MATHIU 24:24 - SHEEYU BAIBEL (BSI)

²⁴ Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MATHIU 24:24 Iomraidhean Croise

ISAIAH 9:15

Tsümai ae khuhao-a buyu maitao hai pei-e alia dayu hinou dou-apei rachipaola maitao nou mi-e.

MATHIU 22:14

Alia Jisu nou khaisoua paoe, “Mai alaoye kue, ana mai daotua doloubaie.”

MATHIU 24:11

Alia dayu rachi paolamai alaosou palai ea maitaoliye süthai malai.

MATHIU 24:22

Alia teithe sütaohai soujü peimo louzü, maili koutea khailulou hoe; ana dopa louyu puletaoye donou teithe sütaosü soujüwulai.

MATHIU 24:25

Zhukhaio, Enou neletao hi raia paokhai peire.

MATHIU 24:31

Alia puhnou puhvei rakivamai taoye paiku shoa houyu be khonou pua seivelai, alia puletao nou puhnou dopa louyu maitaoye rateiva akhai polo dova hinou akhai polo koute, deiphao kaihoung dai hinou pove dzülai.

MATHIU 24:5

Daiolouzü ‘E hai Khristae!’ tea paoa mai alaonou Azhih hinou velai ea mai alaoye puletao nou süthai mahwulai.

MATHIU 7:15

“Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie.

MARK 13:22

Daiolouzü madayu Khristatao ea madayu rachi paolamaitao velai. Puletao nou sheetao ea khupa vahtao soungaoa soulou veilouzü Ramai nou dopalouyu maitaoye-a sümah peilai.

LUK NOU RÜYU KO AVEIBVÜ 18:7

Alia Ramai-a puh hinou kheihea khoa buyu puhvei dopalouyu maitaoye donou khüh phoupeilai mowu? Puhnou puletaoye soukhare hisü shoshosoua bailaiwu?

JOHAN 4:48

Jisu nou puh hi paoe, “Nelenou sheetao ea khupa vahtao ngaomo sasü louchekhai laimoe.”

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:39

Alia Eye seive peiyu puh leli nasü hainae, süolouzü puhnou Ahi peikhai touyu teiteisü Enou halia souhawu laimoe, ana akhai teitheki sütaoye panou hrishu loulai.

SEI-ATAMAI VAHTAO 20:16

Daiolouzü Paul nou Asia hinou bua teile souha pumore donou Ephesa tachopoa taloure donou le laloure; daiolouzü puhsü soulou veilouzü Pentekos teithe kisü Jerusalem hi buloure donou thashoa tawe.

ROMMAI 12:18

Neletao hilonou soulou veisa ha teitei hinou mai hrülaiye koa kaona-a hrülo.

GALATIAMAI 4:15

Neletao vei sashoyuhi dai pare? Daiolouzü sükisü soulouveie toulouzü neletao nou lah neletao vei nghithou koute-a reila paloua Ahi peiloure büa bue touyu sü Enou neletao vanou zhopaoh peilou süe.

PAODAKHAIYU CHIKHA 13:1

“Neletao hrohinou rachipaola mai moa vepare hai mekou nou süngao pei-a alia neletao hi khupayu shee soungao-a moa paongao-a

2 TIMOTHI 2:19

Sütoukhaia Ramai nou soushupa khaitouyu kifü sünawo louzü soukho louhoe; alia süpei hisü sükua paoshee soukhaitoue: “Mapaowo nou puhmai soua buyu taoye sü süwe” ea “Mapao vei zhih ku-a buyu maitalinou ashi soua buyu hinou tarei talou vuzülai.”

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

2 PITAR 3:17

Ana Asakhemai, neletaowo haisü rai-a süloure. Südonou neletaoye zhai hayu maitao vei kao-zü moyu sünanou süthaipoa talou more donou ea chu neletao vei khailu louyu buh haina hinou kaotalou more donou, neletao leikei-a bulo.

1 JOHAN 2:18

Anah khe maitao, haisü akhai teilecho nare! Alia Khristaye ngaobanasü velai touyu sü neletao nou choulouyu sübüa, chuo Khristaye ngaobamai alaosoua veloure; südonou haisü akhai teilecho nare touyu sü Eletao nou süre.

1 JOHAN 2:22

Sübülouzü dayu nasü thaoh-e? Puhsü Jisu hai Khristae touyu bayu nasüe. Sübüyu mainasü Puo ea Nahpoutuye bayu Khrista vei ngaobamai sünasüe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.