MATHIU 3:2 - SHEEYU BAIBEL (BSI)

² Puhnou paoe, “Neletao mah hinou le dalouwo, daiolouzü raki Vedeihai ngheire!”

MATHIU 3:2 Iomraidhean Croise

1 VEMAITO 8:47

nevei maitao nou veachi paoyu sü keipeio. Puletao nou teidei sühinou ledalou-a ne hi veachi paolouzü, puletao nou daizhou koute mah soure ae vah ashi soure tea mah lalouzü, puletao vei veachi sü keinou peio, Oh Mapao.

JOB VEI LARÜBVÜ 39:12

Ne puhye sa-a nevei chathai hinou thou pojükhai touyu sü sa-a pfüve peilou süe tea chovu?

JOB VEI LARÜBVÜ 42:6

Südonou chuo Enou paopayu chipaotao sü choloua E hrao shore, ae chuo vounai alia konai hinou kou da-a nou E le daloure.

EZEKIEL 33:11

Cheche vujünou Ramai Mapao E hai hriyu Ramai thaifüa mah mai ali nou thaiyu sü ngaoloua E hai lesa moe tea puletao hi paopeio. Ewo louzü puhnou mah souyu bailoua hrilouyu nasü nou jüpapu hie. Südonou Oh Israel maitaore, vah ashi souyu sü thaowu-o. Neletao daisounou thainüwe?

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

MATHIU 10:7

Alia neletao nou taho haibüa, ‘Raki Vedeisü ngheire’ tea paodoukhaio.

MATHIU 11:20

Jisu nou puhvei khupa vah souyu buh nuhdutaohi maikhemai nou leda moyu donou nuh sütaoye züa paoe:

MATHIU 12:41

Chikuyu Teithe kisü Nineva hi maitao nou maikha hainaye koa hrishuloua neletaoye mah dukhailai, daiolouzü puletao nou Jonah nou ko paodouyu hinou le daloure, alia zhukhaio, Jonah jünou dukouyu hali haihi bue!

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

MATHIU 13:24

Jisu nou kukhe nadali hinou puletao hi paoe: “Raki Vedei hai puh douhi thoutai avei vuthouyu mai sünaye pao nadalou veie.

MATHIU 13:31

Jisu nou puletao hi kukhe nadali paoe: “Raki Vedeihai mai alinou javu thouli poloua puh douhi vuthouwuyu sünaye kheihaoe.

MATHIU 13:33

Süthai-a Jisu nou nada kukheli puletao hi paopeie: “Raki Vedeihai naotumai alinou sou hai phou asühi thouloua souke teitei lapamosa pothou hükhai touyu kheih büe.”

MATHIU 13:47

“Süthaia, Raki Vedei hai zaihi laithouyu ea khah tyatyali sülouyu khahbe aliye kheihaoe.

MATHIU 13:52

Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”

MATHIU 18:23

Südonou raki Vedeihai puh kilai taoye koa kini pa-lou chore donou soudayu veomai aliye paonada louveie.

MATHIU 20:1

“Raki Vedeihai ki paopu alinou shohna hinou tapaloua puhvei darkha kipei hi vah soure maiye zho kutayu büe.

MATHIU 22:2

“Raki Vedeihai vemai alinou puh nahpoutu sheeyuki tovai peiyu sünaye pao nadalou veie.

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

MATHIU 25:1

“Sükisü raki Vedei hai puletao vei meibvü poloua sheerepuye daore donou tapayu loumaina kiroutaoye pao nadalou veie.

MATHIU 25:14

“Daiolouzü raki Vedei hai mai alinou teidei kukhe alihi veitare jübühi puh kilai maitaoye kuveloua puhvei kina taohai puletao bah hi thaothou peiwuyu büe.

MATHIU 4:17

Teile süshonou Jisu nou puh chipaosü paodou shupoa haibüa paoe: “Ledalo, daiolouzü raki vedeisü ngheire!”

MATHIU 4:23

Jisu nou Galilee teidei teitei tasühao poa rathobuhtao hinou doupeie ea Vedei vei Ko Avei nasü paodoupeie, alia sounou ea sou tyalinou sou-a buyu maikhemai taoye souvei peie.

MATHIU 5:10

Achechena vanou mainou souvea-souhoyu puletaosü rakoveie; daiolouzü raki Vedeisü puletao veie!

MATHIU 5:3

“Rako hinou lülouhoe tea süa bumaisü rakoveie; daiolouzü raki Vedeisü puletao veie!

MATHIU 6:10

ne vedei vepeio; rakihi büa deiphao hi-a nedo soupeio.

MATHIU 6:33

Ana neletao nou rairaikaia Ramai Vedei ea puh vei acheche nasü phoulo, alia na haitao teitei sü neletao hi thoupu peilai.

MARK 1:15

alia haibüa paoe, “Teile sü vetere, alia Ramai Vedei sü ngheiteire! Ledalo ea ko avei nasü louchelo!”

MARK 1:4

Südonou rekounou Johan Baptist nou mah khailu peire le dayu vei dzükhao dayu nasü paodoupoa vere.

MARK 6:12

Südonou puletao nou taloua maikhemai hi le daloure donou paodoupei tare.

LUK NOU RÜYU KO AVEIBVÜ 1:16

Alia puhnou Israelmai taoliye puletao Ramai, Mapaowo hi sakhai velai.

LUK NOU RÜYU KO AVEIBVÜ 11:20

Ana Enou rashitaoye hulai payuhai Ramai vei khouko hinoue toulouzü, sünanou Ramai Vedei hai neletao hi veloure touyu zhopaoh souwe.

LUK NOU RÜYU KO AVEIBVÜ 13:3

Enou neletao hi paowe, Moe; ana neletao-a le dalou molouzü neletao hrülai-a sübüa habailai.

LUK NOU RÜYU KO AVEIBVÜ 13:5

Enou neletao hi paowe, Moe; ana neletao-a le dalou molouzü neletao hrülai-a sübüa habailai.”

LUK NOU RÜYU KO AVEIBVÜ 15:10

Sübütoua, Enou neletao hi paowe, le dalouyu mahmai ali donou Ramai vei rakivamaitao nou sashowe.”

LUK NOU RÜYU KO AVEIBVÜ 15:7

Sübütoua, Enou neletao hi paowe, le daloure matsü hayu cheche maitao raikükü jünou le dalouyu mahmai ali süna donou raki hinou lesa koulai hie.

LUK NOU RÜYU KO AVEIBVÜ 16:30

Mai sünanou chila peie, ‘Moe, Apuo Abraham! Ana thaimai hrohinou kamainou hrishuloua puletao hi tave louzü, puletaosü veimosoua leda loulai.’

LUK NOU RÜYU KO AVEIBVÜ 21:31

Sübütoua, shee haitao pa-a buyu neletao nou ngaolouyu kisü, Ramai Vedeisü ngheivere touyusü neletao nou sülo.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

LUK NOU RÜYU KO AVEIBVÜ 6:20

Alia Jisu nou puh rozümai taohi pheloua haibüa paotare: “Neletao toure hamaitao rakoveie, daiolouzü Raki vedeisü neletao veie!

LUK NOU RÜYU KO AVEIBVÜ 9:2

alia puhnou puletaoye Ramai vedeivei ko paodoure ea sounou maiye souvei peire donou seitare.

SEI-ATAMAI VAHTAO 11:18

Puletao nou chipao haina choulouyu kisü paikhaimo zheire ea Ramaiye sholoua, “Sükuyu thaiwo tahrüh kukhe maitao hia Ramai nou panou ledaloua hriloure teile zhou aveisü peire!” tea paoe.

SEI-ATAMAI VAHTAO 17:30

Ramai nou dao raiki maikhe mainou puhye sülou moyu teile hiwo ngaoa ngaomokho soupeire, ana chuo buh liki buyu mai hrülaiye panou le daloure puhnou chikha peire.

SEI-ATAMAI VAHTAO 2:38

Alia Pitar nou puletao hi paoe, “Le dalo, alia neletao mah khaipeire donou, neletao mai ali linou Jisu Khrista zhih hinou dzükhao dalo; alia neletao nou Rako Mashi vei sapeina nasü ngaoloulai.

SEI-ATAMAI VAHTAO 20:21

Enou Jihudimaitao hi-a ea Greekmaitao hi-a süolouzü puletao nou ledaloua Ramai hi dakhai veloure ea Eletao Mapao Jisu ye lüloure donou zhopaoh soua paodoupeie.

SEI-ATAMAI VAHTAO 26:20

ana raikia Damaska hi buyu maitao hi, süthaisü Jerusalem hi ea Judea teidei teitei hi, alia tahrüh kukhemai hi puletao nou le davuzüloua Ramai hi dakhai vere ea puletao le daloure touyu zhopaoh soure donou vahnou soungaokhaio tea Enou paodoupeie.

SEI-ATAMAI VAHTAO 3:19

Südonou ledalo, alia Ramai hi dakhai velo, sükulouzü puhnou neletao mahsü soushee peilai. Neletao nou haibüa soulouzü,

2 KORINTHMAI 7:10

Daiolouzü Ramai hilonou veayu sünanou ledayu povewe ea sünanou khailu peiyu hi süthailou peiwe—alia sühisü lengaiyu halia hae! Ana deiphao hilovei veayu sünanou athai povewe.

KOLOSSEMAI 1:13

Puhnou Eletaoye teizhivei khouko hinou khaipa peiwure ea Eletaoye podave puhvei leshiyu Nahpoutu vedei hi khaipeire,

2 TIMOTHI 2:25

alia puhye ngaobamai taoye kaonayu hinou paodouzü peilai, daiolouzü Ramai nou puletao hi panou ledaloua acheche naye süloure teile avei peilouveie.

EBRIAMAI 6:1

Südonou Eletao nou Khrista vei lüzhai araitaosü thaowua licheyu hilo tapu koulaikhe. Eletao nou athai vahtao hinou le dalouyu, Ramai hi lüyu,

2 PITAR 3:9

Kamainou shosho soubaie tea chokhai-a, Mapaowo louzü puhnou apaopei khaitouyu soupeire hisü shosho soumoe. Süjüwo, puhnou neletaoye koa shamea peiwe, daiolouzü puhnou maitaliye hai panou souhawuyu sü züpa moe, ana maikhemai hrülaiye panou puletao mah hinou le dalouyu sü züpawe.

PONGAOPEIYU 2:21

Enou puhye puh mah hinou le daloure teile peiwe ana puhnou puhvei khulou vah souyu hinou le daloure sü bae.

PONGAOPEIYU 2:5

Südonou ne daizhozhou kaadoua dekouresa touyu sü lichokhaio! Nemah hinou le dalouwo ea nenou raiki souyu vahtaosü souloukhaio. Nenou nemah hinou le daluomo louzü, Enou ne hi taveloua nevei meibvü dzükhaiyu buh nasü süna buh hinou potalou bailai.