MATHIU 27:19 - SHEEYU BAIBEL (BSI)

¹⁹ Süpeinou, puhnou chikubuh hinou bubuki, puh chapfünou puh hi chi seive-a paoe. “Mah hayu mai süna pei hi halia souso, daiolouzü zhou kheikou me hinou E puh vanou veashore.”

MATHIU 27:19 Iomraidhean Croise

SHURAI 31:11

Süphaki Mapao vei rakivamai nou Eye ‘Jakob’ tea kuwe. Enou ‘Oe! E haihi bue’ tea khepeie.

SHURAI 31:24

Ana Ramai nou Aramean puona Laban hi süzhou khei zhiho mekou nou ve “Ne Jakob hi chishi lia paolai moe touyu sülo” tea paore.

SHURAI 31:29

Enou neye soushi peilou süyu khouko abah hi bue, ana dokhei nepuo vei Ramai nou ahi ve haibüa paore, ‘Ne Jakob hi chilashi lia paolai moe touyu sülo.’

TSÜCHITAO 29:1

Mainou züpei khaie, nou khoulailai payu mai nasü souveilou hoyu hi soushikou khaipeia bailai.

ISAIAH 53:11

Puhnou veayu thainou, savayu ae rukhayu sü ngaolai; puhnou veahoyu sü hamako hinou vea moe touyu sü süloulai. Checheyu avei kilaiwo nou maitaoli vei mah sü pfüa talai, süvanou maitao liye khailu peilai.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

MAIPEI PHOUYU 12:6

ae Mapao nou haibüa paoe, “Chuo Enou paore achi sü keilo! Neletao hi buyu rachipaola peiyu maitao hisü Enou zho kounou ngao-a baiwe ae puletao hisü zhiho mekou hinou Enou kea-a baiwe.

MATHIU 1:20

Haibüa puhnou tsücho-a buyu hinou mekou hi nou Mapao vei rakivamai alinou puh hi veloua paoe, “David nahpoutu Josef, Meri ye ne chapfü soure hai ne piso. Daiolouzü puhnou pou pfüyu hai Rako Mashi hinoue.

MATHIU 2:19

Herod nou thaiyu thaisü, Ejipt hinou Mapao vei rakivamai alinou Josef mekou hinou vengaopeia paoe,

MATHIU 2:22

Ana Josef nou Herod nah Arkelia nou puh puo süh Judea hi veo soua bue touyu ko chouloua, sühi tavekhai pire. Alia puhye mekou hinou ve doupu peiyu vanou puh hai Galilee teidei hi tare

MATHIU 27:18

Daiolouzü puletao nou Jisu ye ngaoraiyu vanou puh bah hi thoupei baie touyu hai puh nou sütoua bue.

MATHIU 27:24

Südonou puh nou souyu hai maikhe maiye soubvüro shoyu likhei baideinou kukhe halia zhiyu hare touyu sü ngaoloua, Pilat nou dzü poloua ea maisou nghojünou bahdzü teiloua paoe, “Acheche mai haina vei athai vanou Apei hi mah hae! Haihai neletao vah baie!”

MATHIU 27:4

alia haibüa paoe, “Mah hayu mailiye Enou southeare donou shohdo soupeiyu vanou E mahre!” Puletao nou chila peie, “Süna vanou Eh lenou dai bue? sünasü nelah ne vah baie!”

LUK NOU RÜYU KO AVEIBVÜ 23:41

Alia Ahaiwo louzü chechenou ngaozüe; daiolouzü Ahaiwo Ahainou sou-pfüyu vah sütaovei ngaozüyu buusü ngaobaie; ana mai hainawo ha mahlia soumoe.”

LUK NOU RÜYU KO AVEIBVÜ 23:47

Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”

JOHAN 19:13

Pilat nou chipao sütao choulouyu kisü puhnou Jisu ye vakouhi ku-sapaloua, “Chuhkhubuh” (süolouzü Ebria lahinou “Gabbatha”) tea buyu chikuyubuh süna hi panou kou buloure.

SEI-ATAMAI VAHTAO 12:21

Alia paokhai touyu teithe zhousü Herod nou puhvei duzaona zhaoloua ea vebuh hi buloua puletao hi chi veishoa paongaoe.

SEI-ATAMAI VAHTAO 18:12

Ana Gallio nou Akhaia hi teidei khowona souabu kisü Jihudimaitao hrülainou tave dzüloua Paulye sü niloure ea puhye sü chikuki hi saveloua,

SEI-ATAMAI VAHTAO 18:16

Alia puletaoye chikuki hinou hutare.

SEI-ATAMAI VAHTAO 18:17

Sükisü puletao hrülainou rathobuh hi peichana Sosthenesye niloua chikuki kijünou dapeire. Ana haivanou Gallio nou halia chopei moe.

SEI-ATAMAI VAHTAO 25:10

Ana Paul nou paoe, “Eye chiku züyubuh Kaisar vei chikubuh nghojünou chu E la-a bue; lah nenou süa buyukua Enou Jihudimaitao pei hi hatalia soumahyu hae.

SEI-ATAMAI VAHTAO 25:17

Südonou puletao nou buh haihi tave dzülouyu kisü Enou teile soudo khaimoa thainaisho sü Enou chikuki hi tave buloua mai sünaye savere donou kharochi peire.

SEI-ATAMAI VAHTAO 25:6

Festa nou puletaoye koa teithe acha moa kirou buloua Kaisaria hi khaikoure. Thainaisho kisü puhnou chikure buh hinou buloua Paul ye nghojü hi save thoure donou kharochi peire.

1 PITAR 2:22

Puhwo mah lia soukhai moe, alia puh tai-lü hinou madayu chi hakia choukhai mohie.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.