MATHIU 3:12 - SHEEYU BAIBEL (BSI)

¹² Thaihi thoutaosü soushee loure donou puh bah hi thouhü bue. Puhnou puhvei southou taosü puhvei thoupaohi pove dzülai, ana thouba taosü puhnou ngheikhailai moyu meihi pothou deiwulai.”

MATHIU 3:12 Iomraidhean Croise

JOB VEI LARÜBVÜ 21:18

Puletaoye thouba büa teikhai nou hütawu? Mokhaia naihü büa teikhai teirü ashi nou hüpo-a tawu?

LOUTAO 1:4

Anou mai ashi maitaowo sübülai moe; puletaowo teikhai nou hüpoa tayu thouba büa bailai.

LOUTAO 35:5

Mapao vei rakivamai nou puletaoye thaingou tayu phaki puletaoye sü panou teikhai nou hüpoa tayu rouvao büa ta-o!

ISAIAH 1:31

Rouvao hai meipa ali nou dei louyu büa khouchi shoyu maitaoye sü puletao vei vah ashi nanou lah souhawu bailai, ae mai linoua puletaoye sü vupa peilou laimoe.

ISAIAH 17:13

Tyahrütao nou dzüdu külaiyu büa velai, ana Ramai nou puletaoye züpeiyu phaki, puletao hai tudakhai ta-a bailai, teikhai nou thouba hüpoa tayu büa alia teikhai ashi sünou halih hüpoa tayu büa puletaoye sü hüpoa ta-a bailai.

ISAIAH 27:4

E kipei süna donou raroupu more, sühi poube, shube ae haoro paitya sousheere buyu phaki, Enou sousheeloua meidei laiwe.

ISAIAH 28:28

Raokhao soutoure donou sou saowe, ana mai ali nou thou da-a taikoute moe, puletao nou rheiluki pfüa thou dayuma, thou sü reiphe reipho sasa khaichamoe.

ISAIAH 30:24

Alia neletao nou sa-a tatayu chode ae rheisüh khesü panou veikayu poudai sü toulai.

ISAIAH 41:16

Neletao nou puletaoye sü thou thaoyu büa thaolaiwulai, ae teikhai nou puletaoye sü hüpo talai, alia teikhai teirü ashi sünou puletaoye sü soupho rarou peiwulai. Süthaisü neletao nou asalai, daiolouzü E hai neletao vei Ramai donou, ae Israel maivei Sheeyu Ramai, Eye neletao nou paosholai.

ISAIAH 5:24

Südonou chuo neletaoye sü rouvao meideiyu büa alia maa tahtayu pounghou taonou kita-a pothou mei deiyu büa deihawulai, daiolouzü neletao nou Khoukhoulai Mapao, Israel maivei sheeyu Ramai ye sü malaiwure.

ISAIAH 66:24

“Puletao nou vakou tapayu phaki Eye khaityayu maitao vei thaiphao sü ngaolai. Puletaoye touyu shikhao khesü thaikhai toulai moe, ae puletaoye deiyu mei sü nghikhailai moe. Puletaoye sü maikhe mainou ngaoloua ngaora sholai.”

JEREMIAH 15:7

Enou puletao mai hrülaiye nuhdu robomü hinou thouba thaolaiyu büa thaolaiwulai. Enou neletao, avei maitaoye souhare, neletao vei nahmaitaoye southawure, daiolouzü neletao nou vah ashi souyu sü thao moe.

JEREMIAH 17:27

Ana puletao nou achi sü zülai, ae Soteithe sü sheeyu teithe soua reilai. Puletao nou Jerusalem vei robomütao hinou süzhou hai hanalia pfülou moa pfüpa laimoe. Hakinou Enou paoyu zümoa puletao nou soupfü louzü Enou Jerusalem vei robomü khesü mei deiwulai. Mei nou Jerusalem vei vebuh-a deilaiwulai ae mai linoua mei sü sounghi loulai moe.”

JEREMIAH 4:11

Jerusalem maitao hi soushoyu teikhai sü radeiki hilova nou hüpoa nou velai tea paoyu teile sü velaire. Hai nasü kaonaphi tea nou thouba hüpoa tayu teikhai laimoe —

JEREMIAH 51:2

Thouba sü teikhai nou hepoa tayu büa Enou vakou maiye seive Babilon sü souhawulai. Süzhou teithe sü puletaoye kainghou veishi hinou reih huvelai ae puletao vei teidei sü soushiwua panou pata bailai.

JEREMIAH 7:20

Südonou Ramai Mapao Enou Rathoki haina hisü avei lekha rarou lakou peilai. Avei rarou nasü maikhe maitao hi ae kikhaorütao hi, alia süübetao ae shina maratao pei hia raibütoua koupeilai. Avei lekha rarou nasü mei büa taolai, ae mai linoua hai nasü souhei loulai moe.

HOSEA 13:3

Süvanou puletao hai shona vei teihao alia vidzü büa hata zhia bailai, puletao hai teikhai nou hüpota-a buyu thouba büa bailai, alia vabomü hinou payu meikhao büa hata-a bailai.

AMOS 9:9

“Zhukhaio, Enou kharochi peiwua panou thouvuyu mai linou thouba chepayu büa tyahrütao hrohinou Israel maiye sü chelai bailai, ana thoubu ali koute-a panou deihi raikou laimoe.

MALAKAI 4:1

Zhukhaio, deithou soushoyu meipfü büyu teithe sü laire, süki le khouyu mai ae vahshi souyu maiye sü rouvao kua puletaoye sü mei nou deikhaiwulai, beima koute-a shopei laimoe, tea hrülai pei hi Mapao nou paoe.

MATHIU 13:30

Cha chimo koutesü panou southou ea khataoye koa paoa buwo; alia cha chiyu phakinou Enou cha chiyumai taohi rai-a khataoye paipawuwo ea sütaosü khu khunou khuloua meihi pothou deiwo, ana southouwo louzü podzüloua Avei thoupaohi pove khaiwuwo; tea paolai.’”

MATHIU 13:41

Mai Nahpoutu nou puh vei Vedei hinou maikhe maiye mah southou peiyu maitao ea kukhe vahshi souyumai hrülaiye podzü loure donou puh vei rakivamaiye seitalai,

MATHIU 13:42

alia puletao nou mai sütaoye meifühi polai thouwu-a sühinou puletaosü kralai ea puletao huh sü veikükülai.

MATHIU 13:43

Süthaisü acheche maitaosü puletao Puo Vedei hinou teinghi büa valai. Südonou neletao hai nou bulouzü keiloukhaio!

LUK NOU RÜYU KO AVEIBVÜ 3:16

Johan nou puletao hrülaihi chila peie, “Enou neletaoye dzünou dzükhao dapeie; ana Ajünou khouchih shoyu puhsü laire. Esü puhvei phikha rai pheipayu koutea züdou moe. Puhnou neletaoye Rako Mashinou ea meinou dzükhao dapeilai.

LUK NOU RÜYU KO AVEIBVÜ 3:17

Thaihi thoutaosü sousheeloua southou taosü puhvei thoupao hi pove dzüloure donou puhbah hi thouhü bue; ana puhnou thouba taosü ngheikhailai moyu meihi pothou deilai.”

JOHAN 15:2

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.