MATHIU 25:10 - SHEEYU BAIBEL (BSI)

¹⁰ Alia puletao nou hrüloure donou tayu thainou, sheerepu sü vere, alia souda khaitouyu puletao nou puhye koa sheenghiyu nühbuh hi tare, alia kikhusü khure.

MATHIU 25:10 Iomraidhean Croise

SHURAI 7:16

Ramai nou kharochi peiyu thaifüa talou loure. Süthaisü Noha thailo nou Mapao nou kikhusü khuwure.

LOUTAO 95:11

Enou rarou loua haibüa chaachou souwure: ‘Enou neletaoye panou sochao loure donou peikhai touyu teidei hisü neletaoye panou taloukhai toulai moe.’ ”

MATHIU 24:42

“Südonou, zhaihe-a kholo, daiolouzü neletao nou neletao Mapao hai duki velaisa touyu sümoe.

MATHIU 24:43

Ana haihai sülo, süolouzü ki paopu nanou khei kapha hinou vaoyumai nasü velai touyu hai süyukowo, puhnou kholoua puh kihai panou hrakhaolou laimoe.

MATHIU 24:44

Südonou neletao souda vuzülai, daiolouzü neletao nou halia chomoyu phahinou Mai Nahpoutu sü velai.

MATHIU 25:6

“Ana khei tsüle hinou, ‘Zhukhaio, sheerepu sü laire! Puhye daoloure donou tapalo!’ tea shusoua shapare.

MATHIU 7:21

“Mapao, Mapao, tea Eye kuyu mai hrülainou raki Vedei hi velou laimoe, ana rakibu Apuo leli souyu mainou velou bailai.

LUK NOU RÜYU KO AVEIBVÜ 12:35

“Neletao khya phulo ea meibvüsü taokhailo,

LUK NOU RÜYU KO AVEIBVÜ 13:25

Ki paopu nanou shuloua kikhu khuyu kisü, neletao nou vakou hinou la-a ea kikhusü khoua haibüa paolai, ‘Dou-apeio, Eletao hi kikhu houpeikhaio!’ Puhnou neletao hi, ‘Neletao daikinou vesa, Ewo sümoe’ tea chila peilai.

KOLOSSEMAI 1:12

Ramai nou puhmaitaoye donou avavei vedei hinou khaida khaitouyu sü neletao zha ngaoloure donou neletaoye ngaozü doumai soupei khaitouyu Puo puh hi sasa-a kalo paokhaio.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

1 PITAR 1:13

Südonou vah souloure neletao lehai souda khailo. Tsü pfüloua Jisu Khristaye ngaopeiyuki neletao hi peilaiyu zhuvea süna hisü neletao reitei-a bulo.

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.

PONGAOPEIYU 19:7

Eletao lesaloua sathailou laikhe ea puhvei adushosü paosho laikhe! Daiolouzü Zhaotu sünavei sheere teilesü veloure, alia puhki verepainou lah puhye donou souda chere.

PONGAOPEIYU 22:20

Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!