MATHIU 24:3 - SHEEYU BAIBEL (BSI)

³ Alia Jisu nou Oliv deichi hi pa bulouyu kisü rozümai taonou kheia puh hi taveloua paoe, “Haitaohai duki palai, alia ne velaiyu shee ea akhai vei shee dainoulai? Eletao hi paopeio.”

MATHIU 24:3 Iomraidhean Croise

MATHIU 13:36

Jisu nou maisouye thaowu-a kikhahi talouyu kisü, puh rozümaitao nou puh hi taveloua paoe, “Ehye douhi khataovei nada navei kosü paosheengao peio.”

MATHIU 13:49

Südonou akhai teitheki-a sübülai; rakivamaitao nou tapaloua maishitaoye acheche maitao hinou lupawulai,

MATHIU 15:12

Süthaisü rozümai taonou puh hi taveloua paoe, “Nenou paoyu haina vanou Phariseemai taohai phi süloure touyu ne süsümoe?”

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MATHIU 17:19

Süthaisü rozümai taonou Jisu hi kheia taveloua puh hinou noue, “Daidonou Ehnou rashinaye hupalou howe?”

MATHIU 21:1

Alia Jisu ea puh rozümai taonou Jerusalem hi takou ngheiyu kisü Oliv deichi hi buyu Bethphage nuhduhi tave loure. Sühinou Jisu nou rai-a rozümai ahaiye seitare,

MATHIU 24:27

Daiolouzü teinghi palonou teipeiyu hai teinghi loulo koute va veyu kua, Mai Nahpoutu veyua sükulai.

MATHIU 24:30

Süthaisü ratei hinou Mai Nahpoutu vere shee nasü ngaolai, alia süthaisü deiphao hi Tahrüh khemai hrülainou khao khoulai, alia puletao nou Mai Nahpoutu nou khouko ea dushoyu khouko-ava nou pu raki teihao peinou taveyu sü ngaolai.

MATHIU 24:37

Noha teileki payu büa Mai Nahpoutu nou veyu-a sübülai.

MATHIU 24:39

alia dzüdu sünanou veloua puletao hrülaiye dupoa tamosa sü puletao nou süloumoyu büa Mai Nahpoutu nou veyua sübülai.

MATHIU 24:43

Ana haihai sülo, süolouzü ki paopu nanou khei kapha hinou vaoyumai nasü velai touyu hai süyukowo, puhnou kholoua puh kihai panou hrakhaolou laimoe.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

LUK NOU RÜYU KO AVEIBVÜ 21:7

Alia puletao nou puh hi noue, “Dou-apeio, sütaosü duki palai? Alia süna palaire touyu kisü dai shee soungaolai?”

SEI-ATAMAI VAHTAO 1:7

Jisu nou puletao hi paoe, “Apuonou lah puh mado hinou dadekhai touyu pha moa khou-teile sü neletaoye donou süre phamoe.

EBRIAMAI 9:26

daiolouzü, puhnou sükua soure toulouzü puhsü deiphao soushu rainou vuh alao vea pokou vuzülai. Ana chuwo maihrü teitei akhai soulouyu kihinou lah puhye posheelayu hinou mah souhawure puhnou teisavei donou vuh likheithe talou peire.