MATHIU 23:15 - SHEEYU BAIBEL (BSI)

¹⁵ “Aveikho souyu razhai dou-apeimai ea Phariseemaitao, neletao donou daizhozhou ngaopisa! Daiolouzü neletao nou maitaliye le souda loure donou zaipeinou ea teideitao hinou tawe; alia mai alinou le dalouyu kisü, neletao nou puhye lah neletao kua panou meizai hi loulouvei zha ahai soukou peiwe.

MATHIU 23:15 Iomraidhean Croise

ESTHER 8:17

Nuh hinou alia vedei hinou hrüa buyu Jihudimai hrülai nou seitayu kharochi nasü süloukhaie, puletao nou asah soua kaonayu khonü nasü nüe. Alia maitya kukhe taoli hai Jihudimai ye ngaopiyu donou Jihudimai soulai tea soutare.

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

MATHIU 3:7

Ana Johan nou Phariseemai ea Sadukimai taolinou dzükhao daloure donou puh hi taveyu ngaoloua puletao hi paoe, “Oh houng tyaonahkhemai! Neletaoye thaohnou vere Ramai rarouna hinou tutalouwo tea tukhapeie?

MATHIU 5:22

Ana chuo Enou neletao hi paowe: puh thaihou jüraiye rarouyu maitaliye sü chi kure donou savelai, maitalinou puh thaihou jüraiye ‘Hakonawo!’ tea kulouzü puhye sü tsümehi save lalai, alia maita linou puh thaihou jüraiye, ‘Avowo!’ tea paolouzü puh hai meizhai hi loure rakoshi nasü daolai.

MATHIU 5:29

Südonou ne nghithou zhoulonou neye mah hi süthou peilouzü, süsü reilapawu-a polaiwo! Neye donou pfüphao teiteinou meizaihi polai thouwuyu jüwo pfüphao zhali hayu nou veikou shohie.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

SEI-ATAMAI VAHTAO 13:10

puh hi paoe, “He! do ashi amadanou phoupeia buyu, acheche teiteiye ngaobayu rashivei nahpoutu, newo Mapao vei acheche ludu nasü süthaima süthaimoyu thaolai mowu?

SEI-ATAMAI VAHTAO 13:43

Alia maikhe mainou ratholoua popayu kisü Jihudimai taoli ea leishoa rathoyu Jihudimai zhai polouyu maikhemai taolinou Paul ea Barnabas thaifüa taloure ea puhai nou puletaoye chipha-a Ramai vei zhuvea hinou tobai soumoa buloure donou soutaosoua süpeie.

SEI-ATAMAI VAHTAO 14:19

Ana Jihudimai kamaitao nou Pisidia hi buyu Antiok hinou ea Ikonium hinou taveloua maikhe maiye süpeiwu-a puletaoye panou Paulye chuhnou deipeire ea puhsü thaire tea choloua nuhdu vakouhi puhye süthaipa khaire.

SEI-ATAMAI VAHTAO 14:2

Ana louche bayu Jihudimai taonou tahrüh kukhe maitaoye süpeiwu-a panou puletaoye nou lüloumaitao pei hi motou loure.

SEI-ATAMAI VAHTAO 17:13

Ana Thessalonika hi Jihudimai taonou Paul nou Berea hi-a Ramai chipao sü paodoupeie touyu sü süloua puletao nou sühi-a taveloukhaia maikhe maiye thaopei khaiwu-a panou chi bvüsho palou khaire.

SEI-ATAMAI VAHTAO 2:10

Frigia ea Pamphulia hinou Ejipt ea Kurini ngheiki buyu Libia teideitao hinou ve. Eletao hrohi kamainou (süolouzü Jihudimai ea Jihudi dalou maitao) Rom hinou ve.

SEI-ATAMAI VAHTAO 6:5

Alia puletao nou paoyu sünanou maisou hrülai lesü khraloure. Südonou lünou ea Rako Mashinou phoupeia buyu Stephan, ea Philip, Prokoras, Nikanor, Timon, Parmenas ea Jihudimai zhai polouyu Antiok hi mai Nikolasye puletao nou doloure.

GALATIAMAI 4:17

Maikukhe mainou neletao vanou rako loushoa bue, ana puletao nou li-choyu sü avei vanou moe. Puletao nou züpayu süwo louzü neletaoye Ahinou süku paloua puletao nou neletaoye donou lepeishoyu sübüa neletaoye nou puletao hi lepei loure süna baie.

GALATIAMAI 6:12

Neletaoye panou hee rode loure donou nutaiyu puletaosü vakou pfüphao hilonou khaophu soua aveikho sounüyu puletaoe. Sütoukhaia, puletao nou süsü Khrista vei kros donou puletaoye mainou souvea more donou likhei soubaie.

EPHESAMAI 2:3

Chechenou Eletao hrülai-a puletao bübaie ea lah Eletao pfüphao ea tsünou züpayu tali soua Eletao vasou züpa thaifü-a hrüe. Alia südonou Eletao sü zhai thaifüa deiphaomai kukhe büa Ramai rarou lekhavei nahmaitao baire.