MATHIU 25:44 - SHEEYU BAIBEL (BSI)

⁴⁴ “Süthaisü puletao nou puh hi chila peilai, ‘Mapao, Ehnou duki neye houa moa reia, shevai-shesü soua moa baitoua, sounoua moa hukhahi bua neye kuvah soupei moe?’

MATHIU 25:44 Iomraidhean Croise

JEREMIAH 2:23

Ewo hashi nyamoe, Ewo Baal thaifüta moe tea neletao nou kabüa paolou khailai? Deikho hinou neletao nou mah souyu sü zhukhaio; neletao nou soupfüyu vah khesü zhukhaio. Neletao hai reshi sho-a laiyu racho ali büre,

JEREMIAH 2:35

neletao nou haibüa paoe, ‘Ehwo halia soumah moe; Mapao nou Etao pei hi lekha rarou more.’ Ana Mapao Enou neletaoye sü haibüa paoyu donou neletao pei hi chi kulai.

MALAKAI 1:6

“Nahpoutu lihai puo ye tsükhouwe, alia kilai maili sü kipaopu ye tsükhoue; sükulouzü, E hai neletao vei puo louzü, neletao nou Eye tsükhouyu sü daiki bue? E hai neletao vei paopue toulouzü, Eye khuhraoyu sü daiki bue?” teanou Hrülai pei hi Mapao nou puh zhih ngaophou moyu napao maitao hisü paoe. Ana neletao nou paoe, “Kabüa Etao nou ne zhih ngaophou moe?”

MALAKAI 2:17

Nevei chipao sünou Mapao ye souveare. Sütouyuma nenou paoe, “Kakunou Eletao nou puhye souveawe?” Haibüa paoyu nou, “Ashi souyu hai Mapao nghoujü hi-o veih-e, alia puh khemai hisü Mapao nou jüpae.” Moa haibüa nou-e, “Acheche Ramai sü daiki bue?”

MALAKAI 3:13

Neletao nou achi hai shisho-a paore, tea Mapao nou paoe. Sükuyuma neletao nou haibüa paoe, “Kakua Etao nou neye paoshiwe?”

MATHIU 10:41

Rachi paolamai aliye shepeiyu maitalinou puh hai rachi paolamai aliyu donou, rachi paolamai alivei buusü ngaolai, alia achechemai aliye shepeiyu maitalinou puh hai achechemai aliyu donou, achechemai alivei buusü ngaolai.

MATHIU 25:43

Enou shevai-shesü soubuki neletao nou Eye shepei moe, baitou buki neletao nou Eye sabanüh peimoe, sounou buki ea hukhahi bubuki neletao nou Eye ve zhupei moe.’

MATHIU 25:45

Sükisü puhnou puletao hi chila peilai, ‘Chechenou Enou neletao hi paoe, neletao nou tai-noukayu haitao hinou alihi-a soukhapei moyu donou Eye soukhapei moe.’

MATHIU 5:6

Achechena donou rei-züyu maisü rakoveie; daiolouzü puletao sü reikha ngaoloulai!

MATHIU 7:22

Chikuyu Teithe kisü mai alaonou Ahi paolai, ‘Mapao, Mapao! Nezhih hinou Ehnou rachi paolapa mowu, alia nezhih hinou rashitaoye hulai pamowu, alia nezhih hinou khupa vah lao soumowu?’

LUK NOU RÜYU KO AVEIBVÜ 10:29

Ana puhnou puhlah souzülou nüa Jisu hi noue, “Akinapa sü thaoh-e?”