MATHIU 3:7 - SHEEYU BAIBEL (BSI)

⁷ Ana Johan nou Phariseemai ea Sadukimai taolinou dzükhao daloure donou puh hi taveyu ngaoloua puletao hi paoe, “Oh houng tyaonahkhemai! Neletaoye thaohnou vere Ramai rarouna hinou tutalouwo tea tukhapeie?

MATHIU 3:7 Iomraidhean Croise

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

TSÜCHITAO 28:4

Chikha ye ngaophou moyu mai nasü mai ashi maiye paosho-a baie; ana chikha züyu maitao louzü puletaoye duwe.

ISAIAH 59:5

Vah ashi soulai tea neletao nou tsüchoda khaitouyu khesü tu shishoyu nghou vei jü büa baie. Nghou vei jü nasü dakhopa louzü nghou pa-a bailai! Ana neletao nou ashi vah soulai tea tsüchoda khaitouyu khesü neletaoye donou haveih ali-a soupeilai moe – sükhesü hrairara ranou poa sah soukhai touyu büa hamako bailai.

JEREMIAH 51:6

Babilon hinou tutalo! Neletao hriloure donou tupalo! Babilon maivei mah donou neletaoye panou koa southaso. Puletao nou ngaozü thaifüa Enou puletao pei hisü khüngu phoulaire.

JEREMIAH 6:10

Enou chila peie, “Enou pao-a tukha peiyu sü thaonou keipeilai? Zhukhaio puletao noubi sü kaloure ae keibare. Nenou ahi paopeiyu chipao khesü puletao hi paopei khaie konüa baire.

MATHIU 12:24

Ana Phariseemai taonou süsü chouloua paoe, “Mai hainanou rashitaoye hulai payuhai rashitao pei hi aduna Beelzebul nou puh hi sübüa soure khouko peiyu vanoubaie.”

MATHIU 12:34

Nghou tyaonah taore, neletao hai shi-a bulukhu kabüa avei chi paoloulai? Daiolouzü lekhe hinou phoupeia buyu hinou münou paopawe.

MATHIU 15:12

Süthaisü rozümai taonou puh hi taveloua paoe, “Nenou paoyu haina vanou Phariseemai taohai phi süloure touyu ne süsümoe?”

MATHIU 16:1

Alia Phariseemai ea Sadukimai kamainou Jisu hi taveloua puh zhai zhure donou puhye nou raki vanou sheeli puletao hi ngaopeio tea puh hinou khoe.

MATHIU 16:6

Jisu nou puletao hi paoe, “Leikeilo; Phariseemai ea Sadukimai vei kheih sü zhutoulo.”

MATHIU 22:15

Süthaisü Phariseemai taonou taho kabüa Jisu vei chipao hinou puh mah phoupalou laisa tea khailoure,

MATHIU 22:23

Teithe süzhou hrishuyu hae tea paoyu Sadukimai taonou puh hi tave; alia puh hinou chili noue,

MATHIU 22:34

Ana Jisu nou Sadukimai taoye paoposhu chila souhare touyu sü Phariseemai taonou choulouyu kisü puletao sü tave dzüloure.

MATHIU 23:33

Nghoutao ea nghouvo tyaonah taore, neletao nou daikinou meizai vei tudee ngaore hinou tupalou khailai?

MATHIU 5:20

Südonou Enou neletao hi paowe, süolouzü neletao vei achechena nou razhai dou-apeimaitao ea Phariseemaitao vei jünou koulou molouzü neletao hai hakia raki Vedeihi velou louhoe.

MARK 12:13

Phariseemai kamaitao ea Herod memaitao kamaiye Jisu mah phoupa loure donou Jisu hi seive-a panou chinoue.

MARK 12:18

Süthaisü hrishuyu hae tea paoyu Sadukimai kamainou Jisu hi taveloua paoe,

MARK 8:15

Jisu nou puletaoye tukha-a paoe, “Leikeilo, Phariseemai ea Herod vei kheih zhutoulo.”

LUK NOU RÜYU KO AVEIBVÜ 16:14

Phariseemai taonou chi sütao teitei choulouyu kisü puletao nou Jisu ye konü loure, daiolouzü puletaosü pousha züpae.

LUK NOU RÜYU KO AVEIBVÜ 18:11

“Pharisee maipou sünanou lashuloua puh lahnou haibüa veachi paoe, ‘Oh Ramai, Enou neye showe, daiolouzü Ewo kukhe maitao—maivei pitoumai, chechemomai, naotumaiye soumahyu mai moa kikha khamai haina kumoe.

LUK NOU RÜYU KO AVEIBVÜ 7:30

Ana Pharisee maitao ea razhai dou-apeimaitao louzü Johanye panou dzükhao dapeiloumoa lah puletaoye donou Ramai vei aroh nasü nuwure.

JOHAN 1:24

Puletao hai Phariseemaitao hinou seive.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

JOHAN 9:40

Buh sühinou puhye koa buyu Phariseemai kamainou süsü chouloua puh hi paoe, “Eletao-a nghi chawu?”

SEI-ATAMAI VAHTAO 15:5

Ana Phariseemai me hrohinou lüloumai kamainou lashuloua, “Tahrüh kukhe maitao hai hee rode vuzülai ea Moses vei razhai hai panou zü vuzülai,” tea paoloure.

SEI-ATAMAI VAHTAO 20:31

Südonou leikeilo ea po asü Enou nghidzü koua khei-hea thaokhaimoa neletao hrülaiye tukha-a doupeie touyu sü li-cholo.

SEI-ATAMAI VAHTAO 26:5

Puletao nou zhopaoh peinüwe toulouzü E hai Ehvei rahrüzhai thaifüa soutaosoua reiyu me hinou Phariseemai alie touyu sü raikinou puletao nou süa bue.

SEI-ATAMAI VAHTAO 5:17

Ana napao peichana ea puhye koa laiyumai hrülai süolouzü Sadukimai me, puletao nou ngaoraiyu nou phoupeiloua

ROMMAI 1:18

Daiolouzü Ramai vei rarou hai ramaiye sümoyu ea acheche naye süloure hinou nukhaiyu mai ashi maitao vei vah ashitao pei hi sü rakinou pongaowe.

ROMMAI 5:9

Puh zhe vanou Ramaiye koa Eletaoye souzü peire; süthaisü daizhozhou koua puhnou Eletaoye Ramai vei rarou hinou khailupa peilai!

1 THESSALONIMAI 1:10

puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.

EBRIAMAI 11:7

Lü vanou Noha nou ngaomoyu natao vanou Ramai nou tukha peiyu kisü puhnou züloua puh kikhamaitao khailu paloure donou dzüluki ali daoloue. Alia sükuyu vanou puhnou deiphaomaiye sü mah dukhaipeie, alia sübüa lü vanou veyu acheche navei kaa nasü puhnou thaoloue.

EBRIAMAI 6:18

Südonou hakia soudalou hoyu ea Ramai nou sühai vanou hakia madalou hoyu na ahai bue. Südonou puh hinou baibuh ngaolouyu Eletaoye sü Eletao nghojühi khaipei khaitouyu areih sünaye soutaosoua poloure donou le soudu-sho peikhaitoue.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.