MATHIU 3:11 - SHEEYU BAIBEL (BSI)

¹¹ Neletao le daloure touyu pongaore donou Enou neletaoye dzünou dzükhao dapeie, ana Athainou vere puhwo neletaoye Rako Mashinou ea meinou dzükhao dapeilai. Puhwo Ajünou dukou shohie; alia Ewo puh phikha potayu koutea khamoe.

MATHIU 3:11 Iomraidhean Croise

ISAIAH 4:4

Ramai vei khouko sünou chiku pei-a tyahrü nasü soushee peilai alia Jerusalem vei mahmo ae sühinou zhe kükou khaitouyu khesü khüshee peilai.

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

ZEKHARIAH 13:9

Hria buyu mai zha ali ye sü Enou mei hi thou shahu deisheeyu büa deisheelai. Alia sana zhuyu büa zhulai. Süthaisü puletao nou A zhih kua veachi paolai, alia puletao veachi sü Enou kei peilai. Enou paolai, ‘Puletao hai avei mai-e’ tea nou; alia puletao nou ‘Mapao hai Etao vei Ramai-e’ tea paolai.”

MATHIU 3:6

Puletao nou puletao mah paopa-a Jordan hinou puhnou puletaoye dzükhao dapeie.

MARK 1:4

Südonou rekounou Johan Baptist nou mah khailu peire le dayu vei dzükhao dayu nasü paodoupoa vere.

LUK NOU RÜYU KO AVEIBVÜ 1:17

Alia puokhemaitao lesü nahmaitao hi ea paoyu zübayu maitaoye cheche maitao vei ratsü nahi panou khaive loure Mapaoye donou souda louyu maitaoye tuda loure donou puhnou Elijah vei rako ea khouko hinou Mapaowo nghojü hinou raia talai.”

LUK NOU RÜYU KO AVEIBVÜ 3:16

Johan nou puletao hrülaihi chila peie, “Enou neletaoye dzünou dzükhao dapeie; ana Ajünou khouchih shoyu puhsü laire. Esü puhvei phikha rai pheipayu koutea züdou moe. Puhnou neletaoye Rako Mashinou ea meinou dzükhao dapeilai.

LUK NOU RÜYU KO AVEIBVÜ 3:3

Südonou puhnou Jordan reipehi buyu teidei teitei hi taloua mah khailu peire donou le dalouyu vei dzükhao daloure vanou ko paodou tare.

JOHAN 1:15

Johan nou puh vanou zhopaoh soua sha-a paoe, “ ‘Athainou veyu puhnou Ajünou duhie, daiolouzü puh hai Ajünou raia bue,’ tea Enou paoyu mai nasü hainare.”

JOHAN 1:30

‘Ajünou duyu maili Athainou lai-e, daiolouzü puh hai Ajünou raia bue,’ tea Enou paoyu nasü hainare.

SEI-ATAMAI VAHTAO 1:5

Daiolouzü Johan nou dzünou dzükhao dapeie, ana phasho khaimoa neletaoye Rako Mashinou dzükhao dapeilai.”

SEI-ATAMAI VAHTAO 19:4

Alia Paul nou paoe, “Johan nou dzükhao dapeiyu hai le dalouyu vei baie. Puhnou puh thainou velaiyu süolouzü Jisu ye louche loure donou maikhemai hi paopeie.”

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

SEI-ATAMAI VAHTAO 8:38

Alia puhnou rhei luki nasü nuchaowu-a Philip puhai sü dzühi taloure, alia Philip nou puhye sü dzükhao dapeire.

1 KORINTHMAI 12:13

Daiolouzü Jihudimai khaia, moa tahrüh kukhemai khaia; qilatao khaia moa do soumaitao khaia Rako alinou Eletao hrülaiye sü pfüphao ali hinou dzükhao dapeire, alia Eletao hrülaiye panou Rako ali hinou küloure.

EPHESAMAI 3:8

Sheeyu maitao hrülai jünou Esü tainoukakhai-a Khrista vei paoshalou hoyu kinina vanou tahrüh kukhe maitaohi paodou peire donou zhuvea hainasü Ahi peikhaitoue,

TITA 3:5

puhnou Eletaoye khailu peire. Süsü lah Eletao nou acheche vah tali souwuyu vanou moe, ana lah puhvei zhuvea vanou baie. Puhnou Eletaoye Rako Mashi vanou khüshee peiwu-a puh vanou Eletao hi nashu louyu ea hrü ashu peiwuyu vanou khailupeie.

1 PITAR 5:5

Sübüa, nahlemaitao neletao-a tsümaitao khakhe hinou hrülo. Alia neletao hrülai nou alinou liye kuvah soure donou nataiyu vei sahnü nasü noulo; daiolouzü, “Ramai nou khaophu souyu maiye bawe, ana nataiyu mai hisü zhuvea peiwe.”