MATHIU 28:19 - SHEEYU BAIBEL (BSI)

¹⁹ Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

MATHIU 28:19 Iomraidhean Croise

SHURAI 1:26

Süthaisü Ramai nou paoe, “Chuo maiye Etao zhuh rai hinou, Etao raibüa nou soulai khe, alia puletaoye panou khah, raohou, ae hrikhaona, vudai poudai, alia dei hi hrikhaona hrülai pei hi panou kholai.”

ISAIAH 48:16

“Ahi takou nghilo ae Enou paoyu sü keilo. Arai railai hinou Enou kheikhei soua paomoe, dukhya-a paopeie, ae Enou paopayu khesü cheche-a vepa-a baie.” (Chuo Khoukhoulai Mapao nou puhvei khouko sü ahi peie ae Eye seita peie.)

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 52:10

Mapao nou puhvei sheeyu bah sü thaipalai, puhnou puhvei maitaoye sü khailu peilai ae süsü deiphao mai hrülai nou zhingaolai.

MATHIU 13:52

Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”

MATHIU 25:32

Alia tahrüh hrülaiye puh nghojühi pove dzükhailai, alia zhaokhowonou zhaotu taoye nghitu taohinou lukupayu büa puhnou puletao aliye ali hinou lukulai,

SEI-ATAMAI VAHTAO 1:2

süolouzü puhye raki hi pokheyu teithe koute vei ko teitei sü Enou rüwure. Puhye raki hi pokhemojü puhnou Rako Mashi khouko vanou dopa louyu puhvei sei-atamai taoye chikha pei-a doupeie.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 14:21

Alia puhai nou nuhdu sühinou ko avei paodoupeia mai taoliye panou rozümai souloure. Süthaisü puhai sü Lustra hi, Ikonium hi ea Antiok hi dakhai tare.

SEI-ATAMAI VAHTAO 2:41

Südonou puh chipao polouyu maitaoye sü dzükhao dapeire, alia teithe süzhounou mai the asüpha puletao mehi thoupu peire.

SEI-ATAMAI VAHTAO 28:28

Alia Paul nou akhaisoua paoe, “Südonou neletao sülouwo, süolouzü Ramai vei khailu peiyu chipao haina hai tahrüh kukhe hi seita peiwure alia puletao nou kei loulai!”

SEI-ATAMAI VAHTAO 9:18

Alia sübü hinou khah kao kuyu hali sü puh nghithou hinou dekoure ea puh nghi sü ngaodalou khaire. Süthaisü puhnou shuloua dzükhao daloure,

ROMMAI 10:18

Ana Enou noue: Puletao nou chipao süsü choumoe touyu sü chechewu? Cheche-a puletao nou chouloure daiolouzü sheeyu larübvü nou haibüa paoe: “Puletao paisü deiphao teitei hi hotere, alia puletao chipao sü deiphao akhaihi veloure.”

1 KORINTHMAI 15:29

Chuo thaimai sühsoua dzükhao dayu puletao sü kabü khailai? Thaimai hai hrishu khailaimoe toulouzü, daidonou puletao sühsoua maikhe mainou dzükhao dawe?

2 KORINTHMAI 13:14

Mapao Jisu Khrista zhuvea, Ramai leshi, alia Rako Mashinou koa bupeiyu sünanou neletao hrülaiye koa bupeiyu souloutheo. Amen.

GALATIAMAI 3:27

Daiolouzü Khrista hinou dzükhao dalouyu neletao hrülaisü Khristaye banou loure.

EPHESAMAI 2:18

Jihudimai ea tahrüh kukhemai Eletao hrülaisü Khrista vanou rako ali hinou Puo nghojü hi veloure.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

1 PITAR 3:21

süsü chu neletaoye khailu peiyu dzükhao dayu sünavei nada alie. Sünasü vasou hi hai khükouyu süna moe, ana süsüwo peikhao leikei-a Ramai hi apaokhai touyu alie. Sünanou neletaoye Jisu Khrista hrishu louyu vanou khailupeie.

1 JOHAN 5:7

Zhopaoh mai asü bue;