MATHIU 4:10 - SHEEYU BAIBEL (BSI)

¹⁰ Süthaisü Jisu nou chila peie, “Tawo, Saitan! daiolouzü haibüa rüthoure, ‘Nenou ne Ramai Mapaoye khurülai ea puhye likheithe nenou kuvah soulai!’ ”

MATHIU 4:10 Iomraidhean Croise

1 PUOPAOKO 21:1

Saitan nou Israel mai hi veahoyu povepei nüloure, südonou puhnou David veo panou Israel maipei phoure donou lela loure.

JOB VEI LARÜBVÜ 1:12

Mapao nou Saitan hi paoe, “Süthaisü veire, puh vei buyu teitei pei hi soulou süyu khouko sü ne bah hi bue, ana Job hiwo louzü ne bah deilai moe.” Süthaisü Saitan hai aetea tashure.

JOB VEI LARÜBVÜ 1:6

Rakivamaitao nou Mapao hi veyu teithe zhousü Saitan-a puletao hrohi lou bue.

JOB VEI LARÜBVÜ 2:1

Rakivamai nou Mapao nghoujü hi veyu teithe vepuyu phaki, Saitan-a puletao hrohi veloupu khaire.

LOUTAO 109:6

Puh pei hi chikure donou chiku peiyu mai ashi aliye dothou peio, ae puhye sü panou puhye ngaobayu mai aliye panou mah paodu peio.

TAPALOUYU 23:25

Neletao Ramai Mapao Eye neletao nou tho louzü, Enou neletaoye sü thoudzü veishoa ha peilai, alia neletao hinou sounou khesü polai peilai.

ISAIAH 30:22

Süthaisü neletao nou shahu ae sana nou poa soukhai touyu bashara khesü sheemoyu na ali büa shilai bailai, alia neletao nou sütao hisü “Anghingao hinou talo” tea paolai.

MATHIU 16:23

Ana Jisu nou thailo reiveloua Pitar hi paoe, “Saitan, Ahinou tawo! Nehai Aphisüre alibaie; daiolouzü nevei tsü haitaohai Ramai hinou vemoe, ana emai hinou vebaie!”

MARK 1:13

sühinou puh sü Saitan nou thao-a teithe raidai bue. Rekhaonatao-a sühi bue, ana rakivamainou tave puhye soukha peie.

LUK NOU RÜYU KO AVEIBVÜ 10:18

Jisu nou puletao hi paoe, “Raki hinou tei-peiyu büa Saitan nou dekouyu Enou ngaoe.

LUK NOU RÜYU KO AVEIBVÜ 11:18

Alia Saitan vei vedei-a lah meme soua dadeloua alinou lipei hi reihzü louzü, kabüa puh vei vedei sü laloulai? Daiolouzü neletao nou Eyenou Beelzebul vei khouko vanou rashitaoye hupawe tea paowe.

LUK NOU RÜYU KO AVEIBVÜ 13:16

Sübülouzü Saitan nou po kiacha phukhai toua buyu Abraham nah naotupai hainawo puhye phukhai touyu süna hinou Soteitheki phapei zümowu?”

LUK NOU RÜYU KO AVEIBVÜ 22:3

Süthaisü rozümai kiahaitao hrohinou ali soua buyu Iskariot tea kuyu Judas hisü Saitan nou louloure.

LUK NOU RÜYU KO AVEIBVÜ 22:31

“Simon, Simon! Zhukhaio, Saitan nou neletaoye southou büa chedoure donou kholoure,

LUK NOU RÜYU KO AVEIBVÜ 4:8

Alia Jisu nou puh hi chila peie, “Haibüa rüthoure, ‘Nenou ne Ramai Mapaoye khurülai ea nenou puhye likheithe kuvah soubailai.’”

JOHAN 13:27

Judasnou raokhaopho süna polouyu thaisü, Saitan nou puh hi louloure. Jisu nou puh hi paoe, “Nenou soure nasü thala-a soukhaio!”

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

SEI-ATAMAI VAHTAO 5:3

Ana Pitar nou puh hi paoe, “Anania Rako Mashi hi mada loure ea füdei zholouyu hinou zha polo pokhai loure donou Saitanye panou daidonou ne lekhe hi phouloure?

1 KORINTHMAI 5:5

neletao nou mai hainaye sü puh rakoye panou Mapao vei Teitheki khailu paloure donou, puh pfüphao hai souha loure donou Saitan bah hi thoupeiwuwo.

1 KORINTHMAI 7:5

Lah nelenou leipua veachi paore donou teile phajütou alinou li hinou raloure ae-ao touyu sü likhei baimoa alinou liye bayu ali-a souso; ana süthaisü khailou kilo souyu hrüna hisü hrüloukhaio, molouzü lah pfüphaoye tukhalou hoyu vanou neletaoye Saitannou thaowu shulai.

2 KORINTHMAI 11:14

Alia sühisü khupa loure hae! Saitan puhlah koutenoua ava vei rakivamai zhu raia soudalou süe!

2 KORINTHMAI 12:7

Ana Enou khupa tyali ngaoyu sütao vanou Eye panou khaophu soua baotaitai-a talou more donou Avasou hisü shu büa khüyu sou ali peire, sünanou Saitan vei vahlaimai büa Eye dapeire ea panou khaophu soulou more donou vah souloure.

2 KORINTHMAI 2:11

molouzü Saitan nou Eletaoye koloure zhou avei ngaolou shulai; daiolouzü Eletao nou Saitan vei do hai süwe.

PAODAKHAIYU CHIKHA 10:20

Neletao Ramai Mapao ye pi-a puh vah soulo. Puh hinou nghitei-a bulo alia puh zhih hinou neletao chaachou soua bailai.

JEMS 4:7

Südonou Ramai khakhe hinou hrülo. Rashinaye nulo, alia puhnou neletao hinou tuta bailai.

JOSHUA 24:14

“Südonou chuo neletaoa Mapao ye ngaopilo, alia puh vah sü chilee chechea soulo; nele puopao taonou rei holova buki alia Ejipt hi bubuki thoyu rah nasü thaowo, sükua nou Mapao vei vah sü soua baio.

1 PITAR 5:9

Neletao lü nasü tsüloua puhye sü nulo, daiolouzü deiphao teiteihi buyu thaihou jürai maitao hrülai-a haikuyu veahoyu hai daokhaiwe touyu sü neletao nou süwe.

1 SAMUEL 7:3

Samuel nou Israel maitao hisü paoe, “Neletao vei tsüle teitei nou peia Mapao hi dakhai veloua vakou maivei rahtao, ae Ashtaroth vei basharatao sü thaokhai louzü, alia neletao vei hrü hai Mapao hi peithou khaiwua puhye likhei tho bailouzü, puhnou neletaoye Philistin mai bah hinou vupa peilai.”