MATHIU 27:30 - SHEEYU BAIBEL (BSI)

³⁰ Alia puletao nou puh hi taidzü süsho peie, alia rü süpo nasü poloua puh pei hi dapeie.

MATHIU 27:30 Iomraidhean Croise

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

ISAIAH 50:6

Eye taidayu mai hi Enou aphao sü pfürei peiwe, avei khoumai paiyu mai hi baitua pfürei peiwe, ae Eye konüa taidzü süshoyu mai hi apah sü pfüku chamoe.

ISAIAH 52:14

Mai alao nou puhye ngaolouyu phaki khupalai, puh vei zhu hai tyaku sholai, ae puhvei khaozhai hai maiye railai moe.

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

ISAIAH 53:7

“Puhye sü souveasho peie, ana puhnou peikhai timoa shamea loure. Zhaotu aliye dathayu buh hi hupoa tayu büa ae zhaotu ali mai sailai teanou mai saiyu mai nghoujünou paikhai toumoa buyu büa baie.

MIKAH 5:1

Jerusalem hi maitaore, neletao vei reihmaitao sü soudalo. Etaoye mainou haoloure! Puletao nou Israel maivei peikho maitaoye sü dulai!

MATHIU 26:67

Süpha hinou puletao nou puh pah hi taidzünou süsho peia puhye dapeie; alia kamainou puhye bahnou phapeia

MARK 10:34

alia puletao nou puhye konülai, puh vahi taidzünou süsholai, puhye dapeilai ea southeawulai; ana teithe asü thaisü puh hai hrishulai.”

MARK 14:65

Alia puletao hronou kamainou Jisu vahi taidzü süshopeie, alia puletao nou puh nghisü sahnou züwu-a ea puhye dapeia paoe, “Neye thaohnou dawe, paokhaio!” Alia reihkhaomai taonou puhye bahzünou dapeia saloure.

MARK 15:19

Alia puletao nou khu süponou puh pei hi dapeie, alia puh vahi taidzünou süshopeie ea puletao nou kikou khou khüloua puhye khurüe.