MATHIU 24:44 - SHEEYU BAIBEL (BSI)

⁴⁴ Südonou neletao souda vuzülai, daiolouzü neletao nou halia chomoyu phahinou Mai Nahpoutu sü velai.

MATHIU 24:44 Iomraidhean Croise

MATHIU 24:27

Daiolouzü teinghi palonou teipeiyu hai teinghi loulo koute va veyu kua, Mai Nahpoutu veyua sükulai.

MATHIU 24:42

“Südonou, zhaihe-a kholo, daiolouzü neletao nou neletao Mapao hai duki velaisa touyu sümoe.

MATHIU 24:43

Ana haihai sülo, süolouzü ki paopu nanou khei kapha hinou vaoyumai nasü velai touyu hai süyukowo, puhnou kholoua puh kihai panou hrakhaolou laimoe.

MATHIU 25:10

Alia puletao nou hrüloure donou tayu thainou, sheerepu sü vere, alia souda khaitouyu puletao nou puhye koa sheenghiyu nühbuh hi tare, alia kikhusü khure.

MATHIU 25:13

Südonou, zhaihe-a kholo, daiolouzü neletao nou teithe süna moa pha sünasü sümoe.

LUK NOU RÜYU KO AVEIBVÜ 12:39

Ana hainasü sülo, süolouzü hakinou ki paopu nou kakuyu teilecho hinou vaomai nasü velaisa touyu sü raia süe toulouzü, puhnou zhaiheloua vaomai sünaye panou puh ki hisü daokhao loulaimoe.

LUK NOU RÜYU KO AVEIBVÜ 12:40

Neletao-a souda vuzü-a bulo; daiolouzü neletao nou puhye zhikhai moyu teilecho sühinou Mainah Poutu sü velai.”

LUK NOU RÜYU KO AVEIBVÜ 21:36

Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”

PHILIPPIMAI 4:5

Mai hrülaiye panou neletao vei shameayu sü süloukhaio. Mapao thashoa laire.

JEMS 5:9

Athaihou jürai khemai, Ramai nou neletaoye chiku more donou neletao alinou li pei hi nolealeaso; zhukhaio, chiku-apeio sü kikhu hinou la-a bure.

PONGAOPEIYU 19:7

Eletao lesaloua sathailou laikhe ea puhvei adushosü paosho laikhe! Daiolouzü Zhaotu sünavei sheere teilesü veloure, alia puhki verepainou lah puhye donou souda chere.