MATHIU 27:4 - SHEEYU BAIBEL (BSI)

⁴ alia haibüa paoe, “Mah hayu mailiye Enou southeare donou shohdo soupeiyu vanou E mahre!” Puletao nou chila peie, “Süna vanou Eh lenou dai bue? sünasü nelah ne vah baie!”

MATHIU 27:4 Iomraidhean Croise

1 VEMAITO 21:27

Elijah nou chi paocheyu thaisü, Ahab nou puhvei sabanü sü paiphawure, ae soukousah nou banou loure, ae puhnou hatou bare, soukousah nou bazüa baire, ae levea nou bure.

2 VEMAITO 24:4

ae matsü tsülai soua puhnou mah ali-a hayu maitaoye southayu donou hai khesü panou vepare. Manasseh nou soukhai touyu mah haisü Mapao nou khaipeilou hore.

JOB VEI LARÜBVÜ 13:4

Newo dahrü hrüa nevei hasü moyu nasü poku-a baie, newo sounou mai ali koute-a souveilou hoyu keingumai ali büa baie.

JOB VEI LARÜBVÜ 16:2

Chi sübüyu khesü Enou raichoki nou süwe, neletao nou ale soukaona peilai tea chi sütao paoyu keiloua ale veapua baire.

TAPALOUYU 12:31

Süzhou khei nou veo nou Moses ae Aaron hi mai seiho haibüa paoe, “Kushuloua nou avei teidei hinou ne hai alia nevei mai hrülaiye sü saloua tawo; ne hai nou paoyu büa taho Mapao ye sü thotawo.

TAPALOUYU 9:27

Veo nou mai seiho Moses ae Aaron ye kuloua puhai hi paoe, “Zhaovu louzü Enou mahre; Mapao nou kaore, ae avei maitao alia Enou mahwure.

TSÜCHITAO 12:8

Puhvei tsüveiyu na thaifüa puhye mainou paosho-e; ana kaozü moyu tsü pfüyu maiye sü mainou ngaorae.

JEREMIAH 26:15

Ana haisü sütou toulo: hakinou neletao nou Eye southa louzü, neletao ae nuhdu hai hi hrüyu maitao sü mah hayu maivei zhe soukouyu vei mah sü pfülai, daiolouzü Mapao nou haitao sü neletao hi paopi peio tea Eye seive baie.”

JONAH 1:14

Südonou puletao nou Mapao hisü kra-a nou paoe, “Oh Mapaowo, zhuvea nou mai haina hrü hai polouo, Etao ye souha peisouo, alia haina vei zhe sü panou etao pei hi kou peisouo, Oh Mapao, hai teitei hai neye donou baie, Ne dosü soulouo.”

MATHIU 27:19

Süpeinou, puhnou chikubuh hinou bubuki, puh chapfünou puh hi chi seive-a paoe. “Mah hayu mai süna pei hi halia souso, daiolouzü zhou kheikou me hinou E puh vanou veashore.”

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

LUK NOU RÜYU KO AVEIBVÜ 23:22

Pilat nou puletao hi lüh asü chena koute paoe, “Daidonoue, puhnou dai ashi soure? Enou puh hinou thai züdouyu mahlia ngaomoe; südonou Enou puhye souveasho peiwu-a pha peilai.”

LUK NOU RÜYU KO AVEIBVÜ 23:41

Alia Ahaiwo louzü chechenou ngaozüe; daiolouzü Ahaiwo Ahainou sou-pfüyu vah sütaovei ngaozüyu buusü ngaobaie; ana mai hainawo ha mahlia soumoe.”

LUK NOU RÜYU KO AVEIBVÜ 23:47

Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”

JOHAN 19:7

Jihudimai taonou puh hi chila peie, “Eletao vei razhai ali bue, alia razhai süna thaifüa puhsü thaizüe, daiolouzü puh lah puhyenou Ramai Nahpoutu tea paowe.”

SEI-ATAMAI VAHTAO 13:28

Alia puletao nou puhye southea züyu mah lia phouhakhaia puhye southeare donou puletao nou Pilat hinou kholoue.

ROMMAI 3:19

Chuo Eletao nou süloure, süolouzü emai hrülaiye panou paikhaimoa ea deiphao teiteiye Ramai vei chikuyu khehi pove khailoure donou, razhainou paokhai touyu pfüphou sü razhai khehinou hrüa buyutao donou paokhai toubaie.

1 TIMOTHI 4:2

Haibüa doupeiyu hai sourouyu hunou pochatheayu büa lekhetsü thaitayu avei khokho souyu madayu maitao nou paodouwe.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.

EBRIAMAI 7:26

Daiolouzü sükuyu sheeyu, chaa hayu, mahlia hayu, mahmaitao hinou dokupa khaitoua buyu ea rateitao jünou pokukhe khaiyu Eletao vei napao peichana buyu sü züdoushoe.

1 PITAR 1:19

ana chaalia hayu moa sheetouyu zhaotu büyu muhtei shoyu Khrista vei zhenou hrüloue.

1 JOHAN 3:12

Eletaowo Kain büwu laimoe; puhsü Ashina hinou ve ea lah puh thaihou Abelye southeare. Daidonou Kain nou puhye southea-e? Daiolouzü lah puhvei vahtaosü ashina baie, ana puh thaihou nou souyu taosü chechewe.

PONGAOPEIYU 11:10

Deiphao hinou hrüa buyu maikhe maitao nou puhai thaiyu donou salai, alia nühnüa alinou lihi sa-a doh seilai, daiolouzü rachi paolamai hai hainou deiphao hi hrüa buyu maikhemai pei hi alaosou veahoyu pove peie.

1 SAMUEL 15:24

Saul nou Samuel hi paoe, “Ovai Enou mah souwure. Enou Mapao vei chikha ae nenou paodou peikhai touyu khesü zülou more. Daiolouzü Enou avei maitaoye sü ngaopi loua panou puletao nou sounü nasü souwure.

1 SAMUEL 15:30

“E mah souwure,” tea Saul nou chila peie. “Ana zhuvea nou Eye panou süthai-apei maitao ae Israel maisou nghoujü hinou tsükhouyu sü soungao peio, ae Eye koa sa-a nou dakhai ve peio, sübüa E-a panou nevei Ramai Mapao ye sü tholo.”

1 SAMUEL 19:5

Puhvei hrirai hayu pimoa taho Goliath ye southa peie, ae Mapao nou Israel maiye panou ngalouyu sü peie. Hai khesü nenou ngaolouyu phaki ne-a asa shoa baie. Ana chuo ne daisounou mah lia hayu David ye sü southalai touge?”