MATHIU 24:11 - SHEEYU BAIBEL (BSI)

¹¹ Alia dayu rachi paolamai alaosou palai ea maitaoliye süthai malai.

MATHIU 24:11 Iomraidhean Croise

MATHIU 24:12

Alia ashinou pusho tayu vanou, mai alaovei leshahai kaorou talai.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MATHIU 24:5

Daiolouzü ‘E hai Khristae!’ tea paoa mai alaonou Azhih hinou velai ea mai alaoye puletao nou süthai mahwulai.

MATHIU 7:15

“Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie.

MARK 13:22

Daiolouzü madayu Khristatao ea madayu rachi paolamaitao velai. Puletao nou sheetao ea khupa vahtao soungaoa soulou veilouzü Ramai nou dopalouyu maitaoye-a sümah peilai.

SEI-ATAMAI VAHTAO 20:30

Alia lah neletao hrohinou lüloumai taoye süthaiku paloua panou puletao thai füloure donou amada chi paore mai kamaia palai.

1 TIMOTHI 4:1

Rakonou dukhea-a paowe süolouzü naki teile hisü mai kamaisü puletao vei lü nasü thaowulai, alia madayu rako khemai chi züa puletao nou rashitao nou doupeiyu thaisü fütalai.

2 PITAR 2:1

Dao raichoki maikhemai hrohi amada rachi paolamai ve-e, alia sübüa amada dou-apeimai hai neletao hrohi velai. Puletao nou kheikhei soua hakalou vei cheche moyu doupeiyu sü poveloua puletaoye khailupa peiyu Mapaoye sü motoulai, alia südonou puletao nou lah puletao pei hi sü thashoa hakayu povelai.

1 JOHAN 2:18

Anah khe maitao, haisü akhai teilecho nare! Alia Khristaye ngaobanasü velai touyu sü neletao nou choulouyu sübüa, chuo Khristaye ngaobamai alaosoua veloure; südonou haisü akhai teilecho nare touyu sü Eletao nou süre.

1 JOHAN 2:26

Chi haisü Enou neletao hi neletaoye laloure te-a buyu puletao vanou rüwe.

1 JOHAN 4:1

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.

JUD VEI SEIKO 1:4

Daiolouzü daorainou Ramai nou moe tea mah dukhaiyu, Ramaiye sümoyu puletao vei khu-lou vah donou Eletao Ramai vei zhuvea paomah-paomo peiyu, alia Eletao vei likhuyu Dou-apeio ea Mapao Jisu Khristaye pobayu mai kamaisü kheia Eletao hrohi velou loure.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.