MATHIU 26:24 - SHEEYU BAIBEL (BSI)

²⁴ Mai Nahpoutu louzü puh vanou sheeyu larübvü hinou rükhai touyu kua tabaie; ana Mai Nahpoutuye shoh soupeiyu mai süna donou daizhozhou ngaopisa! Puhye donou nakoukhai moyu nanou veikou shohie.”

MATHIU 26:24 Iomraidhean Croise

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

LOUTAO 55:15

Eye ngaobayu maitaoye panou hü chemoa thai theo; puletaoye sü panou hria nou athai maivei teidei hisü hotawo! Ashi nou puletao vei ki hi ae tsüle hisü bu baiwe.

LOUTAO 55:23

Ana Oh Ramai, nenou maiye southayu maitao, ae daruyu maitaoye sü panou hü hrüchemoa khü hi pothou khaipei bailai. Anou Ewo louzü neye louche-a bulai.

DANIEL 9:26

Sübüyu teile akhai hisü kou Ramai nou dopei khaitouyu süthai apei naye sü mainou southawulai. Nuhdu ae Rathoki nasü khouko pfüshoa reih hulouyu veo nahpoutu nanou soushi khaiwulai. Akhai teithe hisü soureih souyu ae soushi peiyu hai dzüdu veyu büa veloulai.

ZEKHARIAH 12:10

“Enou David tyaonahtao hi alia Jerusalem hi hrüa buyu mai teitei hisü zhuveayu ae maiye leshiyu rako nasü thoupeilai, sübüa puletao ye panou puletao nou southa khaitouyu mai naye zhuloua lah puh nah ali khei buyu na thaiyu büa dopfülai, alia nah narai na thaiyu büa shusoua koulilia kralai.

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 18:7

Phi süloure athaotao buyu vanou deiphaohai daizhozhou ngaopisa! Daiolouzü haibüyu athaohai veimoa vevu zülai, ana athaoye panou veyu mai sünaye donou daizhozhou ngaopisa!

MATHIU 26:31

Süthaisü Jisu nou puletao hi paoe, “Neletao hrülai Avanou zhoukhei kaota khailai, daiolouzü haibüa rükhaire, ‘Enou zhao-akhowoye southealai, alia zhaokhohi zhao taosü rata khailai.’

MATHIU 26:54

Ana sübülouzü kabüa sheeyu larübvü hinou sübüa pavu zülai tea paopeiyu nasü vetelai?”

MATHIU 26:56

Ana rachi paolamai taonou sheeyu larübvü hinou rükhai touyu nasü panou vete loure donou sütao veishi hai pakhaire.” Süthaisü rozümaitao hrülaisü puhye thaowu-a tutare.

MARK 14:21

Mai Nahpoutu louzü sheeyu larübvü nou puh vanou paopeiyu kua tarabaie; ana Mai Nahpoutuye shoh soupeiyu mai süna donou daizhozhou ngaopisa! Mai süna donou nakoukhai moyu nanou veikou shohie!”

MARK 9:12

Jisu nou puletao hi chila peie, “Elijah hai chechenou ha teitei souda loure donou raia vewure. Sütoukhaia daidonou sheeyu larübvü hinou Mai Nahpoutu hai alaosou vea vuzülai ea puhye sü motouwulai tea paowe?

LUK NOU RÜYU KO AVEIBVÜ 22:22

Daiolouzü Mai Nahpoutu sü Ramai nou chodayu thaifüa tabailai, ana puhye thoupeiyu mai süna donou daizhozhou zhuvea leshisa!”

LUK NOU RÜYU KO AVEIBVÜ 24:46

alia puhnou puletao hi paoe, “Khrista hai vea vuzülai ea teithe asü kisü athai hinou hrishulai,

JOHAN 17:12

Enou puletaoye koa bubu kisü, nenou Ahi peikhai touyu nezhih süna khouko vanou Enou puletaoye khotou peire; sheeyu larübvü hinou paoyu nasü vetere donou ha-kare nahpoutu likhei baideinou puletao kukhe louzü mailia hamoe daiolouzü Enou puletaoye khotou peire.

JOHAN 19:24

Südonou puletao hrohinou alinou lihi paoe, “Haina louzü Eletao nou raphalai mokhe anou haina hai thaohveilaisa touyu rako zhulaikhe.” Sükua puletao nou souyusü sheeyu larübvü hinou paoyu nasü vetere donoubaie: “Asahnü taosü puletao lah zhiloure alia Avei duzaona donou puletao nou rako zhuloure.” Südonou haisü reihmai taonou souyu nasüe.

JOHAN 19:28

Jisu nou chuo soure vahtao teitei sü souchewure tea sülouyu thaisü, sheeyu larübvü chipao nasü panou vetere donou puhnou paoe “E reiwe.”

SEI-ATAMAI VAHTAO 2:23

Mai hainaye sü Ramai vei soudayu ea puhvei raia süyu tsü süna thaifüa neletao bah hi thoupeiwu-a, neletao nou mai ashimaiye panou puhye sü kros vanou datheare.

SEI-ATAMAI VAHTAO 28:23

Südonou puletao nou Paul ye koa khoukha ali dadeloure, alia teithe sükisü maikhemai alaosou puhnou buyu buh hi tave. Alia puhnou puletao hi shona hinou koukhe koute sü Ramai Vedei vanou soutaosoua paodou peie, alia puhnou Jisu vanou Moses vei razhai ea rachi paolamaitao vei larütao hinou popa paodoua puletaoye douposhu louche peire donou te-e.

SEI-ATAMAI VAHTAO 4:28

Sükua ne khouko ea nevei tsüdonou rai-a palai tea chodayu teitei souloure donou puletao nou tave dzüloure.

1 KORINTHMAI 15:3

Daiolouzü E-a ngaolouyu matsü tsülaina süsü Enou neletao hi thoupeire, süolouzü sheeyu larübvü thaifüa Khrista nou Eletao mah donou thaipeire,