MATHIU 23:8 - SHEEYU BAIBEL (BSI)

⁸ Ana neletaowo louzü panou ‘Dou-apeio’ tea kuwuso, daiolouzü neletao vei ‘Dou-apeio’ alikhei bubaie, alia neletao hrülai hai thaihou jürai baie.

MATHIU 23:8 Iomraidhean Croise

MATHIU 10:25

Südonou doumai alihai puhvei dou-apeio bülouzü khabaie, alia kilai alihai puhvei paopu bülouzü khabaie. Ki paopuye puletao nou Beelzebul tea kulouzü, daizhozhou koua puletao nou puh kikha maitaoye shishoyu zhihnou kulaisa!

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MATHIU 23:10

Moa neletaoye panou ‘Paopu’ tea kuwuso, daiolouzü neletao vei paopu hai Khrista likhei baie.

MATHIU 23:7

alia maikhe maiye panou puletaoye hupobuh khonou khurüyu ea ‘Dou-apeio’ tea kuyu puletao nou züpae.

MATHIU 26:25

Puhye shoh soupeiyu Judas nou paoe, “Dou-apeio, haihai Ewu?” Jisu nou chila peie, “Nenou paopawure.”

MATHIU 26:49

Alia puhnou Jisu hi thalasou takouloua paoe, “Khurüwe, Dou-apeio,” alia sübüa puhye kou münou mue.

MARK 10:51

Jisu nou puh hi noue, “Eye panou neye donou dai soupei nüwe?” Nghicha pounanou puh hi chila peie, “Dou-apeio, Eye panou Anghi ngaoloukhaio.”

MARK 11:21

Alia Pitar nou raia payu nasü licholoua Jisu hi paoe, “Zhukhaio, Dou-apeio, nenou chapeiyu doushibe nasü thaire!”

MARK 14:45

Judas nou veloulou bükhaie, puhnou Jisu hi takouhaloua paoe, “Dou-apeio!” alia puhye münou mue.

MARK 9:5

Alia Pitar nou Jisu hi paoe, “Dou-apeio, Eletao nou buh haihi buyu hai daizhozhou veisa! Eletao nou repao asü, neye donou ali, Moses donou ali, alia Elijah donou ali soupeilai.”

LUK NOU RÜYU KO AVEIBVÜ 22:32

ana nevei lüsü panou hata more donou Enou neye donou veachi paopeire. Alia nenou Ahi khaive puyu kisü, ne thaihou-jürai taoye soutsü peikhaio.”

JOHAN 1:38

Jisu nou thailo reiveyu kisü puhai nou puh thai fülaiyu ngaoloua puhaihi noue, “Nehai dai phouwe?” Alia puhai nou puh hi chila peie, “Rabbi” (süolouzü Dou-apeio toue), “Ne dai kinou bue?”

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 11:8

Rozümai taonou puh hi paoe, “Dou-apeio, zhovubü hinou Jihudimai taonou neye chuhnou deire donou phoua bue; alia newo sühi tapukhai laihiwu?”

JOHAN 20:16

Jisu nou puh hi paoe, “Meri!” Puhnou reiveloua puh hi Ebriamai lanou paoe, “Rabboni!” (Süvei kowo louzü Dou-apeio touwe.)

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 3:26

Alia puletao nou Johan hi taveloua puh hi paoe, “Rabbi, Jordan rei teinghi palova hinou neye koa buyu alia puh vanou nenou zhopaoh souyu mai sünasü buh haihinou dzükhao dapeia bue, alia mai hrülaisü puh hi tavekhai baire!”

JOHAN 4:31

Süphabü hinou rozümai taonou puh hinou khoa paoe, “Rabbi, potouwuwo!”

JOHAN 6:25

Puletao nou zai polo dova hinou puhye tave ngaolouyu kisü, puletao nou puh hi paoe, “Rabbi, ne dukinou buh haihi velou loue?”

JOHAN 9:2

Alia puh rozümai taonou puh hi noue, “Rabbi, mai haina nghicha-a nakouyu hai thaoh mah-e, mai haina mah ho, puh pfüpuo mah-e?”

2 KORINTHMAI 1:24

Haisü Ehnou neletao vei lü pei hi paopu sounüyu donou moe; neletao lesare donou Ehnou neleye koa vah soubaie, daiolouzü neletao hai neletao vei lü hinou latoua bure touyu sü Ehnou süwe.

2 KORINTHMAI 4:5

Daiolouzü Ehnou lah Eh vanou paodoumoe, ana Ehnou Jisu Khristaye nou Mapaowo süe tea paodoue, alia lah Ehye nou Jisu vanou neletao kilaitao tea paowe.

EPHESAMAI 3:15

puh hinou rakihi ea deiphao hi buyu kikhamai hrülainou puletao vei checheyu zhih nasü ngaoloue.

PHILEMON 1:16

Alia chuwo puh hai qila likhei baimore, ana qila ali jünou koushore: puh hai Khrista hinou leshiyu thaihou jürai ali souloure. Daizhozhou puh hai Eye donou koshosa! Ana koulih soua puh hai pfüphao hilonou ea Mapao hinou daizhozhou neye donou veikousa.

JEMS 3:1

Athaihou jürai maitao, neletao mai poulo nou dou-apeimai souwuso, daiolouzü kukhe maiye jünou Eletao dou-apei maiye nou tatei koushoa chikulai touyu sü neletao nou süwe.

1 PITAR 5:3

Neletao bah hi thaothou peikhai touyu maitao pei hisü tukha-tudeire donou tewuso, ana zhaokho hisü zhai aveinou soungaokhaio.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 19:10

Sühinou Esü puhye tholoure donou puhphi hinou kou kaoloure. Ana puhnou Ahi paopeie, “Nenou, haibüa souwu laimoe! E-a neye ea Jisu vei zhopaoh soua buyu ne thaihou jürai maitaoye koa kilai souyu maibaie. Ramaiye tholo!” Daiolouzü Jisu vei zhopaoh sünawo louzü rachi paola payu vei rako sünasüe.

PONGAOPEIYU 22:9

Ana puhnou Ahi paoe, “Nenou süsü souwu laimoe! Esü ne, ne thaihou jürai rachi paolamaitao ea larübvü hainavei chipaotao züa buyu puletaoye koa kilai souzhoyu mai alibaie. Ramaiye tholo!”