MATHIU 3:10 - SHEEYU BAIBEL (BSI)

¹⁰ Chukoute-a süübetao mahi mareisü daothou khaitoua bue; südonou rashi avei shimoyu süübetaoye sü vikaowu-a meihi polaithouwu baiwe.

MATHIU 3:10 Iomraidhean Croise

2 SAMUEL 23:7

Puletaoye deilai toulouzü hu nou souyu basei moa kho-heung nou po-a deilai; sütea puletaoye sü meinou deihawu bailai.

LOUTAO 1:3

Sümaisü reipe hinou shokhai toua teile teitei hinou rashithou shiyu, ae puhvei nghoua paikhai moyu süübe kheihao-e. Puletao nou hatali souyuma pah veilai.

LOUTAO 140:10

Soushoyu meithou nou puletao hi lakou peio; puletaoye sü deibvü hi panou delou loua dakhai papuso.

LOUTAO 92:12

Acheche mai hai habe büa duso palai; puletao hai Lebanon hi sedar süübe büa vipalai.

ISAIAH 27:11

Süübo khesü kita chata-a bailai, alia naotumai nou süü sükhesü poloua mei deilai. Daiolouzü maikhe mai hai sükulou süyu tsüdo sü hare, südonou puletaoye Sou-apeio nou puletaoye zhuveayu sü bulai more, ae puletaoye leshi-jüpayu sü ngaopei laimoe.

ISAIAH 61:3

Zion hinou dopfü buyu maitao hi vounai thaosü pouparaizhao peire donou, levea-a buyu na thaosü savayu pove peire donou, dopfüa buyu thaosü paoshoyu pove peire donou Mapao nou Eye doloua seitawe. Puletao hai Mapao nou shokhai touyu süübe ali bülai, puletao nou acheche nasü soulai, alia Mapao nou soukhai touyu vahtao donou puhye sü paosholai.

JEREMIAH 17:8

Puletao hai reipe hinou shokhai touyu süübe ali büa puhvei beimaa sü dzü hi tsülou loure. Puletao nou teinai souyuma piyu hae, daiolouzü puletao vei nghou sü dai-a bue; puletao nou teirü moa teikoyuma piyu hae; tobai soumoa rashithou shipeiwe.

DANIEL 4:14

Puhnou pai chishoa haibüa shae: ‘Süübe nasü vikhao laiwo, bo khesü shaode khaio, sünghou khesü khourai laiwo, alia rashithou khesü porarou laikhaio. Hrikhaona khesü süna khu hinou hulaiwo ae raohou khesü sünavei botao hinou hulaio.

MALAKAI 4:1

Zhukhaio, deithou soushoyu meipfü büyu teithe sü laire, süki le khouyu mai ae vahshi souyu maiye sü rouvao kua puletaoye sü mei nou deikhaiwulai, beima koute-a shopei laimoe, tea hrülai pei hi Mapao nou paoe.

MATHIU 21:19

Alia puhnou dupe hinou doushi beli ngaoloua sühi takoue, ana süva hisü sünghou baideinou halia ngaolou moe. Südonou puhnou süübe nahi paoe, “Nehinou shi lia shipu khaiso!” Alia sübü hinou doushi be nasü kirüh tare.

MATHIU 7:19

Rashi avei shimoyu süübe taliye sü vilaiwu-a meihi polaithouwu baiwe.

LUK NOU RÜYU KO AVEIBVÜ 23:31

Daiolouzü puletao nou hri-a buyu süübehi sübüyu vah taosü soupei louzü, süübe athaina hiwo dai palaisa?”

LUK NOU RÜYU KO AVEIBVÜ 3:9

Chukoutea süübetao mahi marei sü daothou khaitoua bue; südonou avei rashi shimoyu süübe tayesü vikaowu-a meihi khilaithouwu baiwe.”

JOHAN 15:2

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

JOHAN 15:6

Maita linou Ahinou tobai soumoa bumolouzü, puhye sü boli kua shilaiwu-a panou kita baiwe; alia sübüyu botaoye sü podzüloua meihi polaithou deiwu baiwe.

EBRIAMAI 12:25

Südonou leikeilo, alia chipao-a buyu puhye bayu souwuso. Daiolouzü deiphao hinou puletao hi Ramai chipao pove peiyu puhye puletao nou bayu ki puletao sü tupa louho louzü, raki hinou chi pao-a buyu puhye Eletao nou bayu kisü Eletao sü daizhozhou tateia tupa loulai!

EBRIAMAI 6:8

Ana sühisü raishu paopa bailouzü süsü komore ea Ramai vei cha ngaore sü ngheire, alia süsü meinou souhalai.