MATHIU 4:8 - SHEEYU BAIBEL (BSI)

⁸ Süthaisü Rashina nou Jisu ye kushoyu deichi alivahi sapaloure ea puh hi deiphao hi vedei veishi ea sütaovei du-shoyu teitei pongaoe.

MATHIU 4:8 Iomraidhean Croise

ESTHER 1:4

Khouh arou koute puhnou puhvei vedei hi kini, kaathe alia veiduso taosü pongaoe.

ESTHER 5:11

Haman nou houmaitao hinou khaosoua puhvei kini kazhou buyu, puh nahpoutu kazhou buyu, veo nou puhye buh adu thoupeiyu, alia puhye peichomai ae adusomai kukhe jünou dupua popeiyu haitao sü pao-a nou bue.

DANIEL 4:30

Puhnou haibüa paoe, “Haizhou koute veishoyu Babilon nuhdu hai, avei kathe ae khouko popa ngaore donou Enou soulou mowu?”

MAIPEI PHOUYU 23:3

Süthaisü Balaam nou Balak hi paoe, “Meidei-a posheela peiyu buh hai hinou ne la-a buwo, Mapao nou Eye daolaiho daolai mosa E taho zhuta laihie. Puhnou ahi ngaoyu veishi sü Enou ne hi paongao peilai.” Südonou Balaam nou lah likhei deichi pei hisü patare,

MATHIU 16:26

Daiolouzü mailinou deiphao teitei zhiloukhaia puh vei hrirai hai halouzü sünanou puhye donou dai koyu bue? Moa mai alinou puhvei hrirai lealoure donou dai peilai?

MATHIU 4:5

Süthaisü Rashina nou Jisu ye sheeyu Nuhdu Jerusalem hi saveloua Rathoki kipei dukhahi sapa khaipeire,

JOHAN 5:20

Daiolouzü Puonou Nahpoutuye leshie alia lah puhnou soua buyu teitei sü puh hi pongaopeiwe. Alia neleye panou khupa loure donou sütao jünou dukouyu vahtao-a puhnou puh hi ngaopeilai.

1 PITAR 1:24

daiolouzü, “Emai hrülaisü pouhou kubaie, alia puletao vei kathe teiteisü rekouhi poupa kubaie, Pouhoutao-a vütabaie, alia poupatao-a raitabaie,

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”