MATHIU 23:37 - SHEEYU BAIBEL (BSI)

³⁷ “Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puh soukhenou bvüpeiyu kua Enou ne nahmaitaoye pha kasho koute tobai soumoa bvüpei nüsa, ana nenou bae!

MATHIU 23:37 Iomraidhean Croise

NEHEMIAH 9:26

“Ana nevei maitao nou ne chi züba-a khaityare; puletao nou nevei Chikha khesü thaifü bare. Ne hi dakhai velo tea puletao hi paopi peiyu nevei rachipaola peiyu maitaoye sü puletao nou datha peie. Puletao nou neye sü tobai soumoa paoshi peie,

LOUTAO 17:8

Soutaosoua Eye zhutoua kho peio, nevei shouh khe hinou Eye poku peio,

LOUTAO 36:7

Oh Ramai, nevei tobai soumoa leshi peiyu nasü daizhou koute muhtei-e! Etao nou nevei shouh khe hinou bailouyu buh nasü ngaoloue.

LOUTAO 57:1

Eye zhuvea peio, Oh Ramai, Eye zhuvea peio, daiolouzü Enou ne hinou tave bai loure donou vewe. Teikhai teirü ashi chemo koute Enou nevei shouh khe hinou baichao loulai.

LOUTAO 63:7

daiolouzü nenou Eye sü teisa nou soukha peie. Nevei shou khevai nou Enou asayu lou soua bulai.

LOUTAO 91:4

Puhnou neye puhvei shouh nou hopeilai; puhnou neye kiko peilai; puhvei chilee checheyu sünou neye khopeilai ae vupa peilai.

ISAIAH 5:4

Enou darkha kipei donou soupei chemoyu dai bue? Enou rashithou aveih shipei shulai tea kho-a bukhai-e, daidonou rashithou ashi tyanou shi-a baiwe?

ISAIAH 50:2

“Daisounou, E veyu phaki mai ali-a habaige? Enou kuyu phaki, daisounou mai ali-a Eye chila peimoe? E lülou holeyu donou neletaoye khailupa peilou hovu? Zhukhaio, Enou kharochi peikhai-e, zai dzü sü theta-a baiwe, südonou kha khesü dzü hayu donou thaitare, ae reidzü sü radeiki data-a baiwe.

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 26:23

Puletao nou Ejipt hi ve Uriah ye sü nüloua Veo Jehoiakim hi save peire, ae puhye southawua puhvei thaiphao hai maisouye daovuyu buh hi laikhai peie.)

JEREMIAH 32:31

Nuhdu hai hi maitao nou nuhdu soushu louyu teithe hinou poa avei lekha rarou soupa koute bubaie. Südonou nuhdu hai nasü souhawure donou ale laloure,

JEREMIAH 35:15

Enou avei kilai rachipaolayu maitaoye neletao hi seive koute peie, ae puletao nou neletao hi vah ashi souyu khesü thaowua kaozü nasü soulo tea paopeie. Enou neletao vei puopaoh maitao hi peikhai touyu teidei hi teisa buloure donou puletao nou neletao hi rah kukheye thoso ae puletao vei kuvah souso tea paopi peie. Ana neletao nou achi sü keipei bare ae popei bare.

JEREMIAH 36:26

Süthaisü veo nou puh nahpoutu Jerahmeel, Azriel nahpoutu Seraiah ae Abdeel nahpoutu Shelemiah puletaoye nou Eye alia avei larü rü-apeio Baruk ye nülo tea kharochi peie, ana Mapao nou ahai ye poku peie.

JEREMIAH 4:14

Oh Jerusalem, nevei tsüle hinou hashi khesü dzükhü laiwu-o, süku louzü ne khailu louyu ngaoloulai. Teile kasho koute ne sü mah vei tsücho-a bulaige?

JEREMIAH 44:4

Enou tobai soumoa neletao hi avei kilai rachipaola maitaoye seive Enou ngaorayu vah haso soupfüso tea paopeie.

JEREMIAH 6:8

He Jerusalem hi maitaore, veahoyu haitao ngaoloua ne piyu soulo, sübülou molouzü Enou neletaoye thaowulai; Enou neletao vei nuhdu sü radeiki hi soudathou khaiwulai, ae maiye panou hrülou shiyu teidei ali soupeiwulai.”

HOSEA 11:2

Enou chuo puletaoye kupu khaige, puletao hai Ahinou tadou pu ta-a baire; puletao nou Baal ye sü posheela peipua baire, alia basharaye sü kainüvei nou meidei peia tho baire.

HOSEA 11:7

Amaitao hai ahinou turei talai tea tetei lou baire, südonou puletaoye pa kou süyu pfülai, puletao nou pfüyu kou nasü mai linoua pokouh peilou hoe.

HOSEA 7:13

“Puletaoye sü panou veatheo, daiolouzü puletao nou ahinou tarei tare! Puletaoye sü pa hatheo, daiolouzü puletao nou Eye ngaopi moa dure! Enou puletaoye vupa peinüwe, ana puletao nou da-a Eye paoshia laibaire.

ZEKHARIAH 1:4

“Neletaowo neletao puopao maiye raiso. Puletao hi rachi paola peiyu mainou haibüa paopeie: Hrü ashi ae mah hinou hrüpu khaiso. Ana puletao hai süsü choubare, tea Mapao nou paoe.

MATHIU 22:3

Puhnou rai-a sheenghiyu vaibuh hi kukhai touyu shemaitaoye kuloure donou puh kilaitaoye seitae, ana puletao nou venükhai more.

MATHIU 22:6

kukhemai taonou puh kilaitaoye niloua dapeire ea southeare.

MATHIU 23:30

alia neletao nou paoe, ‘Eletao hai Eletao puopaomai teile phahinou hrüa buyukowo, puletao nou rachi paolamai taoye southeayu hi koa lou zhangaozho paimoe.’

MATHIU 23:31

Südonou neletao nou neletao hai rachi paolamai taoye southeayu maitao vei nahmaitaoe touyu hai lah neletao-a aetouwe.

MATHIU 5:12

Va-salo, daiolouzü neletao vei buusü raki hinou dusho-a bue, daiolouzü süzhai bütoua neletao jünou rai-a hrüyu rachi paolamai taoye maikhe mainou souvea-souho peie.

LUK NOU RÜYU KO AVEIBVÜ 15:28

“Ana puhsü rarouloua kihi talou bare. Südonou puhpuonou vakouhi tapaloua puhye kihi talou loure kukhai kukhai loure,

1 THESSALONIMAI 2:15

Pule Jihudi maitao nou Mapao Jisu ea rachipaola maitaoye southea-e, alia Ehye souveasho peiwu-a hutare. Daizhozhou puletao nou Ramai züphi sousa! Daizhozhou puletao nou maikhe maiye ngaobasa!

PONGAOPEIYU 17:6

Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.

RUTH 2:12

Nenou soukhai touyu nasü Mapao panou shiha peitheo, alia nenou Israel Ramai hi, puhvei shouh khenou bailoulai teanou veyu hai, Mapao ye panou chekho tea shiha peiyusü souloutheo.”