MATHIU 25:1 - SHEEYU BAIBEL (BSI)

¹ “Sükisü raki Vedei hai puletao vei meibvü poloua sheerepuye daore donou tapayu loumaina kiroutaoye pao nadalou veie.

MATHIU 25:1 Iomraidhean Croise

LOUTAO 45:14

Veishoyu sabanü nou tupoa honapai sü veo hi saloue, puh thaifü poa nou loumaina taolinou puhye sü veo hi salou peie.

SOLOMON VEI LOU 1:3

nenou noupeiyu theadzü taosü kainü veishoe, ne zhih sü lapa khaitouyu kainüvei theadzüe; südonou naotu maitao nou neye leshiwe.

SOLOMON VEI LOU 5:16

Puh chipao hai-a jühka-e, alia puh hai hali-hala hinou lichekhai toue. Aleshipu ae asamai nahai haibüe, Oh Jerusalem hi naotu maitaore.

SOLOMON VEI LOU 5:8

Oh Jerusalem hi naotumai taore, E neletao hi khowe, neletao nou aleshipu ye ngaolouzü, E lesha vanou sou-a bure tea puh hi paopeio.

ISAIAH 54:5

Daiolouzü neye Sou-apeio sünou nevei maipou ali büa sabu peilai, Khoukhoulai Mapao touyu sü puhvei zhih-e. Sheeyu Israel maivei Ramai nou neye sü khailupa peilai, puh hai deiphao teitei vei Ramai nasüe.

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

MATHIU 13:24

Jisu nou kukhe nadali hinou puletao hi paoe: “Raki Vedei hai puh douhi thoutai avei vuthouyu mai sünaye pao nadalou veie.

MATHIU 13:31

Jisu nou puletao hi kukhe nadali paoe: “Raki Vedeihai mai alinou javu thouli poloua puh douhi vuthouwuyu sünaye kheihaoe.

MATHIU 13:38

dou nasü deiphaoe; avei thoutai nasü Vedei vei maikhe maitaoe; khataosü Ashina vei mai khemaitaoe;

MATHIU 13:47

“Süthaia, Raki Vedei hai zaihi laithouyu ea khah tyatyali sülouyu khahbe aliye kheihaoe.

MATHIU 20:1

“Raki Vedeihai ki paopu alinou shohna hinou tapaloua puhvei darkha kipei hi vah soure maiye zho kutayu büe.

MATHIU 22:2

“Raki Vedeihai vemai alinou puh nahpoutu sheeyuki tovai peiyu sünaye pao nadalou veie.

MATHIU 25:7

Süthaisü loumainatao veishisü kaishu loure ea puletao vei meibvü sü taoloure.

MATHIU 3:2

Puhnou paoe, “Neletao mah hinou le dalouwo, daiolouzü raki Vedeihai ngheire!”

MATHIU 5:16

Süzhaibüa neletao vei ava sü maikhemai nghojühi vangao peikhaio, sübü louzü neletao vei vahvei taosü puletao nou ngaoloua rakibu neletao Puoye paosholai.

MATHIU 9:15

Jisu nou puletao hi paoe, “Sheenghiyu buh hi shemaitao nou sheerepunou puletaoye koa bubusasü levea-a bulou süwu? Sükulouhoe! Ana sheerepuye puletao hinou potalaiyu teithesü velai, alia sükinou puletao sü lühlai.

JOHAN 18:3

Südonou Judasnou napao adumaitao ea Pharisee maitao hinou seiveyu Rom reihmai ea Rathokihi reihkhaomai taoliye sapoa, meibvü, loumei ea reih bahseitao poloua kipei sünahi tare.

JOHAN 3:29

Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünanou sheerepu vei pai chouloua le sashowe; südonou Avei asah nasü chuo chekhoure.

SEI-ATAMAI VAHTAO 20:8

Alia Eletao nou vedzüa buyu kishorei kide hisü meibvü taoli taokhai khaitoue.

1 KORINTHMAI 11:2

Enou neletaoye paoshowe daiolouzü neletao nou Eye teisanou licho peiwe ea Enou neletao hi peikhai touyu doupeiyu sütaosü neletao nou thaifüa tawe.

2 KORINTHMAI 11:2

Ramai nou doyu sübüa Enou neletao phao doshoa bue; daiolouzü nghirepai sheetouyu loumaina aliye puhvei chaahi peilaiyu büa, Enou neletaoye Khrista ki noutore.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

TITA 2:13

sübüa Eletao nou dushoyu Eletao Ramai ea khailu-apeio Jisu Khrista nou khouko-ava hinou velaiyu süolouzü Eletao nou rei-a buyu rako avei Teithe süna sü kho-a bulai.

PONGAOPEIYU 14:4

Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

PONGAOPEIYU 19:7

Eletao lesaloua sathailou laikhe ea puhvei adushosü paosho laikhe! Daiolouzü Zhaotu sünavei sheere teilesü veloure, alia puhki verepainou lah puhye donou souda chere.

PONGAOPEIYU 21:2

Alia Mashee Nuhdu, ashee Jerusalem nasünou puh chaaye daore donou tutou khaitoua souda cheyu nghirepai sünabüa Ramai hinou rakivanou takouyu sü Enou ngaoe.

PONGAOPEIYU 21:9

Süthaisü akhai veahoyu anainou phouyu pai anaitao poa buyu rakivamai anaitao hrohinou alinou Ahi taveloua paoe, “Tavelo, Enou ne hi Zhaotu sünavei chapfü, nghirepai sünaye nehi ngaopeilai.”

PONGAOPEIYU 4:5

Vebuh süna hinou tei peivavayu, pairao ea teisüyu kho tyatyali pawe. Alia vebuh süna nghojü hisü mei keivava pfüa buyu meibvü anai bue, sütaosü Ramai vei rako anaitaoe.

PONGAOPEIYU 8:10

Süthaisü rakivamai asü chenanou puh besü houng-e, alia meikei kua keivavayu dushoyu teivuh alisü ratei vanou dekouloua deiphao hi rei zha asü hinou zhali hi ea dzühoung taohi kou loure.