MATHIU 26:55 - SHEEYU BAIBEL (BSI)

⁵⁵ Teile süpha hinou Jisu nou maisou taohi paoe, “Maivei saotoumai aliye nilaiyu kua khoche ea süda poa Eye niloure donou neletao tavewu? Teithe tsünou Esü rathoki hinou doupeia bue, alia neletao nou Eye nilou moe.

MATHIU 26:55 Iomraidhean Croise

MATHIU 21:23

Alia puhnou rathokihi tave louyu kisü, napao adumaitao ea tsükhemai taonou puhnou doupeia bubukinou puh hi taveloua noue, “Vah haitao souyu nevei zü daibue? Thaohnou nehi zü haina hai peie?”

MATHIU 26:47

Puhnou sübüa chi paobebu kinou, kiahai hrohinou ali soua buyu Judas hai tavere, alia napao adu maitao ea tsümaitao hinou seiveyu khoche ea süda poyu maikhemai alaosou puhye koa laiwe.

MARK 10:1

Süthaisü Jisu nou buh süsü thaowu-a Judea teidei hilo taloua Jordan rei kachopare. Sühisü maikhemai alaosou puh hi tave dzüloure ea puh nou raichoki büa puletaoye doupeie.

MARK 12:35

Jisu nou rathoki hinou doupeia buyu hinou haibüa noue, “Kabüa razhai dou-apei maitao nou Khristaye nou David Nahpoutu tea paowe?

LUK NOU RÜYU KO AVEIBVÜ 19:47

Alia puhnou teisanou Rathoki hinou doupei-a bue. Ana napao adumaitao, razhai dou-apeimaitao ea maikhe maiye süthai-apeimai taonou puhye southeare donou phoue;

LUK NOU RÜYU KO AVEIBVÜ 20:1

Naiteithe kisü puhnou Rathoki hinou maikhe maiye doupeia ea ko avei paodou-a buyu hinou, napao adumaitao ea razhai dou-apeimai taonou tsüme taoye koa taveloua,

LUK NOU RÜYU KO AVEIBVÜ 4:20

Alia puhnou larübvü nasü shikhaiwu-a sünasü sühi vahlaimai hi peida khaire, alia kou buloure; alia rathobuh hi buyu mai hrülai nou puh hisü phetei loure.

JOHAN 7:14

Nüh süna tsüle kouyu phakisü Jisu nou Rathoki hi talouloua doushu tare.

JOHAN 7:28

Südonou Jisu nou Rathoki hinou doupeia buyu hinou paikua paoe, “Neletao nou Eye süwe, alia E hai daikinou vesa touyu hai neletao nou süwe. Sütoukhaia, Ehai lah Amado hinou vemoe, Eye seiveyu puh hai chekhaoe, alia puhye neletao nou sümoe.

JOHAN 8:2

Thainaisho shohna sü puh hai Rathoki hi tavepu khaire; sükisü maikhemai veishinou puh hi tave loure, alia puhnou kou buloua puletaoye doushu tare.

JOHAN 8:20

Puhnou chi haitaosü Rathoki hinou doupeia bubuki Sheelayu sübvü khaiyu kidena hinou paoe, ana maita linoua puhye nilou moe, daiolouzü puh vei phasü vetelou mohie.