MATHIU 26:10 - SHEEYU BAIBEL (BSI)

¹⁰ Ana Jisu nou süsü süloua puletao hi paoe, “Daidonou neletao nou naotu haipaiye souveawe? Daiolouzü puhnou Ahi haveili soupeire.

MATHIU 26:10 Iomraidhean Croise

NEHEMIAH 2:18

Enou puletao hisü Ramai nou Eye kabüa kozho peiwe ae soukha peiwe touyu khesü paongao peie, alia veo nou kabüa ahi chi paopei khaitoue touyu khesü paongao peie. Puletao nou haibüa chila peie, “Etao tashuloua nou soushupu talai khe!” Puletao nou vah sü soutare donou souda loure.

JOB VEI LARÜBVÜ 13:7

Ne daisounou dachi paowe? Dachi paoyu hai Ramai ye donou veiyu bue tea ne chovu?

MATHIU 26:11

Daiolouzü neletaowo toure hamaiye teisa koa bulai, ana neletaowo Eye koa teisa bulai moe.

MATHIU 26:9

Daiolouzü theadzü haihai pousha alao muh zholou süe, alia süsü toure hamai hi peilou veie.”

MARK 14:6

Ana Jisu nou paoe, “Puhye panou lah buwo; daidonou neletao nou puhye souchowe? Puhnou Ahi ha veili soupeire.

LUK NOU RÜYU KO AVEIBVÜ 8:49

Puhnou sübüa chipaobu kinou rathobuh peichana ki hinou kopaolamai ali taveloua Jairas hi paoe, “Ne nahpaisü thaire; Dou-apeioye souveapu khaiso.”

2 KORINTHMAI 9:8

Alia neletao nou lah neletao vei moshilaiyu teiteisü teisanou buloure donou ea vah avei pfüphou donou koushoa buloure donou neletao nou moshilaiyu süjünou koua Ramai nou neletaoye peilou süe.

GALATIAMAI 1:7

Chechenou “Kukhe ko avei” alia hae, ana Enou sübüa paoyuwo louzü mai kamainou neletaoye paothou tsü-bo souha peiyu ea Khrista vei Ko Avei nahai poda loure tewe.

GALATIAMAI 5:12

Neletao le souchoro-a buyu puletao donou louzü hee rodeyu likhei baimoa lah puletao vei vasou süna teitei-a vadelaiyu sü Enou züpawe!

GALATIAMAI 6:17

Akhai hinou, maitalinoua Eye souvea pupei khaiso, daiolouzü Apfüphao hi zheebuyu sünanou Ehai Jisu vei kilai baie touyu sü pongaowe.

EPHESAMAI 2:10

Daiolouzü Eletao hai Khrista hinou vah avei panou soua bure donou soupeikhai touyu puhvei vahmaitao baie süolouzü Eletaoye panou vah aveitao soua buloure raia Ramai nou Eletaoye donou soudachere.

KOLOSSEMAI 1:10

Süthaisü neletaosü Mapao vei züpa thaifüa hrülou süe ea teisanou puh züpa vah taonou soubailai. Neletao hrümai hinou vah aveivei shithou teiteisü shilai, alia neletaosü Ramai vei tsüna hinou dushu loulai.

2 THESSALONIMAI 2:17

neletao lesü souvasho peiyu sü souloutheo ea neletaoye panou teisanou avei nasü souloure ea paoloure donou soutsü peitheo.

1 TIMOTHI 3:1

Paopei-a buyu chipao hainasü chechewe: Maita linou lüloumaime vei süthai-apeimai sounü louzü, puhsü veiveilai vahli züpa-a bure.

1 TIMOTHI 5:10

alia puh hai vahvei souyu hinou zhih tayu maipfüli soulai; süolouzü puh nahmaiye soutaosoua ki-ko peiyu, shevai-shesüye shetou peiyu, sheeyumai phidzü khüpeiyu, vea-laimaiye soukha peiyu, alia vahvei teitei hinou lenou shoyu maipfüli soulai.

2 TIMOTHI 2:21

Maitalinou puh lah ashi sütao teitei hinou sousheeloua bulouzü, puhwo vah vei hi seiloure donou sousheewuyu paopunou seiloure moshilaiyu vahvei tali donou souda khaitouyu pai-khao büe.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

TITA 3:1

Nemai khemaiye teidei khomaitao ea soulousü zü bumaitao khakhehi buloure, puletao chi züloure, alia avei vah tali souloure donou souda loure paoposhu licho peikhaio.

TITA 3:14

Alia Ehmai taonou moshilaiyu talihi soukha peiloure donou puletao vei teile hai vahvei soua bulouresü panou doulou vuzükhaio; puletao nou hakoyu hrü hrüa buwu laimoe.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.