MATHIU 23:35 - SHEEYU BAIBEL (BSI)

³⁵ Sükuyu vanou mah hayu Abelye southeayu hinou shua neletao nou Rathoki ea posheelabuh kole hinou southeawuyu Berakia nahpoutu Zakaria vei zhe koute mah hazheia deiphao hi zhe kükouyu mai hrülaivei tudee hai neletao pei hi velai.

MATHIU 23:35 Iomraidhean Croise

SHURAI 4:8

Kain nou puh thaihou Abel ye “Ahai koa douhi taho laikhe” tea kuloue. Alia puhai nou douhi bua bukinou Kain nou puh thaihou Abel ye sü dathare.

2 VEMAITO 21:16

Manasseh nou mah lia hayu mai taoli hai southa peie, sübüa Jerusalem vei duvatao hisü zhe nou küre; puhnou Judah maiye mah hi süthaithou panou basharataoye thota-a Mapao hinou mah souyu pei hinou puhnou haibüa soupeie.

2 VEMAITO 24:4

ae matsü tsülai soua puhnou mah ali-a hayu maitaoye southayu donou hai khesü panou vepare. Manasseh nou soukhai touyu mah haisü Mapao nou khaipeilou hore.

ISAIAH 14:21

Mah souyu donou puletao panou deiphao hisü hrüpulai moe alia deiphao hinou nuhdu khesü panou soupapu laimoe.”

ISAIAH 26:21

Deiphao mainou mahmo souyu donou puletaoye takou tudeire donou Mapao sü rakiva puh buh sü thao-a tapare. Deiphao hinou maiye southayu maisü pongao peilai, ae southa khaitouyu maikhesü dei nou pokupu lou laimoe.

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 2:34

Neletao vei sabanü vasü mai ashi maivei zhe moa mai aveih mai ae touha soha mai zhe nou dana khai toure. “Ana haibüa buyuma,

JEREMIAH 26:15

Ana haisü sütou toulo: hakinou neletao nou Eye southa louzü, neletao ae nuhdu hai hi hrüyu maitao sü mah hayu maivei zhe soukouyu vei mah sü pfülai, daiolouzü Mapao nou haitao sü neletao hi paopi peio tea Eye seive baie.”

JEREMIAH 26:23

Puletao nou Ejipt hi ve Uriah ye sü nüloua Veo Jehoiakim hi save peire, ae puhye southawua puhvei thaiphao hai maisouye daovuyu buh hi laikhai peie.)

JEREMIAH 26:8

alia Mapao nou ahi paopeio tea kharochi peikhai touyu chitao sü paocheyu thai, puletao nou Eye nüloua haibüa shapaore, “Nenou chi paoyu thaifüa ne sü thailai!

ZEKHARIAH 1:1

Darius veo nou vekou louyu po ahai vei khouh acha nahi Mapao vei chipao hai Iddo tyao, Berekhiah nahpoutu rachipaolawo Zekhariah hi haibüa ve-e:

MAIPEI PHOUYU 35:33

Neletao nou haibüa soure touyu thaio, neletao nou hrüa buyu teidei nasü souzhaiwure. Maiye southa dathayu sünou teidei sü souzhaiwure, ae teidei hai naanou soua soushee loure vei ludu kukhe halia ha-e, maiye southayu mainaye sü southayu likhei baie.

LUK NOU RÜYU KO AVEIBVÜ 11:51

süolouzü Abel vei zhe hinou shua sheelabuh ea Mashi buh kole hinou southeawuyu Zekharia vei zhe koute donou maikha haina hinou khüh phoulai. Ovai, Enou neletao hi paoe, sütao teitei donou maikha haina hinou khüh phoulai!

SEI-ATAMAI VAHTAO 5:28

“Ehnou neleye zhih haina vanou doupei khaiso tea soutaosoua tukhapeie, ana zhukhaio, nelenou doupeiyu sünanou Jerusalem hisü phoupei loure ea mai hainavei zhesü nelenou Eh pei hi mah dukhai nüwe.”

EBRIAMAI 11:4

Lü vanou Abel nou Kain vei jünou veikouyu posheelayu nanou Ramai hi popeie. Puh lü vanou puh hai chechemai alie touyu vei zhopaoh hai puhnou Ramai hinou ngaoloue, daiolouzü Ramai nou puhvei sapeina taosü ae-ao tea popeie. Puhsü thaitakhaia, puh lü vanou chu koutea puhnou chi pao-a bue.

EBRIAMAI 12:24

Neletao sü vo ashuna vei kolelou-apeio Jisu hi ea Abel zhe jünou zhuvea koushoa chipaoa buyu vurao khaitouyu zhe hi tave louloure.

PONGAOPEIYU 18:24

Alia rachi paolamai, sheeyu maitao ea deiphao hinou southeawuyu maikhemai hrülai vei zhesü puh hinou ngaolouyu vanou Babilon ye sü tudee peire.