MATHIU 26:63 - SHEEYU BAIBEL (BSI)

⁶³ Ana Jisu nou hachi lia paokhai moe. Alia napao peicha nanou puh hi paoe, “Hriyu Ramai zhih hinou Enou neye kharochi peia paowe, nehai Ramai Nahpoutu Khristae toulouzü Eletao hi paokhaio.”

MATHIU 26:63 Iomraidhean Croise

1 VEMAITO 22:16

Ana Ahab nou puh hi paoe, “Nenou ahi Mapao zhih hinou paoyu phaki, cheche hinou paopeio. Enou ne hi vu kazhou sübüa paolai?”

2 PUOPAOKO 18:15

Ana Ahab nou chila peie, “Ne Mapao vei zhih hinou ahi chi paoyu phaki acheche hinou paopeio. E ne hi vu kazhou haibüa paolai?”

LOUTAO 42:2

Hrüyu Ramai, Enou neye sü reisho-a nou kho-a bue; Enou duki taho nevei nghoujü hinou neye tholou laige?

TSÜCHITAO 29:24

Vaomai liye koa pasouyu pusü puhye ngaoba kayu maina-e. Puhnou chikuyu buh hinou checheyu chi paopei louzü neye tudeelai, alia paomo louzü Ramai nou chaa peilai.

ISAIAH 53:7

“Puhye sü souveasho peie, ana puhnou peikhai timoa shamea loure. Zhaotu aliye dathayu buh hi hupoa tayu büa ae zhaotu ali mai sailai teanou mai saiyu mai nghoujünou paikhai toumoa buyu büa baie.

DANIEL 3:16

Shadrak, Meshak ae Abednego nou Veo hisü chila peie, “Oh Puo Veo, haina vanou la Etaoye vupa loure ludu phoulai moe.

LEVIMAI LARÜBVÜ 5:1

Mah souyu donou posheela molouzü shiyu sü haitao-e: Chikuyu buh hi mai taliye puhnou ngaoyu moa süyu nasü tave paopeio tea kuyu phaki, puhnou checheyu nasü tave paopei more toulouzü, puh hisü mah bure.

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

MATHIU 26:62

Alia napao peicha nanou lashu loua paoe, “Ne chila peire hawu? Mai haitaonou nepei hi paodu khaiyu hai daie?”

MATHIU 27:12

Ana napao adumai taonou ea tsümai taonou puh hi mah dukhaiyu kisü puh nou chila lia peimoe.

MATHIU 27:14

Ana Jisu nou puh pei hi dukhaiyu chi tali vanou chila ali koutea peimoe, Südonou teideikhowo nasü khupasho loure.

MATHIU 27:40

“Rathoki souha laiyu ea teithe asü levai hinou soupei khailaiyu ne, lah neye khailu louwo! Ne hai Ramai Nahpoutue toulouzü kros vanou takou louwo.”

MATHIU 27:43

Puhwo Ramaiye louchewe südonou Ramai nou puhye züpa louzü, chunou Ramaiye panou puhye vupa peiyu soulou khaio; daiolouzü puhnou, ‘Ewo Ramainah Poutue’ tea paoe.”

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

MATHIU 4:3

Süthaisü Rashi nanou puh hi veloua paoe, “Ne hai Ramai Nahpoutue toulouzü, chuh haitao hisü raokhao dalouwo tea kharochi peikhaio.”

MARK 14:61

Ana Jisu nou ngasou buloua chila lia peimoe. Süthaia Napao Peichana nou puh hi noupue, “Ne hai Rako Avei Ramai Nahpoutu Khristawu?”

JOHAN 1:34

Enou süsü ngaoloure ea zhopaoh soua paowe süolouzü haina hai Ramai Nahpoutue.”

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 10:24

Südonou Jihudimai taonou puh hinou tave sühao buloua puh hi paoe, “Pha kasho nenou Eletaoye panou zhi-a bulai? Nehai Khristae toulouzü Eletao hi sheesha-a paongao khaio.”

JOHAN 10:30

E alia Puosü alibaie.”

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 19:7

Jihudimai taonou puh hi chila peie, “Eletao vei razhai ali bue, alia razhai süna thaifüa puhsü thaizüe, daiolouzü puh lah puhyenou Ramai Nahpoutu tea paowe.”

JOHAN 19:9

alia puhnou puh fühao hi talou puloukhaia Jisu hi noue, “Ne daikinou ve-e?” Ana Jisu nou chila peimoe.

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 6:69

Alia nehai Ramai hinou veyu Masheeo nasüe touyu hai Ehnou louche loure ea süloure.”

JOHAN 8:25

Süthaisü puletao nou puh hi noue, “Ne thaoh-e?” Jisu nou puletao hi paoe, “Shurainou Enou neletao hi paopeiyu nasüe.

2 KORINTHMAI 1:19

Daiolouzü Sailas, Timothi ea Enou neletao hrohinou paodouyu Ramainah Poutu Jisu Khrista hai “Ae” alia “Moe” touyuna moe, ana kuvou-a puhwo Ramai vei “Ae” touyu nasüe;

1 PITAR 2:23

Puhye ngheihyu kisü, puhnou puletao hi reive ngheihda moe; puhnou veahoyu kisü, puhnou soupi-a chi paomoe, ana puhnou cheche-a chiku peiyu puhye sü louchewe.

1 SAMUEL 14:24

Süzhou teithe hai Israel mai hai lelou hore, daiolouzü Saul nou chaachou souloua haibüa kharochi peiwure: “Zhou teithe Eye ngaobayu maitao hi khüngu phoulou mokoute touso taralia tousoyu mai sü chaa panou ngaotheo.” Südonou süzhou teithe hai mailia halia toumore.

1 SAMUEL 14:26

Puletao nou vaohro hi talouyu phaki, süübe liki hai laivoudzü khaitoua ngaoe, ana mai ali koute-a süsü toumore, daiolouzü puletao nou Saul nou chaachou soukhai touyu nasü ngaopi loure.

1 SAMUEL 14:28

Ana mai ali nou haibüa paoe, “Etao mai hrülai hai veashore ae houzüre, ana ne puo nou Etao hi khoushoa haibüa kharochi peiwure, ‘Zhou teithe ha touyu mai sü chaa ngaolai.’”