MATHIU 27:25 - SHEEYU BAIBEL (BSI)

²⁵ Alia maikhemai hrülainou chila peie, “Puh thaiyu donou tudee verenasü Eletao pei hi ea Eletao nahmai pei hi vetheo!”

MATHIU 27:25 Iomraidhean Croise

2 SAMUEL 1:16

David nou Amalek puona hi paoe, “Ramai nou dopeiyu veo sü nenou southawure tea paoyu vanou pa-a buyu vah sovei nasü lah nenou pfüve-a baie.”

1 VEMAITO 2:32

Joab nou maiye southa khaitouyu vanou Mapao nou puhye tudee peia baie, haisü apuo nou halia sümoe. Puh jünou mai veiyu mai ahai: Israel maivei reihmai peicha Abner alia Judah reihmai peikhowo Amasa ye hai apuo David hi noumoa southare.

TAPALOUYU 20:5

Neletao nou bashara moyuma zhurai taraliye nakou tholai moe, daiolouzü neletao Ramai Mapao nasüe E baie, ae Esü ashiye zhuthoulou hoyu Ramai-e. Eye ngaorayu mai hisü Enou puletao vei tyaosholea asü ae adai koute veahoyu sü peiwe.

MAIPEI PHOUYU 35:33

Neletao nou haibüa soure touyu thaio, neletao nou hrüa buyu teidei nasü souzhaiwure. Maiye southa dathayu sünou teidei sü souzhaiwure, ae teidei hai naanou soua soushee loure vei ludu kukhe halia ha-e, maiye southayu mainaye sü southayu likhei baie.

MATHIU 21:44

(Alia maita linou chuh haina phaonou dulouzü puhsü zhusasawulai; ana chuh sünanou maitali pei hi dekou louzü, sünanou puhye reisasawulai.”)

SEI-ATAMAI VAHTAO 18:6

Ana puletao nou motouloua puh pei hi chi shishinou paoyu kisü puhnou puh sahnü süloua puletao hi paoe, “Neletao zhesü lah neletao pei hi panou buwo! Apei hiwo mah hae. Chu thainou E tahrüh kukhemai taohi tabailai.”

SEI-ATAMAI VAHTAO 5:28

“Ehnou neleye zhih haina vanou doupei khaiso tea soutaosoua tukhapeie, ana zhukhaio, nelenou doupeiyu sünanou Jerusalem hisü phoupei loure ea mai hainavei zhesü nelenou Eh pei hi mah dukhai nüwe.”

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.

PAODAKHAIYU CHIKHA 19:10

Haihai soulo, sükure toulouzü neletao vei Ramai Mapao nou neletao hi peikhaiyu teidei hinou mah hayu maiye zhe soukou khailai moe, alia sübüa neletao nou maiye dathayu mah sü pfülai moe.

PAODAKHAIYU CHIKHA 19:13

Puhye zhuvea peiso. Mah hayu maiye southayu mah hai Israel mai hrohinou neletao nou popalailai, sükure toulouzü neletao hai kaozhou vei-a buloulai.

JOSHUA 2:19

Ne kihikhamai tarali nou kihi bumoa vakou palouzü, puhye southayuma, puhvei zhe hai puhla pfüa bailai, süna vei zhe hai Etao pei hi koulai moe; sütoumoa nou neye koa buyu mai taraliye Etao bah khakhaiwu louzü, puh vei zhe nasü Eh pei hi ve bailai.