MATHIU 4:24 - SHEEYU BAIBEL (BSI)

²⁴ Südonou puh kohai Suria teidei teiteihi kupoa tare ea maikhe mainou puh hisü lishi-a bumai hrülai, sou tyalinou soua bumai ea sounghei-nghei-a bumai, rashinou louyumai, soura soumai ea pothaimai taoye pove-a puhnou puletao hrülaiye souvei khaipeire.

MATHIU 4:24 Iomraidhean Croise

2 SAMUEL 8:6

David nou puhvei reihmai me ali puletao vei vedei hi khailoure ae puletao hai puhvei khakhe hi bua puh hi kikha sü peie. David nou reih soutayu pfüphou hi Ramai nou puhye kozho peia panou reih veikhai touloue.

1 VEMAITO 10:1

Sheba hi vepfüpai nou Solomon vei zhih tashoyu sü choulou khaie, honapai nou puh hi tave chi tateiyu khesü noure donou tare.

1 VEMAITO 4:31

Puhnou Ethan, Ezrahit, ae Heman, Kalkol, alia Darda, Mahol nahpoutu maitao jünou tsüdo veipu hie, alia pehao hi buyu tyahrü hrülai hisü puhvei zhih hai tare.

1 PUOPAOKO 14:17

Ae teidei teitei hisü David zhih hai tashore, ae Mapao nou tyahrü hrülaiye sü panou puhye ngaopire.

1 PUOPAOKO 29:2

Südonou Enou soulousü koute hai avei Ramai vei Rathoki nasü poa soure donou sana, shahu, baosahu, hu, süü, chuh muhteitya, chuhva, ae lairei chuh alao soudapei khaitoue.

TAPALOUYU 15:26

Puhnou paoe, “Neletao nou soutaosou neletao Ramai Mapao chi zülouzü, ae avei nghingao hinou kaozüyu vah soulouzü, ae avei chikha khesü zülouzü, Enou Ejipt mai hi seiveyu rahta nasü panou neletao hi velai moe, daiolouzü E hai sounou souvei apeio Mapao nasüe.”

MATHIU 12:22

Süthaisü mai kamainou Jisu hi rashinou lou-a nghichayu ea lahayu maili save. Jisu nou mai sünaye souvei peire, südonou mai sünasü la phaloure ea ngaoloure.

MATHIU 14:1

Teile süpha kisü Galilee hi Veo Herod nou Jisu zhih hai chouloure.

MATHIU 15:22

Alia zhukhaio, teidei sühi buyu Kannania tamai naotumai alinou Jisu hi taveloua shusoua paoe, “David Nahpoutu, Oh Mapao, Eye zhuvea peio, Anah naotupai hai rashinou louloua veashoa bure.”

MATHIU 17:15

“Mapao, Ana poutuye zhuveapeio, daiolouzü puh hai sourah souyu mailie alia puh hai soushi shoyu vanou meihi ea dzühi tobai soumoa dulou louwe.

MATHIU 17:18

Alia Jisu nou rashinaye züpeie, alia rashinasü puh hinou tapare, alia süphabü hinou puh hai veiloure.

MATHIU 4:23

Jisu nou Galilee teidei teitei tasühao poa rathobuhtao hinou doupeie ea Vedei vei Ko Avei nasü paodoupeie, alia sounou ea sou tyalinou sou-a buyu maikhemai taoye souvei peie.

MATHIU 8:28

Alia Jisu nou zai polo dovahi buyu Gadara teideihi veloukhaie, puhye sü khüh hrohinou buyu mai ahai nou tapaloua sühinou ve daoe. Mai haina hai hisü rashitaonou louwe ea puhaisü khuleyu vanou ludu sühisü maitalinoua tahaolou shire.

MATHIU 8:33

Vokho mainou tuho nuhduhi velouloua sühinou ve ko teitei ea rashinou louyu mai sühai hisü dai paresa touyu teitei sü paongao peire.

MATHIU 8:6

“Mapao, Akilaiwo sü pothairanou soushishoa kihinou züa bure.”

MATHIU 9:26

Alia ko süsü teidei süna buh liki kubou loure.

MATHIU 9:35

Jisu nou nuhdutao ea nuh veishisü tasühao-a zhutae. Puhnou rathobuhtao hinou doupeie, Vedei vei Ko Avei nasü paodoupeie, alia lishia buyu ea sounou tyalinou soua buyu maikhe maiye souvei peie.

MARK 1:28

Alia südonou thalasou puh zhih sü Galilee teidei teitei hisü sürao tare.

MARK 1:32

Süzhou koukhe teinghi loutayu thai, maikhe mainou sounoumai ea rashi louyumai hrülaiye Jisu hi savere.

MARK 2:3

sübüa buyuhinou mai adainou pothaimai aliye kaopoa Jisu hi save-e.

MARK 2:4

Sütoukhaia maipouleyu donou puletao sü puhye Jisu hi sakoulou hore. Südonou puletao nou Jisu nou buyu chübü kiphao hinou sousha loure, alia puletao nou kulu ali soucha louyu kisü, puletao nou pothaimai nanou züa buyu züh nasü deiphihi kezhukoupeie.

MARK 2:9

Pothaiyu mainahi, ‘Nemah khaipeire,’ tea paoyu nanou talaho, ‘Lashuloua ne züh nasü poloua takhaio’ tea paoyu nanou talae?

LUK NOU RÜYU KO AVEIBVÜ 2:2

Quirinia nou Suria hinou teidei khowona soubu kisü maipei rüyu sünanou raikaiyu nasüe.

LUK NOU RÜYU KO AVEIBVÜ 4:14

Süthaisü Jisu sü Rako Mashi vei khouko nou phoupoa Galilee hi dakhai vere, alia teidei sühi buyu buh teitei hisü puh vanou kubou loure.

LUK NOU RÜYU KO AVEIBVÜ 4:38

Alia puhnou tashuloua rathobuh sünasü thaowu-a tare ea Simon kihi loure. Sükisü Simon nai sü rakee shishoa bue, alia puletao nou Jisu hisü puhye soukha peire donou paopeie.

LUK NOU RÜYU KO AVEIBVÜ 5:15

Ana Jisu kosü holo hailo kubou loure; alia maisou alaosou puh hinou ko keire ea puletao vei sounou souvei loure donou tave dzüloure.

LUK NOU RÜYU KO AVEIBVÜ 5:24

Sükulouzü Enou neletao hi Mai Nahpoutu hai deiphao hi mah khaipeilou süyu khouko bue touyu zhopaoh peilai.” Südonou puhnou pothaiyu mai sünahi paoe, “Enou nehi paowe, lashulo ea nezüh poloua kihi taveo!”

LUK NOU RÜYU KO AVEIBVÜ 7:17

Alia puh vanou ko süsü Judea teidei teiteihi ea sünavei ngheikihi buyu teidei hi kubou loure.

JOHAN 10:21

Ana kukhe taonou paoe, “Chipao sütaohai rashinou louyu mailinou paoyu chipao moe. Rashi alinou nghichamai nghithousü souhepa peilou süwu?”

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 15:23

alia teikou rükhai touyu seiko nasü puletao bah hinou seitae: “Neletao thaihou jürai sei-atamaitao ea tsümaitao nou Antiok, Suria ea Kilikia hi buyu tahrüh kukhemai thaihou jürai maitao hrülaiye sasa-a khurüwe.

SEI-ATAMAI VAHTAO 15:41

Alia puhnou lüloumaime taoye soutsüpeia Suria ea Kilikia hilonou tachopoa tare.

SEI-ATAMAI VAHTAO 28:9

Sübüyu vanou zaipeidei sühi buyu kukhe sounou maitao hrülai-a tave ea puletaoye souvei peie.

SEI-ATAMAI VAHTAO 8:7

Daiolouzü sheemoyu rakonou louyu maitaoli hinou sütao sü shusou raoloua tapare; alia pothaimai ea phi chamai taoli veiloure.

JOSHUA 6:27

Mapao nou Joshua ye sü kozo peie, süvanou puhvei zhih sü teidei teitei hi sütare.