia neletaoye southealai; alia Azhih donou neletaoye tahrüh veishinou ngaoralai.

MATHIU 27:39

Alia ngheiki taveyu maitao nou puletao pei ngua puhye konüa paoe,

MARK 13:13

Adonou mai hrülainou neletaoye ngaoralai. Ana akhai koute shamea louyu puhye sü khaipeilai.

MARK 13:9

“Ana lah neletaowo leikei-a bulo; daiolouzü puletao nou neletaoye niloua chikuki hi savelai; alia neletaoye rathobuhtao hinou dapeilai; alia neletao hai Azhih donou puletao hi ko avei paongao peire donou teidei khomaitao ea vemaitao nghojühi ve lalai.

MARK 4:17

Ana sünanou lekhehi maa chülou moyu vanou phajü bubaire. Südonou chipaona vanou souchoyu moa souveayu vekhaie puletao sü thalasou kaotare.

MARK 8:35

Daiolouzü maitalinou lah puh hriraihai khailulou nülouzü süsü hawulai; alia maitalinou Eye donou ea ko avei donou puh hrirai hawulouzü süsü khailu loulai.

LUK NOU RÜYU KO AVEIBVÜ 21:12

Ana sütao teitei pamojü hinou puletao nou neletaoye niloua souvea-souholai. Puletao nou neletaoye rathobuh taohi ea hukhahi thoupeilai, alia Azhih donou neletaoye vemaitao ea teidei khomaitao nghojühi savelai.

LUK NOU RÜYU KO AVEIBVÜ 21:17

Mai hrülainou neletaoye Azhih donou ngaoralai.

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

LUK NOU RÜYU KO AVEIBVÜ 9:24

Daiolouzü maitalia lah puhvei hrirai khailulounü louzü süsü halai; ana maita linou Eye donou puhvei hrirai halouzü, süsü puhnou khailuloulai.

JOHAN 15:21

Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

JOHAN 9:28

Puletao nou puhye nghei-a paoe, “Nenou puh rozümaie, ana Ehwo Moses rozümaie.

SEI-ATAMAI VAHTAO 9:16

Daiolouzü Azhihye donou puhnou daizhozhou koute vea vuzülaisa touyu sü Enou puh hi ngaopeilai.”

ROMMAI 8:36

Haisü haibüa rüthouyu kue, “Neye donou Ehye teithe tsünou southeawe; datheare zhaotutao kua Ehye chopeire.”

1 KORINTHMAI 4:10

Khristaye donou Ehsü avomai soutare; ana Khristaye koa ali soulouyu hinou neletaowo tsüdokai vei-a bue! Ehwo lelouhowe, ana neletaowo khouwe! Ehwo mainou ngaorawe, ana neletaowo mainou tsükhouwe!

2 KORINTHMAI 4:11

Daiolouzü Jisu vei ahri sü Eletao vei thailou veiyu vasou hinou ngaoloure donou Eh hrümai sü teisanou Jisu ye donou thailou vei rakoshi hi thoupeiwu-a bue.

PHILIPPIMAI 1:29

Daiolouzü Khristaye donou neletao hisü puhye lü loucheyu likhei baimoa puhye donou veaho loure zhou aveina-a peikhaitoue.

1 PITAR 2:23

Puhye ngheihyu kisü, puhnou puletao hi reive ngheihda moe; puhnou veahoyu kisü, puhnou soupi-a chi paomoe, ana puhnou cheche-a chiku peiyu puhye sü louchewe.

1 PITAR 4:14

Neletaoye Khrista zhih donou sou ahrao peilouzü rakoveie, daiolouzü khouko avavei ea Ramai vei Rakonou neletao pei hisü bue.

PONGAOPEIYU 2:3

Nenou shamealoue ea Azhih donou veahoyu sü daoloue, alia ne sü chathai takhaimoe.