MATHIU 23:39 - SHEEYU BAIBEL (BSI)

³⁹ Daiolouzü Enou neletao hi paoe, ‘Mapao zhih hinou taveyu puhsü rako veie,’ tea neletao nou paomo koutesü neletao nou Eye ngaopukhai laimoe.”

MATHIU 23:39 Iomraidhean Croise

LOUTAO 118:26

Mapao vei zhih hinou taveyu maiye sü Ramai panou hapeiyu sü soulo! Mapao vei Rathoki hinou neletaoye sü Etao nou shiha peiwe.

HOSEA 3:4

Sübüa Israel mainou teile taoli vemai ha-a hrülai, alia rahzhu souloua posheelayu alia chuh shulahloua thoyu sü soulai moe, alia pou-vah soulai moe.

ZEKHARIAH 12:10

“Enou David tyaonahtao hi alia Jerusalem hi hrüa buyu mai teitei hisü zhuveayu ae maiye leshiyu rako nasü thoupeilai, sübüa puletao ye panou puletao nou southa khaitouyu mai naye zhuloua lah puh nah ali khei buyu na thaiyu büa dopfülai, alia nah narai na thaiyu büa shusoua koulilia kralai.

MATHIU 21:9

Alia Jisu thai-jü hinou ta-a buyu maisou taonou shusoua raoe, “David Nahpoutu hisü Hosana! Mapaowo zhih hinou velouyu puh hai rakoveie. Aku kulaiwo hisü Hosana!”

LUK NOU RÜYU KO AVEIBVÜ 17:22

Süthaisü puhnou rozümai taohi paoe, “Neletao nou Mai Nahpoutu vei teile li ngaonü shoyu phasü velai, ana neletao nou süsü ngaolai moe.

JOHAN 14:19

Phajü thaisü, deiphao mainou Eye ngaopukhai laimoe, ana neletao louzü Eye ngaolai; daiolouzü Enou hriyu donou, neletao-a hrilai.

JOHAN 14:9

Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 8:21

Jisu nou puletao hi paopukhaie, “E talai, alia neletao nou Eye phoulai, ana neletao hai neletao mah hinou thailai, Enou tayu buh hisü neletao velou hoe.”

JOHAN 8:24

Südonou neletao hai neletao mah hinou thailai tea Enou paoe; daiolouzü ‘E-e touyu puhsü E-e’ tea neletao nou louche molouzü neletao vei mah hinou neletaosü thailai.”

JOHAN 8:56

Neletao puo-pao Abraham nou Ateile nasü ngaolai tea lesae, puhnou sünasü ngaoloue ea le sashoe.”

ROMMAI 11:25

Athaihou jürai maitao, Enou neletaoye panou kheitsü haina hai sülounüwe, daiolouzü hainanou neletaoye lah neletao hai daizhozhou tsü veisa tea choyu hinou soukhai peilai. Süolouzü Israel maitao nou le khouyu hai teisa donou laimoe, ana tahrüh kukhemai maipei teiteinou Ramai hi vechemo koute likhei bailai.