MATHIU 24:4 - SHEEYU BAIBEL (BSI)

⁴ Alia Jisu nou puletao hi chila peie, “Maitaliye panou neletaoye lawu more donou leikeilo.

MATHIU 24:4 Iomraidhean Croise

JEREMIAH 29:8

Daiolouzü Khoukhoulai Mapao, Israel maivei Ramai nou haibüa paoe: Neletao hrohinou koa buyu rachipaola maitao ae vepare ngaoyu maitaoye panou neletaoye lalouso, ae puletao nou memuyu khesü keiso.

JEREMIAH 37:9

Mapao Enou neletao hisü paopi peiwe, süolouzü Babilon mainou dakhai velai moe tea lah neletaoye lawuso, daiolouzü puletao hai dakhaive vuzülai.

MARK 13:22

Daiolouzü madayu Khristatao ea madayu rachi paolamaitao velai. Puletao nou sheetao ea khupa vahtao soungaoa soulou veilouzü Ramai nou dopalouyu maitaoye-a sümah peilai.

LUK NOU RÜYU KO AVEIBVÜ 21:8

Jisu nou paoe, “Maitaliye panou neletaoye sümahta more donou leikeilo; daiolouzü mai alaosou Azhih hinou taveloua, ‘Esü puh-e!’ alia ‘Teilesü veloure!’ tea paolai. Ana puletao thaifüso.

GALATIAMAI 6:3

Daiolouzü maitalinou haliamo bukhaia puh hai halie tea chuwu louzü, puhsü lahye labaiwe.

EPHESAMAI 4:14

Südonou Eletaowo lah puletao nou chopa louyu do sünanou kukhe maiye sümah sümo peiyu madayu maitao vei doupeiyu teikhai teiteinou hükou-hükhe-a pfüa laiyu nahmaitao büwu laimoe.

EPHESAMAI 5:6

Maitaliye panou neletaoye raohayu chipaonou lawuso; daiolouzü haibüyu vahtao vanou Ramai vei rarouhai paoyu zübayu nahmaitao pei hi vewe.

KOLOSSEMAI 2:18

Maitaliye panou puletao vei zho veishoa ngaowe touyu vanou, alia khao-zhai hinou natai-a hrüyu hrü vanou ea rakivamaiye thoyu vanou neletao vei khailu louyu vei buu nasü saopoa tayu souwuso. Daiolouzü ko lia hazheia haibüyu mainou puletao vasou vei tsüdo hinou khaophu souwe,

KOLOSSEMAI 2:8

Südonou Khrista hinou moa emainou doupeiyu zhai hinou shoshonou lapoa kouyu ea teideiphaoye tukha sahrüyu rakotao hinou vebaiyu emai tsüvei muh hayu dokaina vanou maitaliye panou neletaoye kilai souwuso.

2 THESSALONIMAI 2:3

Hatali hinou maiye panou neleye lawuso; daiolouzü meizaihi thouvuzü laiyu Mai Ashina nou taveloua raia akhai vei reih nasü soubvüro moyu koutesü teithe sünasü velaimoe.

1 JOHAN 4:1

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.