MATHIU 4:23 - SHEEYU BAIBEL (BSI)

²³ Jisu nou Galilee teidei teitei tasühao poa rathobuhtao hinou doupeie ea Vedei vei Ko Avei nasü paodoupeie, alia sounou ea sou tyalinou sou-a buyu maikhemai taoye souvei peie.

MATHIU 4:23 Iomraidhean Croise

LOUTAO 103:3

Puhnou avei mah veishi khaipeie, ae avei sounou teitei sü souvei paie.

LOUTAO 74:8

Puletao nou Etaoye sü souha zeilai tea bure; puletao nou sheeyu buh teitei sü meidei laire.

MATHIU 11:5

nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

MATHIU 12:9

Alia Jisu nou buh süsü thaowu-a rathobuh alihi tare.

MATHIU 13:19

Vedei vei chipao chouloua süsü sülou moyu puletao sü luduhi dekouyu thoutaitao büe. Puletao lethouhi vuthoukhai touyu taosü Ashinanou taveloua shaopoa tare.

MATHIU 13:54

alia lah puh vei nuhduhi khaiveloua puhnou puletaoye puletao vei rathobuh hinou doupeie, alia puh chi choulouyu maitao nou khupaloua paoe, “Daikinou mai hainanou haibüyu ratsü ea khupavah haitaosü ngaolousa?

MATHIU 14:14

Jisu nou zaipehi tapayu kisü maisou alaoye ngaoloure; alia puhnou puletaoye zhuvea sholoua puletao vei sounou maitaoye souveipeie.

MATHIU 24:14

Alia Vedei vei ko avei haina hai tahrüh pfüphouhi zhopaoh soure donou deiphao teiteihi paodou talai; alia süthainou akhai nasü velai.

MATHIU 3:2

Puhnou paoe, “Neletao mah hinou le dalouwo, daiolouzü raki Vedeihai ngheire!”

MATHIU 9:35

Jisu nou nuhdutao ea nuh veishisü tasühao-a zhutae. Puhnou rathobuhtao hinou doupeie, Vedei vei Ko Avei nasü paodoupeie, alia lishia buyu ea sounou tyalinou soua buyu maikhe maiye souvei peie.

MARK 1:14

Johanye niloua hukhahi thouyu thaisü, Jisu nou Galilee hi taveloua Ramai Vedei vei ko avei nasü paodoue,

MARK 1:21

Jisu nou puh rozümaitaoye koa Kapernahum nuhdu hi taloure, alia süthaibü Soteithe zhousü puhnou rathobuh hi talouloua doupei tare.

MARK 1:39

Südonou puhnou rathobuhtao hinou ko paodoupoa ea rashitaoye hupa-a Galilee buh teitei tasühaopoa tae.

MARK 3:10

daiolouzü puhnou mai alaoye souvei peie, alia sounoumai hrülainou puhye kou deiloure donou puh hilo khaova koure.

MARK 6:2

Alia Soteithe zhousü puhnou rathobuh hinou doupei tare. Mai alaosou sühi bue; alia puhnou paoyu sü puletao nou choulouyu kisü, puletao hrülainou khupaloua haibüa noue, “Mai hainanou daikinou haitaohai ngaoloue? Puh hi peikhai touyu haina hai dai ratsüsa? Puh nou kabüa khupa vahtao soulousa?

MARK 6:6

Alia maikhemai nou lü hayu donou puh sü khupasho loure. Süthaisü Jisu nou sühaohi buyu nuhtaohi tasühaopoa maikhemai hi doupei tare.

LUK NOU RÜYU KO AVEIBVÜ 10:9

sühi buyu sounou maitaoye souvei peio ea puletao hi paokhaio, ‘Ramai Vedeisü neletao ngheikihi veloure.’

LUK NOU RÜYU KO AVEIBVÜ 13:10

Alia Soteitheki ali hisü Jisu nou rathobuh ali hinou doupei-a bue.

LUK NOU RÜYU KO AVEIBVÜ 16:16

“Razhai ea rachi paolamaitao sü Johan teile koute bue; süshonou Ramai Vedei vei avei kosü paodoue, alia maikhemai hrülainou khaotsü tsüpoa sühisü taloue.

LUK NOU RÜYU KO AVEIBVÜ 20:1

Naiteithe kisü puhnou Rathoki hinou maikhe maiye doupeia ea ko avei paodou-a buyu hinou, napao adumaitao ea razhai dou-apeimai taonou tsüme taoye koa taveloua,

LUK NOU RÜYU KO AVEIBVÜ 4:14

Süthaisü Jisu sü Rako Mashi vei khouko nou phoupoa Galilee hi dakhai vere, alia teidei sühi buyu buh teitei hisü puh vanou kubou loure.

LUK NOU RÜYU KO AVEIBVÜ 5:17

Naiteitheli Jisu nou doupei-a buyu kisü, sühisü Galilee, Judea, alia Jerusalem hi nuhdu teitei hinou tavelouyu Phariseemaitao ea razhai dou-apeimaitao sü bue; alia sounou souvei peiloure Mapao vei khoukosü Jisu ye koa bue.

LUK NOU RÜYU KO AVEIBVÜ 6:17

Alia Jisu nou puhvei sei-atamaitaoye koa deichi hinou takouhloua deikhobuh ali hinou kou laloure, alia sühisü puhvei rozümaitao alaosou ea maisou alaosou Judea teidei veishi hinou, Jerusalem hinou, alia Tair ea Sidon vei zaidu ngheiki hinou maisou alaosou puh hinou puhvei chipao keiloure ea puletao vei sounou sü souvei loure donou tave loure;

LUK NOU RÜYU KO AVEIBVÜ 6:6

Soteithe kukheli kisü Jisu nou rathobuh lihi talouloua doupei-a buyu phakisü sühisü bah zhoulova shoyu mai ali bue.

LUK NOU RÜYU KO AVEIBVÜ 7:21

Süphabü hinou Jisu nou maitaoliye puletao vei sounou ea sou-ashitao alia rashitao hinou souvei peire, alia nghichamai taoliye panou ngaoloure.

LUK NOU RÜYU KO AVEIBVÜ 7:22

Alia puhnou puhaihi chila peie, “Khaitawo, alia nehainou ngaolouyu ea choulouyu taosü Johan hi paongaokhaio: nghichamai taonou ngaoloure; phishomainou taloure, loukhaora soumaiye sü soushee peire, noupe mainou chouloure, thaimaiye sü souhri peire, alia toure hamaitao hisü ko avei paodou peire.

LUK NOU RÜYU KO AVEIBVÜ 8:1

Süthaisü thashoa Jisu nou Ramai vedeivei ko avei nasü paodoupoa nuhdutao hi ea kukhe nuhtao hi tare. Alia rozümai kiahaitao-a puhye koa tae,

LUK NOU RÜYU KO AVEIBVÜ 9:11

Maisoutao nou sübüyu kosü choulouyu kisü, puletao nou puhthai füpoa tare; alia puhnou puletaoye sasa-a shepeiwu-a puletao hi Ramai vedei vanou paodou peie, alia sou souveilou nüyu maitaoye souvei peie.

LUK NOU RÜYU KO AVEIBVÜ 9:60

Ana Jisu nou puh hi chila peie, “Thaimaitaoye panou lah puletao vei thaimaiye sü vukhaio; ana neye donou louzü taloua Ramai vedei kosü paodou takhaio.”

JOHAN 18:20

Jisu nou puh hi chila peie, “Enou deiphaomai hi dua paongaore; Enou Jihudimai hrülainou vedzüa buyu rathobuhtao ea Rathoki hinou teisanou doupeie. Enou hatalia kheia paokhai moe.

JOHAN 6:59

Chipao haisü Jisu nou Kapernahum hi rathobuh hinou doupeia bubuki paoe.

JOHAN 7:1

Haithaisü Jisu nou Galilee hi tasühao tare; puh hai Judea hi tanükhai more, daiolouzü Jihudimai taonou puhye southeare donou phoua bue.

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 18:4

Alia puhnou Soteithe tsü rathobuh hinou puletaoye pha-kua Jihudimaitao ea Greekmai taoye sü paothou panou louche loure donou tewe.

SEI-ATAMAI VAHTAO 20:25

“Alia zhukhaio, Enou Ramai vedei ko paodoupoa velouyu neletao hrülai hrohinou mailinoua Azhu sü ngaopu khailou hore touyu sü chuo Enou süloure.

SEI-ATAMAI VAHTAO 28:31

Khuveishoa alia halinoua khangiyu ha-a Ramai vei Vedei vanou puhnou ko paopeie alia Mapao Jisu Khrista vanou doupeie.

ROMMAI 10:15

Alia maiye seita moanou kakua puletao nou ko paodou loulai? Haisü haibüa rüthouyu kue, “Ko avei paodouyu puletao phisü daizhozhou zhai veisa!”