MATHIU 26:31 - SHEEYU BAIBEL (BSI)

³¹ Süthaisü Jisu nou puletao hi paoe, “Neletao hrülai Avanou zhoukhei kaota khailai, daiolouzü haibüa rükhaire, ‘Enou zhao-akhowoye southealai, alia zhaokhohi zhao taosü rata khailai.’

MATHIU 26:31 Iomraidhean Croise

LOUTAO 38:11

Avei samaitao ae kinapa maitao hai Enou soua avasou hi tangiyu buyu donou anghiki koubare; avei kihikhamai koute-a ahinou hotare.

LOUTAO 69:20

Hraongu soupeiyu sünou alüthou sü souphewure, ae Esü veahore. Zhuvea leshi peiyu nasü Enou vuzhi-e, ana mailia hare; sousava peishulai tea Enou kho-e, ana mailia ngaolou more.

LOUTAO 88:18

Nenou avei sapokha veikayu maitao koutea panou Eye sü thaowua tare, chuo teimai teizhi na likhei avei samai soua bubaire.

ISAIAH 53:10

Mapao nou paoe, “Puhnou veahoyu sü avei leli-e; maikhe maiye khailu loure donou puhye sü posheela-a phasoua thaire. Südonou puhnou puhvei tyaosholea khesü ngaolai, puh hai hrüsho-a hrülai ae puh vanou avei leli ae choda khaitouyu khesü souche loulai.

DOPFÜYU 1:19

“Eye leshiyu maitaoye sü Enou kuwe, ana puletao nou Eye tave soukha peibare. Napao maitao ae süthai-apei maitao hai hriloure donou touso phoua nuhdu vei luduva kinou thaitare.

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 11:6

Alia Eye letsü moyu puhsü rakoveie!”

MATHIU 26:24

Mai Nahpoutu louzü puh vanou sheeyu larübvü hinou rükhai touyu kua tabaie; ana Mai Nahpoutuye shoh soupeiyu mai süna donou daizhozhou ngaopisa! Puhye donou nakoukhai moyu nanou veikou shohie.”

MATHIU 26:56

Ana rachi paolamai taonou sheeyu larübvü hinou rükhai touyu nasü panou vete loure donou sütao veishi hai pakhaire.” Süthaisü rozümaitao hrülaisü puhye thaowu-a tutare.

JOHAN 16:32

Zhukhaio, neletaosü lahlah kihi poraveloua Eye lah thaokhai laiyu phasü laire, alia chekhaoa pha sünasü veloure. Ana Elah baimoe, daiolouzü Apuonou Eye koa bue.