MATHIU 24:42 - SHEEYU BAIBEL (BSI)

⁴² “Südonou, zhaihe-a kholo, daiolouzü neletao nou neletao Mapao hai duki velaisa touyu sümoe.

MATHIU 24:42 Iomraidhean Croise

MATHIU 24:36

“Ana teithe süna ea pha sünasü Puo likheiwo deinou rakihi rakivamai moa Nahpoutu koutenoua sümoe.

MATHIU 24:43

Ana haihai sülo, süolouzü ki paopu nanou khei kapha hinou vaoyumai nasü velai touyu hai süyukowo, puhnou kholoua puh kihai panou hrakhaolou laimoe.

MATHIU 24:44

Südonou neletao souda vuzülai, daiolouzü neletao nou halia chomoyu phahinou Mai Nahpoutu sü velai.

MATHIU 25:10

Alia puletao nou hrüloure donou tayu thainou, sheerepu sü vere, alia souda khaitouyu puletao nou puhye koa sheenghiyu nühbuh hi tare, alia kikhusü khure.

MATHIU 25:13

Südonou, zhaihe-a kholo, daiolouzü neletao nou teithe süna moa pha sünasü sümoe.

LUK NOU RÜYU KO AVEIBVÜ 21:34

“Ana neletao lesü touzhi, shozhiyu hi ea deiphao hrü hainavei le choroyu hi thoupei khaiwu more donou moa teithe sünasü sho-rüh kua neletao pei hi sükhai moa velou more donou, neletao lah leikei-a bulo;

LUK NOU RÜYU KO AVEIBVÜ 21:36

Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”

ROMMAI 13:11

Süpeinou haihai dai teilechosa touyu süolouzü chu teile hai neletaoye donou zhia buyu hinou kaishuyu pha vuzüre touyu sü neletao nou süwe. Daiolouzü Eletao nou lülourai jünou chunou khailu peiyu hai Eletao hi nghipure.

1 KORINTHMAI 16:13

Leikeilo, lü hinou latoulo, khu veilo ea khou-chilo.

1 THESSALONIMAI 5:6

Südonou kukhemai büa Eletao zhia buwulai mokhe, ana Eletaowo zhaihe-a ea leikei-a bulaikhe.

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

PONGAOPEIYU 16:15

“Zhukhaio! Ewo avaomai ali büa vewe! Maitalinou baitoua talou more ea maiye panou puhvei ahrao buh sü ngaolou more donou zhaihe poa ea puhvei sabanühsü tupoa buyu puhsü rakoveie!”