MATHIU 24:45 - SHEEYU BAIBEL (BSI)

⁴⁵ “Sükuyu thaisü, teile kao avei hinou puletao hi puletao vei touso peire donou puh vei paopu nou puhye panou puh kikhamai hrülai pei hi khoyu louchelou veiyu ea tsü veishoyu kilaihai thaohwe?

MATHIU 24:45 Iomraidhean Croise

TAPALOUYU 36:4

Südonou Rathokipao souyu maitao nou tave

TSÜCHITAO 14:35

Tsüvei-a vah souyu kilai mai lisü veo vei jüpa ngaoloue, ana puhvei lekha rarou nasü haongu vah souyu mai hi bue.

TSÜCHITAO 28:20

Louchelou veiyu mai nasü vasa-a nou puhvei hrü hai hrüche loulai, ana thasho-a nou toungi nüyu maisü souvea peimoa panou talai moe.

EZEKIEL 34:2

“Thaire maipu nare, Israel maiye süthai peiyu maitao hai Ramai nou aetou more tea paopeio. Ramai Mapao Enou puletao hi haibüa pao-a nou bure tea paopeio. Israel maivei zhaokhao maitao, neletao hai daizhou koute vealaisa! Neletao hai lahye kikoloua nou zhaotu khesü zhupei more.

EZEKIEL 46:24

Mai nanou ahi paoe, “Maikhe mainou pove sheela peiyu khesü rathoki hi kilai maitao nou hai hinou hakho toulai.”

MATHIU 10:16

“Keikhaio! Enou neletaoye zhaotu büa nüseitao hrohi seitawe. Südonou neletao nghoutao büa kailo ea khaotao büa nashalo.

MATHIU 13:52

Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”

MATHIU 24:46

Puhvei paopuwo nou khaiveyu ki sübüa soua ngaolouyu kilai sünasü rakoveie.

MATHIU 25:2

Puletao angouwo louzü vowe, alia angouwo louzü tsü veiwe.

MATHIU 25:21

Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’

MATHIU 25:23

Puh vei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, neye ha taoli pei hi panou chalai. Ne paopu vei va-sayu buh hi talou louwo.’

MATHIU 7:24

“Südonou Achipaotao chouloua züloumai talihai chuhdu vanou ki soukhai touyu tsü veiyu mai sünaye kheihaoe.

LUK NOU RÜYU KO AVEIBVÜ 19:17

Alia puhnou puh hi paoe, ‘Veishore, avei kilai! Nenou hataili hinou cheche louyu donou, neye panou nuhdu kirou pei hi paopu soulai.’

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

1 TIMOTHI 1:12

Avah haina donou Ahi khouko peikhai touyu Eletao Mapao Jisu Khristaye Enou kalo paowe, daiolouzü puhnou Eye nou puhvei kuvah souzüe tea chopeia,

2 TIMOTHI 2:2

Alia nenou zhopaoh maitaoli nghojünou Enou paoyu chou-choulouyu doupeiyu taosü poloua mai kukhe maiye-a doupei lousü laiyu puletao bah hi lüthou peikhaio.

EBRIAMAI 3:5

Moses hai kilai alikua Ramai ki hinou cheche-a hrüe, alia Ramai nou thaikhai hi paore sütao vanou puhnou zhopaoh peia chipaoe.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

RUTH 2:6

Puh kilai pai nou chila peie, “Honapai hai shedzü maipfüe, Naomi ye koa Moab mai teidei hinou dakhai veyu napaie.”