MATHIU 27:51 - SHEEYU BAIBEL (BSI)

⁵¹ Alia zhukhaio, Rathoki hi hakhaiyu sah nasü ahai soua pei hinou teikou koute patare; alia deiphao hia nüsü loure ea chuhlea taoa kophobou tare;

MATHIU 27:51 Iomraidhean Croise

2 PUOPAOKO 3:14

Sheesheelai buh hi haosah nahai züzüyu sah ae na kukhe loua soukhai toue, sünasü teidai, maomüyu ae hoyu zhusa nou thoukhai toue, alia shouh pfüyu khaona khesü haosah sühi nga daothoupei khaitoue.

LOUTAO 18:15

Oh Mapaowo, nenou neye ngaobayu maitaoye züpeiyu phaki, ae nevei lekha rarou sünou puletao hi rayu phaki, zaidu dzü nou hopfüa buyu dei sü zhingaoe, ae deiphao vei beikhei sü halinou-a hokhai more.

LOUTAO 18:7

Süthaisü deiphao hai ngua nou lüre, deichi vei beimaa hai lüa ngure, daiolouzü Ramai nou lekha loure,

TAPALOUYU 40:21

Süthaisü puhnou Sübvü nasü Rathokipao hi polou thouloua haosah nou holoure. Mapao nou kharochi peikhai touyu thaifüa puhnou Vo Sübvü nasü haosah nou hokhaiwure.

ISAIAH 25:7

Alia puhnou deichi vanou tyahrütaoye veahoyu sünou hopfü buyu nasü souha peiwulai.

LEVIMAI LARÜBVÜ 16:2

Puhnou Moses hi paoe, “Ne jürai Aaron hi paopeio, süolouzü Sheesheelai Buh, haosah thailova nou khaitouyu Vo Sübvü phaova hi zhuvea peiyu buh nghoujü sü louzha zhasho, puhnou buh sühi loulouzü puhsü thai-a bailai, daiolouzü Enou zhuvea peiyu buh nghoujü hisü teihao hinou veloua bue.

LEVIMAI LARÜBVÜ 21:23

ana puletao hai shovaiyu donou sheeyu haosah haokhai touyu nghiki hai koulai moe, moyuma posheelabu hisü koulai moe. Puhnou sheeyu na haitao hai souzhai laimoe, daiolouzü E hai Mapao-e ae Enou sütao hai soushee khaitoue.”

HABAKKUK 3:10

Deichitao nou neye ngaolouyu phaki, pinguwe; raki vanou teirü sü rükou baiwe; zai thou hinou zaidzü khüpa baiwe.

HABAKKUK 3:13

Ne maitao ye khailu loure donou Ne vewe. Nenou dopa khaitouyu maitaoye khailu loure donou ve-e. Vah ashi souyu hi süthai-apei maiye southa peie, phi hinou poa pei hi khete sü soushi peiwure, alia puletaoye thaipfüyu mai hrülaiye sü souha peiwure.

MAIPEI PHOUYU 4:5

Mapao nou Moses hi haibüa soulo tea paodou peie. Puletao nou fühao hai kua nou shota laire toulouzü, Aaron ae puh nahpoutu maitao nou Sahpao hisü talouloua nou Vo Sübvü hinou buyu haosah khesü paloua Vo Sübvü nasü züloulai.

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

MATHIU 28:2

Alia zhukhaio, sühisü sükhai moa nü süsho loure; daiolouzü raki vanou Mapao vei rakivamai alinou takou loua chuh nasü phaoda laiwure, alia süphaonou kou buloure.

MARK 15:38

Alia rathoki sheeyu buh hi hrakhaiyu sah nasü ahai soua peinou tei koute patare.

LUK NOU RÜYU KO AVEIBVÜ 23:45

daiolouzü teinghisü vakhai more, alia Rathokihi sah hakhai touyu nasü tsühle hinou pavai tare.

LUK NOU RÜYU KO AVEIBVÜ 23:47

Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”

EBRIAMAI 6:19

Areih hainasü dzüluki khika kua Eletao vei rako donou bue. Areih hai nasü kaoshiyu lia hae ea veilai moe, alia süsü rakiva Rathoki hi sahrana thailo tacholou kikha levai kide nahi louwe.

EBRIAMAI 9:3

Alia sah haokhaiyu ahai chena thailova hisü Mashi Shilaibuh tea kuyu sahpao nasü bue.

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 11:19

Sükisü Ramai vei Rathokisü houpare, alia sühinou puhvei Vo Bvü nasü zhingaoe. Alia sühisü tei peivavayu, pai bvüroyu, tei süyu pai, nü süyu ea rei thou kousho eloure.