MATHIU 26:61 - SHEEYU BAIBEL (BSI)

⁶¹ paoe, “Mai hainanou, ‘E nou rathoki haina hai hakhaokou loua teithe asü levai hinou soupei khailou süe,’ tea paoe.”

MATHIU 26:61 Iomraidhean Croise

SHURAI 19:9

Ana puletao nou Lot hisü paoe, “Etao ludu vaipeio, ne shetoumai ali soua hainou ve Etaoye paodou laiwu? Ne raoso, molouzü honahai jünou neye shipua soupeilai.” Süthaisü puletao nou Lotye khaolaiwua kikhu dakholai tea takoure.

1 VEMAITO 22:27

ae Veo nou haibüa paowe tea paopeio, ‘Mai hainaye hukhaki hi thoukhaio, ae Enou kaozhou vei-a dakhai vemo koute puhye raokhao ae dzü peia nou bulo.’ ”

2 VEMAITO 9:11

Jehu nou puhvei samai khamaitao hisü dakhai loure ae puletao nou puh hi noue, “Ha teitei nou vei-a baiho moe? Voyu maina nou ne hi dai-e jüpa-a nou paowe?” “Puhnou dai jüpawe touyu sü neletao nou süwe,” tea Jehu nou chila peie.

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

MATHIU 12:24

Ana Phariseemai taonou süsü chouloua paoe, “Mai hainanou rashitaoye hulai payuhai rashitao pei hi aduna Beelzebul nou puh hi sübüa soure khouko peiyu vanoubaie.”

MATHIU 26:62

Alia napao peicha nanou lashu loua paoe, “Ne chila peire hawu? Mai haitaonou nepei hi paodu khaiyu hai daie?”

MATHIU 26:71

Alia puh nou kijü bomühi tapayu kisü kukhe kilai loumaina alinou puhye ngaolou khaire, alia puhnou ngheiki la-a bumai taohi paoe, “Mai haina hai Nazareth Jisu ye koa laiwe.”

MATHIU 27:40

“Rathoki souha laiyu ea teithe asü levai hinou soupei khailaiyu ne, lah neye khailu louwo! Ne hai Ramai Nahpoutue toulouzü kros vanou takou louwo.”

MATHIU 27:5

Alia puhnou husha taosü rathoki hi polai thouwu a tare; süthaisü puh lah taho raidaotheare.

MARK 14:58

“Bahnou soukhai touyu rathoki hainasü Enou souhawu-a bahnou soumoyu rathoki kukheli, teithe asü levai hinou Enou soupeilai, tea puhnou paoyu hai Ehnou choue.”

MARK 15:29

Alia ngheikinou takou-takheyu maitao nou puletao pei zhaloua puhye konüa paoe, “Oho! Rathoki souha laiyu ea teithe asü hinou soupei khailou süyu ne,

LUK NOU RÜYU KO AVEIBVÜ 23:2

Alia puletao nou puhpei hisü mah paodukhaia paoe, “Mai hainanou Eh tahrüye sümah tayu, Ehye Kaisar hi kikha peire hinou nuyu alia puhlah nou Khrista Veo nasüe tea paoyu sü Ehnou ngaoloure.”

JOHAN 9:29

Ramai nou Moses hi paopeie touyu hai Ehnou süe, ana mai haina vanou louzü, puh hai kahinou vesa touyu Ehnou sümoe!”

SEI-ATAMAI VAHTAO 17:18

Alia Epikurean ea Stoik tamai tsütsümai me hinou kamai taonou puhye sü veivae. Alia puletao hrohinou kamainou haikua noue, “Taichio hainanou daichi paolaisa?” Kukhe mainou paoe, “Puh hai vakou teidei ratao vanou ko paolamai kue.” Puletao nou haikua paoyu hai Paul nou Jisu ea hrishuyu vanou ko paodou peiyu donoue.

SEI-ATAMAI VAHTAO 18:13

“Mai hainanou maikhe maiye panou razhai hilonou moa-nou kukhe zhai ali hinou Ramaiye tholoure süpeiwe!” tea puletao nou paoe.

SEI-ATAMAI VAHTAO 22:22

Chipao haina paoyu koutesü maikhe mainou puh chi sü keipeie; süthaisü puletao nou puletao paisü kusholoua paoe, “Haibüyu maihai deiphao hinou potawo! Daiolouzü puh hai hri zümoe!”