MATHIU 3:16 - SHEEYU BAIBEL (BSI)

¹⁶ Alia Jisu nou dzükhao dalou büyu thaisü dzü hinou tapa loure. Alia zhukhaio, raki sü puh hi houpa peire ea Ramai Rakonou khao büa kou puh pei hi taoyu sü puh nou ngaoe.

MATHIU 3:16 Iomraidhean Croise

ISAIAH 11:2

Mapao vei Rako sünou puh hisü bupeilai, ae puh hisü ratsü, sükulou süyu tsü, maikhe maiye kholou süyu dokai, khouko, hasü alia Mapao ye piyu rako sü puh hi bulai,

ISAIAH 42:1

Mapao nou paoe, “Enou jüpa-a dolouyu avei kilai nasü hainare, Enou puhye sü soukhou peikhai toue, ae avei rako sü puh hi thoupei khaitoue. Puhnou tyahrü hrülai hi kaozü nasü soupeilai.

ISAIAH 59:21

Alia Enou neletaoye koa vo soulai: Avei khouko ae achipao khesü teisa panou neletao vei soure donou neletao hi peilai. Südonou chu nou poa neletao nou achi zülai ae neletao vei nahmai hi sükhesü doupeilai, alia vere teitei hie neletao nou achi züa neletao vei nahmai ae tyaosholea hisü achi zülo tea doupeio.”

ISAIAH 61:1

Khoukhoulai Mapao nou puhvei rako sü ahi thoupeiwure, touhalai mai hi ko aveih paopeire donou; levea-a dopfü laiyu maiye souveih peire donou, vakou nüpoa tayu maitaoye phapeire pao sü peire donou, Mapao nou Eye doloure alia Eye seitawe.

EZEKIEL 1:1

Po kiasü, khouh adai navei khoukha angou zhou Buzi nahpoutu Ezekiel, napao Enou Babilon hi buyu Kebar rei hinou nüpoa tayu Jehudimaiye koa nou bue, ae Enou raki sü houpa Ramai ye zho kounou ngaoe.

MARK 1:10

Alia Jisu nou dzü hinou tapalou bükhaie, puhnou raki sü houkhaitoua Rakonou khao büa puh pei hi kou taoyu ngaoe.

JOHAN 1:51

Alia Jisu nou puletao hi paoe, “Enou neletao hi chichenou paowe, neletao nou raki houpayu alia rakivamai taonou Mai Nahpoutu peinou takou takheyu ngaolai.”

JOHAN 3:34

Daiolouzü Ramai nou seiveyu puhnou Ramai chipao paoe, daiolouzü Ramai nou Rakohai khadaloua peimoe.

SEI-ATAMAI VAHTAO 1:22

Mapao Jisu nou Eletao hrohinou takou takhe-a buyu teile teitei hi Eletaoye koa laivuzüyu maitao hrohinou aliye panou Eletaoye koa puh hrishuyu zhopaoh soure donou dothou vuzülai.”

SEI-ATAMAI VAHTAO 7:56

“Zhukhaio! raki houpakhai touyu ea Mai Nahpoutu nou Ramai bah zhoulo vanou la-a buyu sü ngaoe,” tea paoe.

1 JOHAN 5:6

Jisu Khrista hai puhvei dzükhao dayu dzü ea puh athai vei zhe sünaye koa ve. Puhsü dzü likheiye koa vebai moe, ana dzü ea zhe ahaiye koa ve. Alia lah Rakonou-a haisü chekhaoe tea zhopaoh souwe, daiolouzü Rako hai cheche baie.