MATHIU 26:38 - SHEEYU BAIBEL (BSI)

³⁸ Sükisü puhnou puletao hi paoe, “Ale hai veathou thaire soua bure; haihinou bua Eye koa zhai helo.”

MATHIU 26:38 Iomraidhean Croise

LOUTAO 116:3

Athai hi loutare kaozhou ashi sünanou Eye sühao loure, khüh hi tare ngaopiyu nasü ahi nghitei loure, Esü ngaopi-a nou dopfüa bua baire.

LOUTAO 42:5

Daidonou E leveawe? Daidonou E veaho shoge? Avei areih nasü Ramai hinou bua bailai, ae Eye khailupa–apeio, avei Ramai puhye Enou paoshopu laihie.

SOLOMON VEI LOU 5:3

Ewo asahnü phawure; E kabüa süsü thoupulou khailai? Aphi-a dzü khüwure, E daisounou süsü nai napu khailai?

ISAIAH 53:10

Mapao nou paoe, “Puhnou veahoyu sü avei leli-e; maikhe maiye khailu loure donou puhye sü posheela-a phasoua thaire. Südonou puhnou puhvei tyaosholea khesü ngaolai, puh hai hrüsho-a hrülai ae puh vanou avei leli ae choda khaitouyu khesü souche loulai.

ISAIAH 53:12

Südonou Enou puhye sü aduso mai ae khouko buyu maiye koa khailu louyu buh hi khaipeilai, daiolouzü puhnou thaipeie, ae mai ashi mainou ngaore thaosü puhnou vea peie. Alia puhnou maitaoli vei mahmo sü pfüpeie, ae mahmo souyu maiye donou veachi paokha peie.”

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

MATHIU 25:13

Südonou, zhaihe-a kholo, daiolouzü neletao nou teithe süna moa pha sünasü sümoe.

MARK 14:34

Alia puhnou puletao hi paoe, “Arako hai veathou thairesoua bure; haihi chaokhaio, alia zhaihe toulo.”

JOHAN 12:27

“Chuo Alehai veasho loure, alia Enou dai paolai? ‘Apuo, pha teile haina hinou Eye khaipapeio’ tea Enou paolaiwu? Moe, soure vah haina donou Enou pha hainahi velou loure.

ROMMAI 8:32

Lah puhnah poutuye-a phapei moa Eletao hrülai donou puhye thoupeiyu puhnou puhnah poutuye koa Eletao hi ha teitei sa-a peilai mowu?

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

GALATIAMAI 3:13

Ana Khrista nou Eletaoye donou cha daloua, Eletaoye sü Razhai vei cha hinou khaipa peire; daiolouzü sheeyu larübvü hinou haibüa rüthoure, “Süüvanou khiyukhai touyu mai taliye sü Ramai nou chapeire.”

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.