MATHIU 28:18 - SHEEYU BAIBEL (BSI)

¹⁸ Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

MATHIU 28:18 Iomraidhean Croise

LOUTAO 89:19

Daoh raichoki nenou louchelou veiyu nevei kilai hi zho kounou haibüa paoe: “Enou khouko bushoyu reihmai aliye soukha peie; Enou maikhe mai hrohinou dopa louyu mai aliye vebuh sü peie.

LOUTAO 89:27

Enou puhye sü anahpoutu naraio nasü soupeilai, ae vemai hrülai hrohinou dukayu nasü soupeilai.

TSÜCHITAO 8:15

Avanou vemaitao nou veo souwe, alia teidei khoyu maitao nou veiyu chikha sü soulouwe.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MATHIU 26:64

Jisu nou puh hi chila peie, “Nenou sünasü paopare. Ana Enou neletao hrülaihi paowe, chu thainou Mai Nahpoutu nou Khoukhoulai Ramai bah zhoulo hinou bua raki teihao pei vanou taveyu neletao nou ngaolai!”

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 17:2

Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

JOHAN 3:31

Reikounou kouyu puhnou mai hrülai jünou dukoukhai toue; deiphao nou veyu puhwo deiphao vei baie, alia deiphao vei vanou chi paobaie; Rakinou kouyu puhnou mai hrülai jünou dukhai toue.

JOHAN 3:35

Puonou Nahpoutuye leshie, alia puh bah hi ha teitei thaothoukhai peire.

SEI-ATAMAI VAHTAO 10:36

Mai hrülai vei Mapao soua buyu Jisu Khrista vanou kaonayu vei ko avei paodou peiyu hai Ramai nou Israel maitao hi seive peiyu chipao nasüe touyu sü neletao nou süwe.

SEI-ATAMAI VAHTAO 2:36

“Südonou neletao nou kros vanou veatheayu Jisu hainaye sü Ramai nou Mapao-a, Khrista-a soupeire touyu sü Israel maitao hrülainou soutaosoua sülo!”

ROMMAI 14:9

Südonou Khrista nou thaimai ea hrimai ahai pei hi Mapao souloure donou puhnou thai-a thaipeire ea hria hrida shuloure.

1 KORINTHMAI 15:27

Daiolouzü sheeyu larübvü nou paoe, “Ramai nou ha teitei sü puh phihi pove khaipeire.” Sütoukhaia haisü sheetoubaie, süolouzü “ha teitei” touyu hisü Khrista phihi ha teitei pove khaipeiyu Ramai puhwo loumoe.

KOLOSSEMAI 2:10

alia puhye koa ali soulouyu hinou neletao hisü phoutaopfüa buyu ahri nasü peiwure. Puhnou rako hilo paopumai ea peichamai hrülai vei peichawo nasüe.

EBRIAMAI 1:2

ana akhai teithe haitao hisü puhnou Eletao hi puhnah Poutu vanou chi paopeire. Puh vanou Ramai nou teideiphao sü souloue ea puhye süna teitei vei kaalo nasü panou akhaiki thaoloure donou Ramai nou doloure.

EBRIAMAI 2:8

alia puhye panou ha teitei pei hi kholoure.” Haibüa nou paoe, süolouzü Ramai nou Emaiye panou “Ha teitei pei hi kholoure;” sühisü sheesha-a ha teitei paothou khaire. Sütoukhaia, emai nou ha teitei pei hi khoa buyu sü chu Eletao nou ngaomoe.

1 PITAR 3:22

Jisu Khrista hai raki hi khetare ea puhnou Ramai bahkha zhoulo vahinou bu-a rakivamai hrülai pei hi, alia kukhe raki vanou paopu souyu ea khouko buyu rakotao pei hi tukha-a buloure.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.