MATHIU 27:50 - SHEEYU BAIBEL (BSI)

⁵⁰ Alia Jisu nou pai kushoa raopuloua puh rakohai thoupeire.

MATHIU 27:50 Iomraidhean Croise

DANIEL 9:26

Sübüyu teile akhai hisü kou Ramai nou dopei khaitouyu süthai apei naye sü mainou southawulai. Nuhdu ae Rathoki nasü khouko pfüshoa reih hulouyu veo nahpoutu nanou soushi khaiwulai. Akhai teithe hisü soureih souyu ae soushi peiyu hai dzüdu veyu büa veloulai.

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 27:49

Ana kukhemai taonou paoe, “Kholaio, puhye khaipeire donou Elijah vevelai mosa Eletao zhulaikhe!”

MARK 15:37

Alia Jisu nou shusou raoloua thaire.

LUK NOU RÜYU KO AVEIBVÜ 23:46

Sükisü Jisu nou pai kusholoua, “Apuo, nebah hi Arakosü thoupeire!” tea paoe. Alia sübüa paowu-a puhsü thaire.

JOHAN 10:11

“E hai zhaokho aveiwo süe. Zhaokho aveiwonou zhaotutao donou puh hrirai peie.

JOHAN 19:29

Sühisü khairouyu darkha dzünou phoupeiyu khouh ali bue; südonou puletao nou phako ali poloua sünasü pothou darkha dzü hinou süchaloure ea sünasü hyssop be ali pei hi phupaloua panou küre donou puh mü hi pokhe süpeie.

JOHAN 19:30

Jisu nou khairouyu darkhadzü süna külouyu thaisü, “Chuo Chere!” tea paoe. Süthaisü puhpei sü pfüna kouloua puh rako sü thaothou peiwure.

EBRIAMAI 2:14

Puhnou “Nahmaitao” tea kuyu puletao sü kezhe pfüyu maikhemai baiyu donou Jisu lah-a puletao kuloua puletao vei zhai hrüsü zha ngaozho loure. Puhnou haikua souyu sü puhvei athai vanou athai pei hi khouko buyu Rashinaye souha loure donoue,

EBRIAMAI 5:7

Jisu puhnou deiphao hi hrübu kisü, athai hinou puhye khailupa peilou süyu Ramai puh hi paikua nghidzü koua ea veachi paoa khowe, alia puhnou natai-a Ramaiye pi-a hrüyu vanou puh khosü noupeie.

EBRIAMAI 9:14

daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.