MATHIU 26:18 - SHEEYU BAIBEL (BSI)

¹⁸ Puhnou paoe, “Nuhdu nahi talouloua mai alihi paokhaio, ‘Dou-apeio nou paoe, Avei teile ngheire; Enou neki hinou rozümai taoye koa Tachonüh nülai.’ ”

MATHIU 26:18 Iomraidhean Croise

MATHIU 21:3

Alia maitalinou nehaihi hatali chi paolouzü puh hi, ‘Mapaowo nou haihaisü moshi laiyu bue;’ tea paokhaio; alia sübühinou puhnou sühaisü seive peilai.”

MATHIU 23:10

Moa neletaoye panou ‘Paopu’ tea kuwuso, daiolouzü neletao vei paopu hai Khrista likhei baie.

MATHIU 23:8

Ana neletaowo louzü panou ‘Dou-apeio’ tea kuwuso, daiolouzü neletao vei ‘Dou-apeio’ alikhei bubaie, alia neletao hrülai hai thaihou jürai baie.

MATHIU 26:19

Alia rozümai taonou puletao hi Jisu nou paopeiyu kua souloure, alia puletao nou Tachonüh vai nahai soudare.

MATHIU 26:2

“Teithe ahai thaisü Tachonüh hai velaire touyu sü neletao nou süe, alia Mai Nahpoutuye kros vanou veatheare donou thoupeiwulai.”

MATHIU 26:49

Alia puhnou Jisu hi thalasou takouloua paoe, “Khurüwe, Dou-apeio,” alia sübüa puhye kou münou mue.

MARK 5:35

Jisu nou sübüa paoyu phahinou Jairas kihinou chipaoh paomai kamainou taveloua puh hi paoe, “Ne nahpaisü thaire. Dou-apeioye souvea pupoa dailai?”

LUK NOU RÜYU KO AVEIBVÜ 22:53

Teithe tsünou Enou neletaoye koa rathoki hinou buyu kisü, neletao nou Eye niloure halia soumoe. Ana chu haisü neletao vei pha nasüe, alia teizhivei khoukonou tukha-salaiyu teile süe.”

JOHAN 11:28

Puhnou chi sünasü paowuyu thaisü, taloua taho puh matoupai Meriye kuloua puh hi kheikheisoua paoe, “Dou-apeio sü buh haihi bue ea neye phoua bue.”

JOHAN 12:23

Alia Jisu nou puhai hi chila peie, “Mai Nahpoutu nou kathe souloure phasü veloure.

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 17:1

Jisu nou chi haitao hai paoyu thaisü, raki hilo zhuloua paoe, “Apuo, pha nasü veloure; Ne Nahpoutu nou neye soudusho peiloure donou Ne Nahpoutuye soudusho peikhaio.

JOHAN 20:16

Jisu nou puh hi paoe, “Meri!” Puhnou reiveloua puh hi Ebriamai lanou paoe, “Rabboni!” (Süvei kowo louzü Dou-apeio touwe.)

JOHAN 7:30

Südonou puletao nou puhye niloure donou phoue; ana maita linoua puh pei hi bah khakhai moe, daiolouzü puh phasü velou mohie.

JOHAN 7:6

Jisu nou puletao hi paoe, “Ateile louzü vetelou mohie, ana neletao teilewo louzü teisanou souda-a bue.

JOHAN 7:8

Neletao lah nüh buh hi takhewo; Ewo nüh buh hi takhelaimoe, daiolouzü Ateile hai vetelou mohie.”