MATHIU 24:31 - SHEEYU BAIBEL (BSI)

³¹ Alia puhnou puhvei rakivamai taoye paiku shoa houyu be khonou pua seivelai, alia puletao nou puhnou dopa louyu maitaoye rateiva akhai polo dova hinou akhai polo koute, deiphao kaihoung dai hinou pove dzülai.

MATHIU 24:31 Iomraidhean Croise

LOUTAO 22:27

Tyahrü hrülai nou Mapao ye sü licholai. Deiphao kainghou veishi hinou hrüyu mai hrülai sü puh hi dakhai velai; tyahrü veishi nou puhye sü tholai.

LOUTAO 67:7

Ramai nou Etaoye ha peie, deiphao mai hrülaiye panou puhye sü tsükhoulo.

LOUTAO 81:3

Khouh ngaorai hi ae khouh toutsü ngaoyu phaki, khonüh nüre donou shabe sü nghoupa peikhaio.

TAPALOUYU 19:16

Teithe asü zhou shona sü teisüre ae teipeivavare, alia deichi vasü teihao nou chaotei touloure, ae shabe khosü chishoa nghoupare, sükukhaie fühao hinou buyu mai hrülai sü ngaopi shoa ngure.

ISAIAH 11:12

Mapao nou tyahrütao hi panou sheeloure donou sahra pola peilai, sübüa puhnou tutayu Israel maiye sü save jüpeilai, alia Judah hinou porarou ta-a buyu maikhe maiye sü deiphao kainghou adai hinou save jüpeilai.

ISAIAH 13:5

Puletao hai tyadei adoukou nou velouwe, ae teidei akhai hinou vewe. Mapao nou puh vei lekha rarou hinou tyadei teitei sü souhawure donou veloure.

ISAIAH 27:13

Süzhou teithe sü shabe houpoa Assaria teidei hi ho hrütayu maitao ae Ejipt teidei hinou ho hrütayu maitaoye sü kudakhai loulai, alia puletao nou sheeyu deichi Jerusalem hinou ve Mapao ye sü tholai.

ISAIAH 42:10

Mapao hi lou ashu ali soukhaio, deiphao hi hrüyu mai hrülai puhye paosholo! Zai hinou ta-a buyu ae sühinou hrüa buyu veishi puhye paosho khaio, zai pehao hinou buyu mai hrülai ae kadou kounou hrüyu mai hrülai puhye lou sousho khaio!

ISAIAH 43:6

Enou teibekou hisü, ‘Puletaoye phapeio’ tea paopeilai, ae teizükou hi ‘Puletaoye nükhaiso, phapeio’ tea paopeilai. Adou kounou hrüa buyu avei maitao ae deiphao akhai hinou buyu khesü panou ki hi dakhai veloulai.

ISAIAH 45:22

“Deiphao hi hrüa buyu mai hrülai, Ahi dakhai velo ae khailulo! Daiolouzü E likhei Ramai sü baie.

ISAIAH 49:18

Ne pei pfüla loua zhuhaove khaio, nevei maitao sü tave jüloua ki hi veloure! E hai hriyu Ramai chekhaoyu thaipfüa nenou nevei maitao donou khaophu soulai, nghire naotumai ali nou zhusana tutoupfüa khaophu souyu büa ne-a khaophu soulai.

ISAIAH 60:4

Neletao nghithou hrüpa zhukhaio, neletao vei maitao hai ki hi dakhai vere donou vejüa bure! Neletao vei nahpoutu khesü kadouyu hinou velai, ae neletao vei nahnaotumai khesü daopfü poa ve peilai.

DANIEL 7:2

Enou zhia buyu phaki, avei zho kounou deiphao kainghou adai hinou teikhai sü hüpoa ve zaidu dzü sü hülüa ngaoe.

ZEKHARIAH 14:5

Mapao vei deichi ahai soua dakho khaitouyu deikho hinou neletao nou turei paloulai. Judah hi veo Uzziah nou veo soua buki neletao puopao maitao nou nüsüyu phaki, tupa louyu büa panou neletao-a tupa loulai. Süthaisü Mapao, avei Ramai nou rakivamai hrülaiye sü saloua velai.

ZEKHARIAH 2:6

Mapao nou puh maitao hisü paoe, “Tave lourao, tave lourao, Babilon hinou tupa lourao; daiolouzü Enou neletaoye sü deiphao kainghou adai hisü hupo rarou laipeiwure.

ZEKHARIAH 6:5

Puhnou haibüa chila peie, “Haitao adai hai deiphao teitei hi Mapao vei nghoujü nou tapayu teikhai taoe.”

ZEKHARIAH 9:10

Mapao nou paoe, “Ephraim hi reih souyu rheiluki nasü Enou polaiwulai, alia Jerusalem hi rheitao sü polaiwulai; reih poa souyu voulou khesü soushilai. Neletao vei veo nou tyahrütao hisü kaonayu pove peilai; puhvei vedei hai zai li hinou zai lihi koutelai, Euphratis rei hinou poa teidei akhai hi koutelai.”

ZEKHARIAH 9:14

Mapao nou puhvei maitao hisü veloulai, alia puhvei loushu nasü teireiyu büa kalai. Ramai Mapao nou besü houpoa khelo nou teikhai-teirü ye koa savelai.

MATHIU 13:41

Mai Nahpoutu nou puh vei Vedei hinou maikhe maiye mah southou peiyu maitao ea kukhe vahshi souyumai hrülaiye podzü loure donou puh vei rakivamaiye seitalai,

MATHIU 24:22

Alia teithe sütaohai soujü peimo louzü, maili koutea khailulou hoe; ana dopa louyu puletaoye donou teithe sütaosü soujüwulai.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MATHIU 24:32

“Doushibe hinou puhvei nada nasü doulouwo. Puhvei botaonou ngupaloua sünghoutao lapayu kisü neletao nou hou ngheire touyu sülouwe.

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

MARK 13:27

Süthaisü puhnou rakivamai taoye deiphao kainghou adaihi seita-a panou deiphao akhai alilova nou alilova koute hinou puhnou dolouyu maitaoye podzülai.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

JOHAN 11:52

alia tahrüh süna likhei donou bailaimoe, ana vakounou raroua buyu Ramainah taoye alikhei soua pove dzüre donoue.

ROMMAI 10:18

Ana Enou noue: Puletao nou chipao süsü choumoe touyu sü chechewu? Cheche-a puletao nou chouloure daiolouzü sheeyu larübvü nou haibüa paoe: “Puletao paisü deiphao teitei hi hotere, alia puletao chipao sü deiphao akhaihi veloure.”

1 KORINTHMAI 15:52

katou hinou, nghiphei alikho hinou, bekho nakaiyu na hinou datakhailai. Daiolouzü be houpayu kisü, thaimaitao sü ha-ka khailai moyuhi hrishulai, alia Eletao hrülai sü data bailai.

EPHESAMAI 1:10

Teile kaovei hinou Ramai nou souche peilaiyu puhvei souda haina hai Khristaye panou pei hi buloua puh phihi raki ea deiphao hi buyu basha teiteiye pove khaipeire sünasüe.

PAODAKHAIYU CHIKHA 30:4

Neletaoye deiphao kai dukayu buh hi nüpoho khaitouyuma, buh sühinou neletaoye Ramai Mapao nou podakhai ve peilai.

PAODAKHAIYU CHIKHA 4:32

“Raichoki, neletaoye nakou mojü, Ramai nou deiphao maiye soupeiyu teithe hinou poa ae raki alilo vatha nou alilo vatha koute hisü haibüa khupayu vepaho vepamo hige moa chouho choumo hige touyu sü noukhaio.

1 THESSALONIMAI 4:16

Sükisü Mapao puhsü chikha peiyu pai-rao sünaye koa, alia rakivamai peichana vei pai naye ea Ramai vei bekho sünaye koa raki vanou takoulai. Alia sükisü Khrista hinou thaitayu khemai sütaonou raia hrishulai;

2 THESSALONIMAI 2:1

Thaihou jürai khemai, chuo Eletao Mapao Jisu Khrista veyu ea puhye ve daore donou Eletaoye pove dzüloure süna vanou Ehnou nele hinou khowe,

EBRIAMAI 12:19

be houngyu kho ea maikhe mainou chouloua chilia paopu khaiso tea khoyu lapai süna buyu Sinai Deichi sühi neletao tavemoe,

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 7:1

Haina thaisü rakivamai adainou teikhaiye panou deiphao hi, zai hi moa süübe tali vahi hükhai more donou deiphao kaihoung adai hinou la-a deiphao vei teikhai adaiye keipoa buyu sü Enou ngaoe.

PONGAOPEIYU 8:2

Sükisü Ramai nghojünou la-a buyu rakivamai anaiye Enou ngaoe, alia puletao hisü be anai peire.