MATHIU 24:29 - SHEEYU BAIBEL (BSI)

²⁹ “Veahoyu teithe sütao thaibü hisü teinghi-a zhitalai, khou-a vakhai laimoe, alia teivuh tao-a ratei hinou dekoulai, alia rateihi buyu khouko teitei-a puletao vei buh hinou huta bailai.

MATHIU 24:29 Iomraidhean Croise

KOPAODOUWO 12:2

Khouh teinghi ae ava, alia teivuh haitao zhitamo jünou alia teihao nou teiro thai khaivemo jünou;

ISAIAH 13:10

Süzhou teithe sü teihi vutao ae rakiva ava khesü puletao vei ava sü vapeipu laimoe, teinghi-a zhitei tabailai ae khouh-a vamo ta-a bailai.

ISAIAH 24:23

Süthaisü khouh nou zhita bailai, ae teinghi-a vamo ta-a bailai, daiolouzü Khoukhoulai Mapao nou Jerusalem hi buyu Zion deichi vanou veo soua puhnou khosa-a hrülai, alia maikhe mainou puhvei khouko ava sü ngaolai.

ISAIAH 34:4

Rakiva buyu khouh teinghi ae teivu khesü dekou ta-a bailai, ae raki teidei sü larükao ali büa zhaota-a bailai, alia rakiva buyu teivu khesü darkhabe vanou moa doushibe vanou süünghou raitayu büa raita-a bailai.

JOEL 2:10

Puletao nghoujü nou deiphao sü ngure, ratei-a shire. Teinghei alia khouh sü zhitare, alia vu hai-a vamo tare.

JOEL 3:15

Teinghi alia khouh sü zhitare, alia teivutao hai-a vamo tare.

AMOS 5:20

Mapao vei teithe hai ava na moa nou azhi baimowu, alia vayu ha-a küzhiyu bai mowu?

AMOS 8:9

Mapao Ramai nou paoe, “Süzhou teithe sü heako nou pa teinghi loutalai, alia hea teiva shoyu teile hinou pa teimai ta-a bailai.

MATHIU 24:21

Daiolouzü teideiphao soushu rainou chu koute pakhai moyu moa thaikhai koutea pakhailai moyu adudulai pihiyu nasü ve daolai.

MATHIU 24:8

Ana haitao teitei hai veahore shurai nasüe.

2 PITAR 3:10

Ana Mapao vei Teithe hai avaomai kua velai. Teithe sükisü rakitaosü kho chihshoyu alinou koa habailai, ratei hi buyu nataosü meisou hinou chahalai, alia deiphao ea sühi buyu nateitei habailai.

PONGAOPEIYU 8:12

Süthaisü rakivamai adai chenanou puh besü houng-e. Alia teinghi, khouh ea teivuh taoye zha asü hinou zha liye sü dapeire, alia sübüyu vanou sütao vei avasü zha asü hinou zha lisü maitare; alia heako zha asü hinou zhali ea kheikou-a sübüa zha asü hinou zha lisü vakhai more.