MATHIU 23:23 - SHEEYU BAIBEL (BSI)

²³ “Aveikho souyu razhai dou-apeimai ea Phariseemaitao, neletaoye donou daizhozhou ngaopisa! Daiolouzü neletao nou Ramai hi kainü veiyu vupoutao süolouzü, naipou, kiko ea naipyawo louzü zha kirou hinou zhali posheelae, ana neletao nou razhai hinou matsü shoyu natao süolouzü checheyu, zhuvea peiyu ea loucheyu sütaohai ngaophoukhai more. Kukhetao-a ngaophou moyu soumoa neletao nou haitaohai soulouyu phae.

MATHIU 23:23 Iomraidhean Croise

TSÜCHITAO 21:3

Acheche ae kaozü nanou soulo; süna hai Mapao nou posheela peiyu jünoua jüpapu hie.

ISAIAH 28:25

Tatamai nou dou shaloua hrüchi cheyu thainou rachipou (dill) ae deihathou (cumin) daothou movu, ae southou alia shithou hai buh macha soua daothou movu, alia tai-mou kukhe hai-a puhvei dou kainghou kainou ki thoumovu?

JEREMIAH 22:3

‘Mapao Enou neletao hisü kaozü vah ae acheche nasü soulo tea kharochi peiwe. Mainou pirayu maiye maishiyu maitao bah hinou vupa peio. Shejümai, pfüpuo hamai, moa mimea pfütaoye ngaophou moyu souyu, ae sheeyu buh hai hinou mah hayu maivei zhe soupaso.

HOSEA 6:6

Daiolouzü Ewo neletao nou posheelayu na jünou neletao vei tobai soumoa leshi peiyua jüpa puhie, meinou deia thoyu najünou Eye süyu nanou jüpa hie.

LEVIMAI LARÜBVÜ 27:30

Teidei hinou payu thoudzü moa shinamara taralia zha kirou hinou zha ali hai Mapao vei-e.

MIKAH 6:8

Moe, Mapao nou Etao hisü kabüyu paityanou veiwe touyu sü paopeiwure. Mapao nou Etao hinou jüpayu louzü: kaozü souyu, tobai soumoa leshiyu nasü soungao peiyu, ae tainoutou soua Etao Ramai ye koa hrüyu hai nou jüpa-a baie.

MATHIU 12:7

Sheeyu larübvü nou paoe, ‘Ewo zhuvea peiyuna züpahie, posheelayuna moe.’ Hainavei kohai neletao sücheche louzü, mah hayu maiye neletao nou paoshiwu paimoe;

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

MATHIU 9:13

‘Enou züpayu süwo louzü zhuvea peiyuna baie, posheelayuna moe,’ tea sheeyu larübvü hinou paokhai touyu kosü daisa touyu hai taho phoupa loukhaio. Daiolouzü Esü cheche maiye kure donou vemoe, ana mahmaiye kure donou baie.”

LUK NOU RÜYU KO AVEIBVÜ 11:42

“Ana Phariseemaitao neletaoye donou daizhozhou ngaopisa! Daiolouzü neletao nou Ramai vei kainü veiyu vu-poutao süolouzü naipya, seisai ea vu-pou kukhe veishiwo louzü zha kirou hinou zhali posheelae, checheyu ea Ramaiye leshiyuwo louzü ngaophoumoe. Kukhetao ngaophou moyu soumoa neletao nou haitaohai soulouyu phae.

LUK NOU RÜYU KO AVEIBVÜ 18:12

Ewo teithecho lihi lüh ahai lühwe, alia Enou ngaolouyu zha kirou hinou ali nehi peiwe.’

1 SAMUEL 15:22

Samuel nou paoe, “Mapao nou jüpayu hai puh chi züyu naho, molouzü posheela peiyu nage? Kikhaorü veikayu nanou posheela peiyu jüwo puh chi züyu punou jüpapue.