MATHIU 26:28 - SHEEYU BAIBEL (BSI)

²⁸ daiolouzü haihai mah khaipeire mai alao donou küpa peiyu vo soukhaiyu Azhe nasüe.

MATHIU 26:28 Iomraidhean Croise

JEREMIAH 31:31

Mapao nou paoe, “Enou Israel ae Judah maiye koa vo ashu soure teile sü velaire.

LEVIMAI LARÜBVÜ 17:11

Hrikhaona ali nou hria buyu hai zhe vanou baie, südonou Mapao nou souzhe hai maikhe maivei mahmo sü pota peiloure donou posheelabu hi lazü peio tea chikha peikhai toue. Zhe hai hrirai-e, mahmo khesü pota peilai.

ZEKHARIAH 9:11

Mapao nou paoe, “Neletao hai Eye koa zhe nou poa Vo soukhai touyu thaifüa, Enou neletaoye sü panou lahdo souloulai, dzü hayu raobvü hinou popa peiwulai.

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 26:27

Süthaisü puhnou paili poloure ea puhnou kalo paocheyu thaisü süsü puhnou puletao hi pola peia paoe, “Neletao hrülai haihinou pokülo;

MATHIU 26:29

Enou neletao hi paoe, Apuo Vedei hinou Enou neletaoye koa darkha zhaoh ashu küzho laiyu teithe süna vemo koutesü Enou chuthainou darkha zhaoh haina hai küpukhai khailaimoe.”

MATHIU 6:12

Ehnou-a Ehpao pfümaitaoye khaipeiwuyu büa, Ehpao khaipeio.

MARK 1:4

Südonou rekounou Johan Baptist nou mah khailu peire le dayu vei dzükhao dayu nasü paodoupoa vere.

MARK 14:24

Alia puhnou puletao hi paoe, “Haihai mai alao donou küpa peiyu Vo soukhaiyu Azhe nasüe.

LUK NOU RÜYU KO AVEIBVÜ 22:19

Süthaisü puhnou rao nasü poloua Ramai hi kalo paoyu thaisü puhnou süsü soukhore ea süsü puletao hi pola pei-a paoe, “Haisü neletaoye donou peiyu Apfüphaoe. Eye li-choloure donou haisü soukhaio.”

LUK NOU RÜYU KO AVEIBVÜ 22:20

Alia sübütoua vai süna toucheyu thaisü puhnou puletao hi pai nasü polapei-a paoe, “Neletaoye donou lapayu pai hainasü Azhe hinou paoshee souyu Ramai vei ashu vo nasüe.

ROMMAI 5:15

Ana sühaisü kheihao moe, daiolouzü Ramai vei sapeina hai Adam vei mah bümoe. Mai alivei mah donou mai alaosou thaire touyu sü chekhaoe. Sübüyu thaisü daizhozhou koua Ramai zhuvea ea mai ali süna süolouzü Jisu Khrista vei zhuvea hinou veyu sapeina sünasünou mai alao pei hi bupeiloulai!

ROMMAI 5:19

Alia mai alinou paoyu zübayu vanou emai hrülaiye panou mahmai soulouyu büa, mailinou paoyu züyu vanou puletao hrülaiye Ramaiye koa souzü peilai.

1 KORINTHMAI 11:25

Süzhaibüa, vailouyu thaisü puhnou pai poloua paoe, “Pai hainasü Azhenou paoshee soukhai touyu Ramai vei Vo Ashu nasüe. Neletao nou haina pokütsüsü Eye licho loure donou soukhaio.”

EPHESAMAI 1:7

Daiolouzü Khrista nou thaipeiyu vanou, Eletaoye do soupeire, süolouzü Eletao vei mahsü khaipeire. Ramai vei zhuvea hai daizhozhou dusa,

KOLOSSEMAI 1:14

puh vanou Eletaoye mado soupeire, süolouzü Eletao vei mah taosü khaipeire.

KOLOSSEMAI 1:20

Südonou Nahpoutu vanou Ramai nou teideiphao teiteiye sü lah puhye koa chavei loure donou le laloure. Ramai nou puh Nahpoutu vei kros vanou thaiyu athai süna vanou kaonayu pove peire ea sübüa deiphao hi ea rakihi buyu na teiteiye sü lah puhye koa sou chavei peiwure.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

EBRIAMAI 13:20

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire.

EBRIAMAI 9:28

Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.

PONGAOPEIYU 7:9

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.