MATHIU 23:34 - SHEEYU BAIBEL (BSI)

³⁴ Südonou Enou neletao hi rachi paolamaitao, tsüvei maitao ea razhai dou-apeimaitao seivelai; neletao nou puletao kamaiye southealai, kamaiye veathealai, alia kamaiye neletao vei rathobuh khonou dapeilai ea nuhdu lih kinou hukou-hukhelai.

MATHIU 23:34 Iomraidhean Croise

2 VEMAITO 21:10

Mapao vei kilai rachipaolayu maitao hinou puhnou haibüa paoe,

2 PUOPAOKO 24:21

Maikhe mainou Zekhariah ye southalai tea chi kuyu hisü Joash-a koa louzholoua veo nou puhye chuh nou khyathawo tea kharochi peie puhye sü Rathoki pa hinou maikhe mainou chuh nou deithawure.

TSÜCHITAO 11:30

Acheche maivei rashiwo hriloure vei süübe alie, ana zhaipou shiyu nanou hrü sü pota-a baiwe.

JEREMIAH 26:8

alia Mapao nou ahi paopeio tea kharochi peikhai touyu chitao sü paocheyu thai, puletao nou Eye nüloua haibüa shapaore, “Nenou chi paoyu thaifüa ne sü thailai!

JEREMIAH 36:26

Süthaisü veo nou puh nahpoutu Jerahmeel, Azriel nahpoutu Seraiah ae Abdeel nahpoutu Shelemiah puletaoye nou Eye alia avei larü rü-apeio Baruk ye nülo tea kharochi peie, ana Mapao nou ahai ye poku peie.

MATHIU 10:23

Puletao nou neletaoye nuhdu ali hinou souveayu kisü, kukhe alihi tuvelo; daiolouzü cheche vuzü Enou neletao hi paowe, neletao nou Mai Nahpoutu nou vemo jühisü Israel nahmaitao vei nuhdu taohi taveche louhoe.

MATHIU 13:52

Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”

MATHIU 23:31

Südonou neletao nou neletao hai rachi paolamai taoye southeayu maitao vei nahmaitaoe touyu hai lah neletao-a aetouwe.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

JOHAN 16:2

Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

JOHAN 20:21

Jisu nou puletao hi paopue, “Neletao hi kaonayu buloutheo. Apuonou Eye seipeiyu kua Enou neletaoye-a seiwe.”

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 11:27

Chuo teithe haitao hinou rachi paolamai kamainou Jerusalem hinou Antiok hi takoue.

SEI-ATAMAI VAHTAO 12:2

Puhnou Johan jürai Jemsye khochenou daotheare.

SEI-ATAMAI VAHTAO 13:1

Alia chuo Antiok hi buyu lüloumaime hisü rachi paolamaitao, dou-apeimaitao, Barnabas, Simeon Ateina, Kurini hi Lukia, alia Herod veoye koa kipakhai touyu Manaen ea Saul haitao bue.

SEI-ATAMAI VAHTAO 14:19

Ana Jihudimai kamaitao nou Pisidia hi buyu Antiok hinou ea Ikonium hinou taveloua maikhe maiye süpeiwu-a puletaoye panou Paulye chuhnou deipeire ea puhsü thaire tea choloua nuhdu vakouhi puhye süthaipa khaire.

SEI-ATAMAI VAHTAO 15:32

Alia lah puhai-a rachi paolamai soua buyu Judas ea Sailas nou thaihou jürai maitao hisü lehoyu chi taoli paopeia puletaoye soutsü peire.

SEI-ATAMAI VAHTAO 5:40

Südonou puletao nou puhvei chi sü poloure, alia puletao nou sei-atamai taoye kulouloua puletaoye sü dapeiwu-a ea Jisu zhih hinou hatalia paokhaiso tea tukhatsü peiwu-a puletaoye phapeire.

1 KORINTHMAI 2:6

Sütoukhaia rako hilonou liche-a buyu puletao hisü Enou ratsü vei chipao sü paongaowe. Ana chipao hainasü deiphao haina vei tsüdokai hinou vemoe moa haisü haka bailaiyu deiphao hainaye tukhayu khouko süna hinou vemoe.

1 KORINTHMAI 3:10

Ahi peikhai touyu Ramai zhuvea süna thaifüa, kaishoa ki souyu paopu alikua Enou kifü nasü seipaloue, alia kukhemai alinou süna pei hinou ki soupaloue. Ana mai hrülainou kakua süna vahinou ki soupasa touyu hisü zhutoulou khaio.

KOLOSSEMAI 1:28

Südonou Ehnou maikhemai hrülaihi Khristaye paodouwe. Ehnou mai aliliye Khrista hinou licheyu maitao soua Ramai nghojühi save khaipeire donou ratsü teitei noupu puletaoye tukhapei-a doupeiwe.

1 THESSALONIMAI 2:16

Ehnou tahrüh kukhe maitao hi puletaoye khailu peiloure chipao nasü paodou peire hinou puletao nou Ehye nuwure donou te-e. Sübüa souyu hinou puletao nou teisanou soua buyu mahtaovei kou nasü panou phou chekhou loure. Alia chuo akhai hinou Ramai vei rarouyu nasü puletao pei hi koulou loure!

EBRIAMAI 11:37

Puletaoye chuhnou deipeie, puletaoye sü ahaisoua vadepeie; puletaoye khochenou daotheae. Puletaoye sü zhao ea nghitu heenou banoua tasühaoe, toure shore ha-a souvea souhoa ea zhai ashi noupu soushi soukhapeia hrüe.

PONGAOPEIYU 11:10

Deiphao hinou hrüa buyu maikhe maitao nou puhai thaiyu donou salai, alia nühnüa alinou lihi sa-a doh seilai, daiolouzü rachi paolamai hai hainou deiphao hi hrüa buyu maikhemai pei hi alaosou veahoyu pove peie.