MATHIU 26:13 - SHEEYU BAIBEL (BSI)

¹³ Chekhaoa Enou neletao hi paoe, deiphao teiteihi ko avei haina paotayu buh likihi, puh nou soukhaitouyu nasü puhye li-choloure donou paongaolai.”

MATHIU 26:13 Iomraidhean Croise

LOUTAO 112:6

Mai aveih maiye sü panou kaodu takhailai moe, puhye sü teisa nou licho peilai.

ISAIAH 52:9

Soushi khaitouyu Jerusalem, shusoua lou sü soukhaio! Daiolouzü Mapao nou puhvei maitaoye sü sousava peie, ae Jerusalem sü vupa peiwure.

MATHIU 24:14

Alia Vedei vei ko avei haina hai tahrüh pfüphouhi zhopaoh soure donou deiphao teiteihi paodou talai; alia süthainou akhai nasü velai.

MATHIU 28:19

Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

MARK 13:10

Alia akhai vemo jühinou, ko aveihai tahrüh hrülaihi raia paodou vuzülai.

MARK 14:9

Alia cheche nou Enou neletao hi paoe, deiphao teiteihi ko avei paodou tayu buh takihi puhnou soukhai touyu nasü puhye li-choloure donou paotalai.”

MARK 16:15

Puhnou puletao hi paoe, “Deiphao teiteihi taholoua emai hrülaihi ko avei nasü paodou peikhaio.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

SEI-ATAMAI VAHTAO 10:4

Alia puhnou ngaopiloua puh hisü pheteiloua paoe, “Mapao, daie?” Rakivamai sünanou puh hisü chila peie. “Nevei veachitao ea nenou toure hamai hi peiyu vah taosü Ramai nou khrasho loure, alia ne khosü peire donou soudare.

ROMMAI 10:18

Ana Enou noue: Puletao nou chipao süsü choumoe touyu sü chechewu? Cheche-a puletao nou chouloure daiolouzü sheeyu larübvü nou haibüa paoe: “Puletao paisü deiphao teitei hi hotere, alia puletao chipao sü deiphao akhaihi veloure.”

ROMMAI 15:19

alia haisü shee ea khupa vah ea Ramai Rako khouko vanou souloure. Alia haibüa Jerusalem hinou Illurikam hi koute taveyu veihdu hisü Enou Khrista vanou Ko Avei nasü soutaosoua paodoue.

2 KORINTHMAI 10:18

Daiolouzü maitalinou lah puhye paoshoyu hinou moa Mapaowo nou paosho peiyu mai sünaye nou ae-ao tea popeire.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

KOLOSSEMAI 1:6

Neletao nou Ramai zhuvea choulou raiki ea süsü chechewe tea sülourai kihinou shua neletao hronou buyu büa, Ko Avei nanou thaokhaimoa ha pove peiwe ea süsü deiphao teiteihi-a paodoupoa tawe.

1 TIMOTHI 2:6

Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.

PONGAOPEIYU 14:6

Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.

1 SAMUEL 2:30

Raichoki Israel maivei Ramai Mapao Enou nevei puopaoh mai hi ae nevei kihikha maitao ye teisa panou napao soua avei kuvah panou soulai tea chaachou soukhai toue. Ana chuo Enou sübüa panou soupu khailai more. Eye tsükhouyu maiye Enou tsükhou peilai, ae Eye ngaorayu maiye sü E-a ngaora-a bailai.